പീപ്​ൾസ് ഫൗണ്ടേഷൻ വീട് കൈമാറി

കൽപറ്റ: കേരളത്തിലെ പ്രളയ ദുരിതങ്ങളിലും കോവിഡ് ആശ്വാസ പ്രവർത്തനങ്ങളിലുമെല്ലാം സന്നദ്ധ സംഘടനകളുടെ പങ്കാളിത്തം പ്രശംസനീയമാണെന്ന് സി.കെ. ശശീന്ദ്രൻ എം.എൽ.എ പറഞ്ഞു.

പ്രളയബാധിത കുടുംബത്തിന് പീപ്​ൾസ് ഫൗണ്ടേഷൻ കമ്പളക്കാട് മൈലാടിയിൽ നിർമിച്ച വീടിെൻറ താക്കോൽദാനം നിർവഹിച്ച്​ സംസാരിക്കുകയായിരുന്നു അദ്ദേഹം. ജില്ലയിലെ പ്രളയ പുനരധിവാസത്തിന് പീപ്​ൾസ് ഫൗണ്ടേഷൻ പ്രവർത്തനം മാതൃകാപരമാണ്.

ജമാഅത്തെ ഇസ്‌ലാമി ജില്ല പ്രസിഡൻറ് ടി.പി. യൂനുസ് അധ്യക്ഷത വഹിച്ചു. കോട്ടത്തറ ഗ്രാമപഞ്ചായത്ത് പ്രസിഡൻറ് ലീലാമ്മ ജോസഫ്, വാർഡ് മെംബർ വി.ജെ. ജോർജ്, വെൽ​െഫയർ പാർട്ടി ജില്ല സെക്രട്ടറി വി.കെ. ബിനു, മൈലാടി മഹല്ല് പ്രസിഡൻറ് എം.എം. ബഷീർ എന്നിവർ സംസാരിച്ചു.

ജില്ല സെക്രട്ടറി സി.കെ. സമീർ സ്വാഗതവും നവാസ് പൈങ്ങോട്ടായി നന്ദിയും പറഞ്ഞു.