കോവിഡ്​ പരിശോധന നിരക്ക്​ കുറക്കൽ: സ്വകാര്യ ലാബുകൾ പരിശോധന നിർത്തി; വിദേശയാത്രക്കാർ വലയും

ക​ൽ​പ​റ്റ: മൂ​ന്നാം ത​വ​ണ​യും കോ​വി​ഡ് ആ​ർ.​ടി.​പി.​സി.​ആ​ർ, ആ​ന്‍റി​ജ​ൻ നി​ര​ക്ക് കു​റ​ച്ച സ​ർ​ക്കാ​ർ ന​ട​പ​ടി​യി​ൽ പ്ര​തി​ഷേ​ധി​ച്ച്​ ജി​ല്ല​യി​ലെ സ്വ​കാ​ര്യ ലാ​ബു​ക​ൾ പ​രി​ശോ​ധ​ന ന​ട​പ​ടി നി​ർ​ത്തി​വെ​ച്ച​തോ​ടെ വി​ദേ​ശ-​ക​ർ​ണാ​ട​ക യാ​ത്ര​ക്കാ​ർ പ്ര​തി​സ​ന്ധി​യി​ലാ​യി. അ​തേ​സ​മ​യം, ജി​ല്ല​യി​ൽ ആ​ർ.​ടി.​പി.​സി.​ആ​ർ പ​രി​ശോ​ധ​ന​ക്ക്​ അ​നു​മ​തി​യു​ള്ള സ്വ​കാ​ര്യ ലാ​ബാ​യ ഡി.​എം വിം​സി​ൽ സ​ർ​ക്കാ​ർ പു​തു​ക്കി നി​ശ്ച​യി​ച്ച നി​ര​ക്കി​ൽ​ത​ന്നെ വ്യാ​ഴാ​ഴ്ച പ​രി​ശോ​ധ​ന ന​ട​ത്തി.

എ​ന്നാ​ൽ, സ്രവം ​ ശേ​ഖ​രി​ച്ച്​ കോ​ഴി​ക്കോ​ട്​ ജി​ല്ല​യി​ലെ അം​ഗീ​കൃ​ത ലാ​ബു​ക​ളി​ലേ​ക്ക്​ അ​യ​ച്ച്​ ഫ​ലം ഉ​പ​ഭോ​ക്താ​ക്ക​ൾ​ക്ക്​ ല​ഭ്യ​മാ​ക്കു​ന്ന ജി​ല്ല​യി​ലെ മു​പ്പ​തോ​ളം ല​ബോ​റ​ട്ട​റി​ക​ളാ​ണ്​ നി​ര​ക്ക്​ കു​റ​ച്ച​തോ​ടെ പ​രി​ശോ​ധ​ന ന​ട​പ​ടി​ക​ൾ നി​ർ​ത്തി​വെ​ച്ച​ത്. ആ​രോ​ഗ്യ​വ​കു​പ്പി​ൽ​നി​ന്നു​ള്ള അ​നു​മ​തി​യോ​ടെ​യാ​ണ്​ ഈ ​സ്വ​കാ​ര്യ ലാ​ബു​ക​ൾ സാ​മ്പ്​​ൾ ശേ​ഖ​രി​ച്ച്​ ഫ​ലം ല​ഭ്യ​മാ​ക്കി​യി​രു​ന്ന​ത്.

ജി​ല്ല​യി​ലെ തൊ​ണ്ണൂ​റോ​ളം ലാ​ബു​ട​മ​ക​ൾ അം​ഗ​മാ​യ മെ​ഡി​ക്ക​ൽ ല​ബോ​റ​ട്ട​റി ഓ​ണേ​ഴ്സ് അ​സോ​സി​യേ​ഷ​ൻ (എം.​എ​ൽ.​ഒ.​എ) ആ​ണ്​ ഇ​ത​ര ജി​ല്ല​ക​ളി​ലേ​തു​പോ​ലെ വ​യ​നാ​ട്ടി​ലും പ​രി​ശോ​ധ​ന നി​ർ​ത്തി​വെ​ക്കാ​ൻ തീ​രു​മാ​നി​ച്ച​ത്. ഗു​ണ​മേ​ന്മ ഉ​റ​പ്പാ​ക്കി, മാ​ന​ദ​ണ്ഡ​ങ്ങ​ൾ പാ​ലി​ച്ച്​ പു​തി​യ ഉ​ത്ത​ര​വ് പ്ര​കാ​രം നി​ശ്ച​യി​ച്ചി​ട്ടു​ള്ള നി​ര​ക്കി​ൽ പ​രി​ശോ​ധ​ന​ക​ൾ ന​ട​ത്താ​ൻ ക​ഴി​യി​ല്ലെ​ന്നാ​ണ്​ അ​സോ​സി​യേ​ഷ​ൻ ഭാ​ര​വാ​ഹി​ക​ൾ വ്യ​ക്ത​മാ​ക്കു​ന്ന​ത്. പ​രി​ശോ​ധ​ന നി​ർ​ത്തി​വെ​ക്കു​ന്ന​തി​ലൂ​ടെ ജ​ന​ങ്ങ​ൾ​ക്കു​ണ്ടാ​വു​ന്ന ന​ഷ്ട​ങ്ങ​ൾ​ക്കും​ പ്ര​യാ​സ​ങ്ങ​ൾ​ക്കും പൂ​ർ​ണ ഉ​ത്ത​ര​വാ​ദി​ത്തം സ​ർ​ക്കാ​റി​ന് മാ​ത്ര​മാ​യി​രി​ക്കു​മെ​ന്ന്​ അ​സോ​സി​യേ​ഷ​ൻ ഭാ​ര​വാ​ഹി​ക​ളാ​യ പി.​എ​സ്. വി​ജ​യ​ൻ, സി. ​പ്ര​താ​പ്​ വാ​സു, അ​നീ​ഷ്​ ആ​ന്‍റ​ണി എ​ന്നി​വ​ർ വ്യ​ക്ത​മാ​ക്കി.

നി​ശ്ചി​ത സ​മ​യ​ത്തി​നു​ള്ളി​ലെ കോ​വി​ഡ്​ ആ​ർ.​ടി.​പി.​സി.​ആ​ർ നെ​ഗ​റ്റി​വ്​ ഫ​ലം ആ​വ​ശ്യ​മാ​യ ജി​ല്ല​യി​ൽ​നി​ന്നു​ള്ള വി​ദേ​ശ​യാ​ത്ര​ക്കാ​രും ക​ർ​ണാ​ട​ക​യി​ലേ​ക്ക്​ പോ​വു​ന്ന​വ​രും പ​രി​ശോ​ധ​ന​ക്ക്​ ​ആ​ശ്ര​യി​ക്കു​ന്ന​ത്​ ഇ​ത്ത​രം ലാ​ബു​ക​ളെ​യാ​ണ്. സ​ർ​ക്കാ​ർ ലാ​ബു​ക​ളെ ആ​ശ്ര​യി​ച്ചാ​ൽ ഫ​ലം ല​ഭി​ക്കു​ന്ന​തി​ന്​ കാ​ല​താ​മ​സ​മു​ണ്ടാ​വു​മെ​ന്ന​തും സ്വ​കാ​ര്യ സ്ഥാ​പ​ന​ങ്ങ​ളെ സ​മീ​പി​ക്കാ​ൻ ജ​ന​ങ്ങ​ളെ പ്രേ​രി​പ്പി​ക്കു​ന്നു. ലാ​ബി​ൽ​നി​ന്ന്​ നേ​രി​ട്ടും ജീ​വ​ന​ക്കാ​ർ വീ​ടു​ക​ളി​ൽ എ​ത്തി​യും സ്വാ​ബ്​ ശേ​ഖ​രി​ച്ച്​ കോ​ഴി​ക്കോ​ട്ടെ ​ല​ബോ​റ​ട്ട​റി​ക​ളി​ലേ​ക്ക്​ അ​യ​ച്ചാ​ണ്​ പ​രി​ശോ​ധ​ന ന​ട​പ​ടി​ക​ൾ പൂ​ർ​ത്തി​യാ​ക്കു​ന്ന​ത്.

നി​ല​വി​ലെ 300 രൂ​പ നി​ര​ക്കി​ൽ കോ​ഴി​ക്കോ​ട്ടേ​ക്ക്​ സ്രവം അ​യ​ച്ചാ​ൽ ല​ബോ​റ​ട്ട​റി​ക​ൾ​ക്ക്​ ന​ഷ്ട​മാ​യി​രി​ക്കു​മെ​ന്ന്​ എം.​എ​ൽ.​ഒ.​എ ജി​ല്ല സെ​ക്ര​ട്ട​റി സി. ​പ്ര​താ​പ്​ വാ​സു 'മാ​ധ്യ​മ'​ത്തോ​ട്​ പ​റ​ഞ്ഞു. ആ​ർ.​ടി.​പി.​സി.​ആ​റി​ന്​ 500 രൂ​പ​യാ​യി​രു​ന്ന​ത്​ 300 ആ​യും ആ​ന്‍റി​ജ​ൻ നി​ര​ക്ക്​ 300ൽ​നി​ന്ന്​ 100 രൂ​പ​യു​മാ​യാ​ണ്​ സ​ർ​ക്കാ​ർ ബു​ധ​നാ​ഴ്ച പു​തു​ക്കി നി​ശ്ച​യി​ച്ച​ത്.

അ​മി​ത നി​ര​ക്ക് ഈ​ടാ​ക്കി​യാ​ല്‍ ന​ട​പ​ടി -ഡി.​എം.​ഒ

ക​ൽ​പ​റ്റ: സം​സ്ഥാ​ന​ത്ത് കോ​വി​ഡ് പ​രി​ശോ​ധ​ന​ക​ള്‍ക്കും പി.​പി.​ഇ കി​റ്റ്, എ​ന്‍ 95 മു​ഖാ​വ​ര​ണം തു​ട​ങ്ങി​യ സു​ര​ക്ഷ സാ​മ​ഗ്രി​ക​ള്‍ക്കും നി​ര​ക്ക് കു​റ​ച്ച സാ​ഹ​ച​ര്യ​ത്തി​ല്‍ അ​മി​ത വി​ല ഈ​ടാ​ക്കു​ന്ന​വ​ര്‍ക്കെ​തി​രെ ക​ര്‍ശ​ന ന​ട​പ​ടി സ്വീ​ക​രി​ക്കു​മെ​ന്ന് ഡി.​എം.​ഒ ഡോ. ​കെ. സ​ക്കീ​ന അ​റി​യി​ച്ചു. സം​സ്ഥാ​ന ആ​രോ​ഗ്യ കു​ടും​ബ ക്ഷേ​മ വ​കു​പ്പി​‍െൻറ ഫെ​ബ്രു​വ​രി എ​ട്ടാം തീ​യ​തി​യി​ലെ ഗ​വ. ഉ​ത്ത​ര​വ് പ്ര​കാ​ര​മു​ള​ള നി​ര​ക്കു​ക​ള്‍ മാ​ത്ര​മെ ജി​ല്ല​യി​ലും ഈ​ടാ​ക്കാ​ന്‍ പാ​ടു​ള്ളൂ.

പു​തു​ക്കി​യ നി​ര​ക്ക് (പ​ഴ​യ നി​ര​ക്ക് ബ്രാ​ക്ക​റ്റി​ല്‍)

ആ​ര്‍.​ടി.​പി.​സി.​ആ​ര്‍ 300 രൂ​പ (500), ആ​ന്‍റി​ജ​ന്‍-100 (300), എ​ക്‌​സ്‌​പെ​ര്‍ട് നാ​റ്റ് 2350 (2500), ട്രൂ​നാ​റ്റ് 1225 (1500), ആ​ര്‍.​ടി ലാ​ബ് 1025 രൂ​പ (1150). എ​ല്ലാ ചാ​ര്‍ജു​ക​ളും ഉ​ള്‍പ്പെ​ടെ​യു​ള്ള നി​ര​ക്കാ​ണി​ത്.

പി.​പി.​ഇ കി​റ്റ് ഒ​രു യൂ​നി​റ്റി​ന് എ​ക്‌​സ്.​എ​ല്‍ വ​ലു​പ്പ​ത്തി​ന് 154 രൂ​പ​യും ഡ​ബി​ള്‍ എ​ക്‌​സ്.​എ​ല്‍ വ​ലു​പ്പ​ത്തി​ന് 156 രൂ​പ​യു​മാ​ണ് ഏ​റ്റ​വും കു​റ​ഞ്ഞ തു​ക. എ​ക്‌​സ്.​എ​ല്‍, ഡ​ബി​ള്‍ എ​ക്‌​സ്.​എ​ല്‍ വ​ലു​പ്പ​ത്തി​ന് ഉ​യ​ര്‍ന്ന തു​ക 175 രൂ​പ​യാ​ണ്.

എ​ന്‍ 95 മു​ഖാ​വ​ര​ണം ഒ​രെ​ണ്ണ​ത്തി​ന് കു​റ​ഞ്ഞ തു​ക 5.50 രൂ​പ​യും ഉ​യ​ര്‍ന്ന തു​ക 15 രൂ​പ​യു​മാ​ണ്.