രാ​ഹു​ൽ ഗാ​ന്ധി​യു​ടെ ഇ​ട​പെ​ട​ൽ ഗ്രാ​മീ​ണ റോ​ഡു​ക​ളു​ടെ ന​വീ​ക​ര​ണ​ത്തി​ന് 72.6 കോ​ടി

ക​ൽ​പ​റ്റ: വ​യ​നാ​ട് പാ​ർ​ല​മെ​ന്റ്‌ മ​ണ്ഡ​ല​ത്തി​ലെ ഗ്രാ​മീ​ണ റോ​ഡു​ക​ളു​ടെ ന​വീ​ക​ര​ണ​ത്തി​ന് 72.6 കോ​ടി രൂ​പ അ​നു​വ​ദി​ച്ചു. പി.​എം.​ജി.​എ​സ്.​വൈ മൂ​ന്നാം​ഘ​ട്ട​ത്തി​ന്റെ ഭാ​ഗ​മാ​യി 2023-2024 ലെ ​ബാ​ച്ച് ഒ​ന്നി​ൽ ഉ​ൾ​പ്പെ​ടു​ത്തി​യാ​ണ് മ​ണ്ഡ​ല​ത്തി​ലെ 15 റോ​ഡു​ക​ളു​ടെ ന​വീ​ക​ര​ണ​ത്തി​ന് 72.6 കോ​ടി രൂ​പ അ​നു​വ​ദി​ച്ച്‌ കേ​ന്ദ്ര ഗ്രാ​മ വി​ക​സ​ന മ​ന്ത്രാ​ല​യം ഉ​ത്ത​ര​വി​റ​ക്കി​യ​ത്.

ജി​ല്ല​യി​ൽ പി.​എം.​ജി.​എ​സ്.​വൈ ഒ​ന്നാം​ഘ​ട്ട​ത്തി​ൽ ഉ​ൾ​പ്പെ​ടു​ത്തി അ​നു​വ​ദി​ച്ചി​രു​ന്ന റോ​ഡു​ക​ൾ​ക്ക് പു​റ​മേ വ​യ​നാ​ട്ടി​ലെ പ്ര​ത്യേ​ക സാ​ഹ​ച​ര്യം ക​ണ​ക്കി​ലെ​ടു​ത്ത്‌ റോ​ഡു​ക​ളു​ടെ ക​ണ​ക്ടി​വി​റ്റി ഉ​റ​പ്പാ​ക്കു​ന്ന​തി​നും മെ​ച്ച​പ്പെ​ട്ട റോ​ഡ് സൗ​ക​ര്യം ഉ​റ​പ്പു​വ​രു​ത്തു​ന്ന​തി​നും കൂ​ടു​ത​ൽ റോ​ഡു​ക​ൾ ഉ​ൾ​പ്പെ​ടു​ത്ത​ണ​മെ​ന്ന് പാ​ർ​ല​മെൻറ് അം​ഗം ആ​യി​രി​ക്കെ രാ​ഹു​ൽ ഗാ​ന്ധി കേ​ന്ദ്ര ഗ്രാ​മ വി​ക​സ​ന മ​ന്ത്രി​യോ​ട്‌ ആ​വ​ശ്യ​പ്പെ​ട്ടി​രു​ന്നു. ഇ​ത്‌ പ്ര​കാ​രം ക​ഴി​ഞ്ഞ സാ​മ്പ​ത്തി​ക വ​ർ​ഷ​ത്തി​ൽ ജി​ല്ല​യി​ൽ അ​ധി​ക​മാ​യി ര​ണ്ടു റോ​ഡു​ക​ൾ കൂ​ടി ഉ​ൾ​പ്പെ​ടു​ത്തി​യി​രു​ന്നു. മാ​ന​ന്ത​വാ​ടി, ക​ൽ​പ​റ്റ, സു​ൽ​ത്താ​ൻ ബ​ത്തേ​രി, വ​ണ്ടൂ​ർ, കാ​ളി​കാ​വ്, നി​ല​മ്പൂ​ർ, ബ്ലോ​ക്കു​ക​ളി​ലാ​യി 66.3 കി​ലോ മീ​റ്റ​ർ റോ​ഡു​ക​ളു​ടെ ന​വീ​ക​ര​ണ​മാ​ണ് ഇ​തി​ലൂ​ടെ ന​ട​ക്കു​ന്ന​ത്.

പി.​എം.​ജി.​എ​സ്‌.​വൈ മൂ​ന്നാം​ഘ​ട്ട​ത്തി​ൽ 2020-21 വ​ർ​ഷ​ത്തെ ബാ​ച്ച് ഒ​ന്നി​ൽ ഉ​ൾ​പ്പെ​ടു​ത്തി 22.64 കോ​ടി രൂ​പ​യും 2021-2022 വ​ർ​ഷ​ത്തെ ബാ​ച്ച് ഒ​ന്നി​ൽ ഉ​ൾ​പ്പെ​ടു​ത്തി 29.28 കോ​ടി രൂ​പ​യും നേ​ര​ത്തെ അ​നു​വ​ദി​ച്ചി​രു​ന്നു .

കൂ​ടാ​തെ ഈ ​പ​ദ്ധ​തി​യി​ൽ ഉ​ൾ​പ്പെ​ടു​ത്തി മ​ല​പ്പു​റം എ​ട​ക്ക​ര -മൂ​ത്തേ​ടം പ​ഞ്ചാ​യ​ത്തു​ക​ളെ ബ​ന്ധി​പ്പി​ക്കു​ന്ന മു​പ്പി​നി പാ​ലം നി​ർ​മി​ക്കു​ന്ന​തി​നും, വ​യ​നാ​ട് ജി​ല്ല​യി​ലെ അ​ച്ചൂ​ർ പാ​ലം നി​ർ​മി​ക്കു​ന്ന​തി​നും ഫ​ണ്ട് അ​നു​വ​ദി​ക്കു​വാ​ൻ രാ​ഹു​ൽ ഗാ​ന്ധി ക​ത്ത് ന​ൽ​കി​യി​രു​ന്നു. ഇ​തി​ന്റെ അ​ടി​സ്ഥാ​ന​ത്തി​ൽ ഈ ​ര​ണ്ട്‌ പാ​ല​ങ്ങ​ളു​ടെ​യും വി​ശ​ദ​മാ​യ പ​ദ്ധ​തി റി​പ്പോ​ർ​ട്ട് ഗ്രാ​മ​വി​ക​സ​ന വ​കു​പ്പ് ത​യാ​റാ​ക്കി വ​രു​ക​യാ​ണ്‌.

വ​യ​നാ​ട്ടി​ലെ ഭൂ​പ്ര​കൃ​തി ക​ണ​ക്കി​ലെ​ടു​ത്തു റോ​ഡു​ക​ൾ തെ​ര​ഞ്ഞെ​ടു​ക്കാ​നു​ള്ള കു​റ​ഞ്ഞ ദൈ​ർ​ഘ്യം അ​ഞ്ച് കി​ലോ​മീ​റ്റ​ർ എ​ന്ന മാ​ന​ദ​ണ്ഡം ല​ഘൂ​ക​രി​ക്കു​ന്ന​തി​നും രാ​ഹു​ൽ ഇ​ട​പെ​ട​ലു​ക​ൾ ന​ട​ത്തി​യി​രു​ന്നു. ഇ​ത് അ​നു​വ​ദി​ച്ച്‌ മ​ന്ത്രി രാ​ഹു​ൽ ഗാ​ന്ധി​ക്ക്‌ മ​റു​പ​ടി​യും ന​ൽ​കി​യി​രു​ന്നു‌.