രാഹുൽ വയനാട്ടിൽ; വൻ വരവേൽപ്​

കൽപറ്റ: കോൺഗ്രസ്​ നേതാവ്​ രാഹുൽ ഗാന്ധി എം.പി തിങ്കളാഴ്​ച വൈകീട്ട്​ വയനാട്ടിലെത്തി. മലപ്പുറത്തു നിന്ന്​ റോഡുമാർഗം താമരശ്ശേരി ചുരം വഴി ലക്കിടിയി​െലത്തു​േമ്പാൾ കോൺഗ്രസ്​ പ്രവർത്തകരടക്കം നിരവധി പേർ കാത്തുനിന്നിരുന്നു.

സുരക്ഷക്ക്​ വൻ പൊലീസ്​ സന്നാഹമാണ്​ രംഗത്തുണ്ടായിരുന്നത്​. ലക്കിടി മുതൽ കൽപറ്റ വരെ പാതയോരത്ത് കാത്തിരുന്ന പ്രവർത്തകർ പതാകകളും പ്ലക്കാർഡുകളുമായി രാഹുലിനെ സ്വീകരിച്ചു. രാഹുൽ കാറിൽ നിന്നിറങ്ങാതെ കൽപറ്റയിലെ റെസ്​റ്റ്​ ഹൗസിലേക്ക് യാത്രയായി​. കോൺഗ്രസ്​ നേതാവ്​ കെ.സി. വേണുഗോപാലും അദ്ദേഹത്തോടൊപ്പം ഉണ്ടായിരുന്നു.

ഡി.സി.സി പ്രസിഡൻറ്​ ഐ.സി. ബാലകൃഷ്​ണൻ, ​ നേതാക്കളായ ടി. സിദ്ദീഖ്, വി.എ.കരിം, എ.പി. അനിൽകുമാർ, പി.പി. ആലി, കെ.സി. റോസക്കുട്ടി ടീച്ചർ, പി.കെ. ജയലക്ഷ്മി, എം.എസ്. വിശ്വനാഥൻ, കെ.കെ. അബഹ്രാം, ടി.ജെ. ഐസക്, എൻ.കെ. വർഗീസ്, കെ. എൽ. പൗലോസ്​, പി.വി. ബാലചന്ദ്രൻ, മുസ്​ലിം ലീഗ്​ നേതാക്കളായ പി.പി.എ. കരീം, കെ.കെ. അഹമ്മദ്​ ഹാജി, റസാഖ്​ കൽപറ്റ, എൻ.കെ. റഷീദ്​, പടയൻ മുഹമ്മദ്​ എന്നിവർ അദ്ദേഹത്തെ സ്വീകരിച്ചു.

ചൊവ്വാഴ്​ച രാവിലെ 10.30ന്​ കലക്​ടറേറ്റിൽ ചേരുന്ന കോവിഡ്​ അവലോകന യോഗത്തിലും 11.30ന്​ കേന്ദ്രാവിഷ്​കൃത പദ്ധതി ജില്ലതല കോഓഡിനേഷൻ മോണിറ്ററിങ്​ കമ്മിറ്റി യോഗത്തിലും രാഹുൽ പ​ങ്കെടുക്കും. ബുധനാഴ്​ച രണ്ടു മണിക്ക്​ മാനന്തവാടി ജില്ല ആശുപത്രി സന്ദർശിക്കുന്ന അദ്ദേഹം തുടർന്ന്​ കണ്ണൂർ വിമാനത്താവളത്തിലേക്ക്​ കാറിൽ യാത്ര. അവിടെ നിന്ന്​ ഡൽഹിയിലേക്ക്​.

കനത്ത സുരക്ഷയിലും ജനക്കൂട്ടം

വൈത്തിരി: പൊലീസൊരുക്കിയ കനത്ത സുരക്ഷയിലും ജില്ലയിലെത്തിയ രാഹുൽ ഗാന്ധി എം.പിയെ സ്വീകരിക്കാൻ ജില്ലാ കവാടമായ ലക്കിടിയിലെത്തിയത് നൂറുകണക്കിനാളുകൾ.

വൈകീട്ട് നാലരക്ക് എത്തുമെന്നായിരുന്നു അറിയിപ്പെങ്കിലും മൂന്നു മണിയോടെ തന്നെ പ്രവർത്തകരും തിരുവമ്പാടി മണ്ഡലത്തിൽനിന്നുള്ള രാഹുൽ ബ്രിഗേഡ് വളൻറിയർമാരും റോഡി​െൻറ ഇരുവശത്തും അണിനിരന്നു. 5.40ന്​ എം.പിയുടെ സുരക്ഷാവാഹനമെത്തിയതോടെ പ്രവർത്തകർ ആർപ്പുവിളിച്ച്​ രാഹുലിന് സ്വീകരണം നൽകി. സുരക്ഷാകാരണങ്ങളാൽ കാറിൽ നിന്ന്​ ഇറങ്ങിയില്ല. വേഗത കുറച്ച കാറി െൻറ ചില്ലുകൾ താഴ്ത്തി കൈകൂപ്പി രാഹുൽ ജനങ്ങളെ അഭിവാദ്യം ചെയ്തു.

പൊലീസ്​ നിർദേശമനുസരിച്ചു കൃത്യമായ അകലം പാലിച്ചാണ് പ്രവർത്തകർ റോഡിനിരുവശവും അണിനിരന്നത്. കൽപറ്റ എ.എസ്.പി അജിത്കുമാറി​െൻറ നേതൃത്വത്തിലാണ്​ പൊലീസ് സുരക്ഷയൊരുക്കിയത്. ദേശീയപാതയോടു ചേർന്നുള്ള എല്ലാ ലോഡ്​ജുകളിലും പൊലീസ് പരിശോധന നടത്തിയിരുന്നു.