മ​ധ്യ​വ​യ​സ്‌​ക​ന്‍റെ മ​ര​ണം കൊ​ല​പാ​ത​ക​മെ​ന്ന്; മക്കൾ അറസ്​റ്റിൽ​

ക​ല്‍പ​റ്റ: മ​ധ്യ​വ​യ​സ്‌​ക​നെ വീ​ട്ടി​ല്‍ മ​രി​ച്ച​നി​ല​യി​ല്‍ ക​ണ്ടെ​ത്തി​യ സം​ഭ​വം കൊ​ല​പാ​ത​ക​മെ​ന്ന് പൊ​ലീ​സ്. സം​ഭ​വ​വു​മാ​യി ബ​ന്ധ​പ്പെ​ട്ട് മ​ക്ക​ളെ പൊ​ലീ​സ് അ​റ​സ്​​റ്റ്​ ചെ​യ്തു. തെ​ക്കും​ത​റ മാ​മ്പി​ച്ച കോ​ള​നി​യി​ലെ രാ​ജ​െൻറ (61) മ​ര​ണം കൊ​ല​പാ​ത​ക​മാ​ണെ​ന്ന് തെ​ളി​ഞ്ഞ​താ​യി പൊ​ലീ​സ് വ്യ​ക്ത​മാ​ക്കി. ബു​ധ​നാ​ഴ്ച രാ​വി​ലെ​യാ​ണ് രാ​ജ​നെ വീ​ടി​നു​ള്ളി​ല്‍ മ​രി​ച്ച​നി​ല​യി​ല്‍ ക​ണ്ടെ​ത്തി​യ​ത്. കൊ​ല​പാ​ത​ക​വു​മാ​യി ബ​ന്ധ​പ്പെ​ട്ട് മ​ക്ക​ളാ​യ പ്ര​തീ​ഷ് (21), ര​തീ​ഷ് (20) എ​ന്നി​വ​രെ അ​റ​സ്​​റ്റ്​ ചെ​യ്​​തു. മ​ദ്യ​പി​ച്ചെ​ത്തി​യ രാ​ജ​ന്‍ ഭാ​ര്യ​യു​മാ​യി വ​ഴ​ക്കി​ടു​ന്ന​തി​നി​ടെ മ​ക്ക​ള്‍ ഇ​ട​പെ​ടു​ക​യും കൊ​ല​പാ​ത​ക​ത്തി​ല്‍ ക​ലാ​ശി​ക്കു​ക​യു​മാ​യി​രു​ന്നു.

ചൊ​വ്വാ​ഴ്ച രാ​ത്രി​യാ​ണ് സം​ഭ​വം. മ​ദ്യ​പി​ച്ചെ​ത്തി​യ രാ​ജ​ന്‍ ഭാ​ര്യ​യു​മാ​യി വ​ഴ​ക്കി​ടു​ക​യും മ​ക്ക​ള്‍ ത​ട​യു​ക​യു​മാ​യി​രു​ന്നു. രാ​ജ​നെ പി​ടി​ച്ചു​മാ​റ്റു​ന്ന​തി​നി​ടെ രാ​ജ​െൻറ ക​ഴു​ത്തി​ലെ ഷാ​ള്‍ മ​ക്ക​ള്‍ പി​ടി​ച്ചു​വ​ലി​ച്ചു. ഇ​തോ​ടെ രാ​ജ​ന്‍ നി​ല​ത്തു​വീ​ണു. എ​ന്നാ​ല്‍, മ​ദ്യ​പി​ച്ച​തു​കൊ​ണ്ട് വീ​ണ​താ​കാ​മെ​ന്നാ​ണ് ക​രു​തി​യ​ത്. രാ​വി​ലെ​യാ​യി​ട്ടും രാ​ജ​ന്‍ എ​ഴു​ന്നേ​റ്റി​ല്ല.

തു​ട​ര്‍ന്ന് മ​ര​ണം സ്​​ഥി​രീ​ക​രി​ച്ചു. ക​ൽ​പ​റ്റ പൊ​ലീ​സെ​ത്തി​യ​പ്പോ​ള്‍ രാ​ജ​ന്‍ ആ​ത്മ​ഹ​ത്യ​ചെ​യ്ത​താ​ണെ​ന്നാ​ണ് മ​ക്ക​ള്‍ പ​റ​ഞ്ഞ​ത്. എ​ന്നാ​ല്‍, കോ​ഴി​ക്കോ​ട് മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ല്‍ ന​ട​ത്തി​യ പോ​സ്​​റ്റ്​​മോ​ര്‍ട്ട​ത്തി​ല്‍ മ​ര​ണ​കാ​ര​ണം ക​ഴു​ത്തി​ല്‍ കു​രു​ക്ക് മു​റു​കി​യ​താ​ണെ​ന്ന് വ്യ​ക്ത​മാ​യി. ഇ​തേ തു​ട​ര്‍ന്ന് പൊ​ലീ​സ് പ്ര​തീ​ഷി​നെ​യും ര​തീ​ഷി​നെ​യും ചോ​ദ്യം​ചെ​യ്ത​പ്പോ​ള്‍ ഇ​രു​വ​രും കു​റ്റം സ​മ്മ​തി​ക്കു​ക​യാ​യി​രു​ന്നു. ക​ല്‍പ​റ്റ സി.​ഐ പി. ​പ്ര​മോ​ദി​െൻറ നേ​തൃ​ത്വ​ത്തി​ൽ ഇ​രു​വ​രെ​യും അ​റ​സ്​​റ്റ്​ ചെ​യ്തു. കോ​ട​തി​യി​ല്‍ ഹാ​ജ​രാ​ക്കി​യ പ്ര​തി​ക​ളെ റി​മാ​ൻ​ഡ്​​ ചെ​യ്തു.