അരനൂറ്റാണ്ടിനുശേഷം ഓർമകളുറങ്ങുന്ന സ്കൂളിൽ...

മു​ട്ടി​ൽ: കു​ഞ്ഞു​ന്നാ​ളി​ൽ ഓ​ടി​ക്ക​ളി​ച്ച വി​ദ്യാ​ല​യ മു​റ്റ​ത്തേ​ക്ക് അ​ര​നൂ​റ്റാ​ണ്ടി​നു​ശേ​ഷം അ​വ​രെ​ത്തി. കാ​ലം പ​ഴ​യ രൂ​പ​ഭാ​വ​ങ്ങ​ളി​ൽ ഏ​റെ മാ​റ്റി​ത്തി​രു​ത്ത​ലു​ക​ൾ വ​രു​ത്തി​യെ​ങ്കി​ലും സ​തീ​ർ​ഥ്യ​രെ തി​രി​ച്ച​റി​ഞ്ഞ് അ​വ​ർ ഓ​ർ​മ​ക​ൾ അ​യ​വി​റ​ക്കി.

മു​ട്ടി​ൽ വ​യ​നാ​ട് ഓ​ർ​ഫ​നേ​ജ് ഹൈ​സ്കൂ​ളി​ലെ 1971-80 ബാ​ച്ചു​ക​ളു​ടെ സം​ഗ​മ​മാ​ണ് ഏ​റെ വൈ​കാ​രി​ക​വും അ​വി​സ്മ​ര​ണീ​യ​വു​മാ​യ മു​ഹൂ​ർ​ത്ത​ങ്ങ​ൾ സ​മ്മാ​നി​ച്ച​ത്. വ​യ​നാ​ട് ഓ​ർ​ഫ​നേ​ജ് ഹൈ​സ്കൂ​ൾ അ​ങ്ക​ണ​ത്തി​ൽ ശ​നി​യാ​ഴ്ച ന​ട​ന്ന സ​മാ​ഗ​മ​ത്തി​ൽ നാ​ൽ​പ​താ​ണ്ടു മു​ത​ൽ അ​ര​നൂ​റ്റാ​ണ്ടു​വ​രെ​യു​ള്ള കാ​ല​യ​ള​വി​നു​ശേ​ഷം സു​ഹൃ​ത്തു​ക്ക​ൾ പ​ര​സ്പ​രം ക​ണ്ടു​മു​ട്ടി​യ നി​മി​ഷ​ങ്ങ​ൾ അ​ത്ര​മേ​ൽ ഹൃ​ദ്യ​മാ​യി​രു​ന്നു.

തി​രി​ച്ച​റി​യാ​ൻ ക​ഴി​യാ​ത്ത​വ​ണ്ണം മാ​റി​പ്പോ​യ കൂ​ട്ടു​കാ​രെ പ​ഴ​യ ഓ​ർ​മ​ക​ളി​ലൂ​ടെ​യും പ​രി​ച​യ​പ്പെ​ടു​ത്ത​ലു​ക​ളി​ലൂ​ടെ​യും അ​വ​ർ 'തി​രി​ച്ചു​പി​ടി​ച്ചു'.

ഗൃ​ഹാ​തു​ര​ത്വ​മു​ണ​ർ​ത്തി​യ വി​ദ്യാ​ല​യ മു​റ്റ​ത്ത് ഓ​ർ​മ​ക​ൾ​ക്കൊ​പ്പം അ​വ​ർ വീ​ണ്ടും പ​ഴ​യ സ​ഹ​പാ​ഠി​ക​ളാ​യി.

ത​ങ്ങ​ളോ​ടൊ​പ്പം പ​ങ്കെ​ടു​ക്കേ​ണ്ടി​യി​രു​ന്ന പ്രി​യ​പ്പെ​ട്ട പ​ല കൂ​ട്ടു​കാ​രു​ടെ​യും വി​യോ​ഗ​വാ​ർ​ത്ത മ​ധു​ര​മൂ​റു​ന്ന അ​നു​ഭ​വ​ങ്ങ​ൾ​ക്കി​ട​യി​ലും സ​മാ​ഗ​മ​ത്തി​ന്റെ നൊ​മ്പ​ര​മാ​യി. മു​ട്ടി​ൽ യ​തീം​ഖാ​ന സെ​ക്ര​ട്ട​റി എം.​എ. മു​ഹ​മ്മ​ദ് ജ​മാ​ൽ സം​ഗ​മം ഉ​ദ്ഘാ​ട​നം ചെ​യ്തു.

പ​ഴ​യ​കാ​ല അ​ധ്യാ​പ​ക​രെ പൂ​ർ​വ​കാ​ല വി​ദ്യാ​ർ​ഥി​ക​ൾ നി​റ​ഞ്ഞ ക​ര​ഘോ​ഷ​​ത്തോ​ടെ​യാ​ണ് വേ​ദി​യി​ലേ​ക്ക് വ​ര​വേ​റ്റ​ത്. നാ​ലു പ​തി​റ്റാ​ണ്ടു മു​മ്പ് ക​ണ്ട ത​ങ്ങ​ളു​ടെ വി​ദ്യാ​ർ​ഥി​ക​ൾ വാ​ർ​ധ​ക്യ​ത്തി​ൽ എ​ത്തി​യി​ട്ടും പ​ല​രെ​യും അ​വ​ർ തി​രി​ച്ച​റി​ഞ്ഞു. ഏ​റെ വ​ർ​ഷ​ങ്ങ​ൾ​ക്കു​ശേ​ഷം ഇ​ത്ത​ര​മൊ​രു കൂ​ട്ടാ​യ്മ​യി​ൽ പ​​ങ്കെ​ടു​ക്കാ​നും പ​ഴ​യ കൂ​ട്ടു​കാ​രോ​ടൊ​ന്നി​ച്ച് സ​മ​യം ചെ​ല​വി​ടാ​നും ക​ഴി​ഞ്ഞ​തി​ൽ ഏ​റെ സ​ന്തോ​ഷം പ്ര​ക​ടി​പ്പി​ച്ചാ​ണ് സ​ഹ​പാ​ഠി​ക​ൾ പി​രി​ഞ്ഞ​ത്.