മുനിസിപ്പൽ ചെയർമാൻ; കോൺഗ്രസിൽ തീരുമാനമായില്ല

ക​ല്‍പ​റ്റ: യു.​ഡി.​എ​ഫ് ധാ​ര​ണ​യ​നു​സ​രി​ച്ച് ത​ദ്ദേ​ശ സ്ഥാ​പ​ന​ങ്ങ​ളി​ലെ അ​ധി​കാ​ര​ക്കൈ​മാ​റ്റ​ത്തി​ല്‍ ക​ൽ​പ​റ്റ ന​ഗ​ര​സ​ഭ​യി​ലും മൂ​പ്പൈ​നാ​ട് പ​ഞ്ചാ​യ​ത്തി​ലും തീ​രു​മാ​ന​മാ​വാ​തെ കോ​ണ്‍ഗ്ര​സ്. ര​ണ്ടി​ട​ങ്ങ​ളി​ലും ആ​രെ ഭ​ര​ണ​സ​മി​തി സാ​ര​ഥി​യാ​ക്ക​ണ​മെ​ന്ന കാ​ര്യ​ത്തി​ൽ കോ​ണ്‍ഗ്ര​സി​ല്‍ ത​ർ​ക്കം മു​റു​കു​ക​യാ​ണ്.

അ​തേ​സ​മ​യം, ധാ​ര​ണ പ്ര​കാ​ര​മു​ള്ള സ​മ​യം ക​ഴി​ഞ്ഞ​തി​നാ​ൽ നി​ല​വി​ലു​ള്ള മു​ൻ​സി​പ്പ​ൽ ചെ​യ​ർ​മാ​ൻ രാ​ജി സ​ന്ന​ദ്ധ​ത അ​റി​യി​ച്ചെ​ങ്കി​ലും അ​ടു​ത്ത ചെ​യ​ർ​മാ​നെ തീ​രു​മാ​നി​ച്ച ശേ​ഷം മ​തി രാ​ജി​യെ​ന്ന് കോ​ൺ​ഗ്ര​സ് നേ​തൃ​ത്വം ആ​വ​ശ്യ​പ്പെ​ടു​ക​യാ​യി​രു​ന്നു.

ഭ​ര​ണ​ക്കൈ​മാ​റ്റ​ത്തി​ന് ത​യാ​റാ​യി നി​ൽ​കു​ന്ന ചെ​യ​ർ​മാ​ൻ ഭ​ര​ണ​കാ​ര്യ​ങ്ങ​ളി​ൽ കാ​ര്യ​മാ​യി ഇ​ട​പെ​ടാ​തി​രി​ക്കു​ന്ന​ത് ദൈ​നം​ദി​ന പ്ര​വ​ർ​ത്ത​ന​ങ്ങ​ളെ​യും ബാ​ധി​ച്ച​താ​യി ആ​രോ​പ​ണ​മു​ണ്ട്. എ​മി​ലി ഡി​വി​ഷ​നി​ല്‍നി​ന്നു​ള്ള അ​ഡ്വ. ടി.​ജെ. ഐ​സ​ക്കും മ​ടി​യൂ​ര്‍ ഡി​വി​ഷ​നെ പ്ര​തി​നി​ധാ​നം ചെ​യ്യു​ന്ന പി. ​വി​നോ​ദ്കു​മാ​റു​മാ​ണ് ചെ​യ​ര്‍മാ​ന്‍ സ്ഥാ​ന​ത്തി​നു വേ​ണ്ടി രം​ഗ​ത്തു​ള്ള​ത്. ചെ​യ​ര്‍മാ​ന്‍ സ്ഥാ​നം ല​ഭി​ച്ചി​ല്ലെ​ങ്കി​ല്‍ ക​ടു​ത്ത തീ​രു​മാ​നം എ​ടു​ക്കു​മെ​ന്നാ​ണ് ഒ​രു വി​ഭാ​ഗം നേ​തൃ​ത്വ​ത്തെ അ​റി​യി​ച്ചി​ട്ടു​ണ്ട്.

ഭ​ര​ണ​ത്തി​ന്റെ അ​വ​സാ​ന​ത്തെ ഒ​രു വ​ര്‍ഷം ചെ​യ​ര്‍മാ​ന്‍ പ​ദ​വി വാ​ഗ്ദാ​നം ചെ​യ്തെ​ങ്കി​ലും ഈ ​വി​ഭാ​ഗം വ​ഴ​ങ്ങി​യി​ല്ലെ​ന്നാ​ണ് അ​റി​യു​ന്ന​ത്. ആ​കെ​യു​ള്ള 28 ഡി​വി​ഷ​നു​ക​ളി​ൽ യു.​ഡി.​എ​ഫി​നു 15 ഉം ​എ​ല്‍.​ഡി.​എ​ഫി​ന് 13ഉം ​കൗ​ണ്‍സി​ല​ര്‍മാ​രാ​ണു​ള്ള​ത്.

മൂ​പ്പൈ​നാ​ട് പ​ഞ്ചാ​യ​ത്ത് പ്ര​സി​ഡ​ന്റ് മു​സ്‌​ലിം ലീ​ഗി​ലെ കെ. ​റ​ഫീ​ഖ് യു.​ഡി.​എ​ഫ് ധാ​ര​ണ​യ​നു​സ​രി​ച്ച് രാ​ജി​വെ​ച്ചെ​ങ്കി​ലും ഇ​വി​ടെ​യും അ​ടു​ത്ത പ്ര​സി​ഡ​ന്റ് ആ​രാ​വ​ണ​മെ​ന്ന കാ​ര്യ​ത്തി​ൽ തീ​രു​മാ​ന​മാ​യി​ട്ടി​ല്ല. കോ​ണ്‍ഗ്ര​സി​ലെ ആ​ര്‍. ഉ​ണ്ണി​കൃ​ഷ്ണ​നും വി.​എ​ന്‍. ശ​ശീ​ന്ദ്ര​നു​മാ​ണ് പ്ര​സി​ഡ​ന്റ് സ്ഥാ​ന​ത്ത് അ​വ​കാ​ശ വാ​ദ​വു​മാ​യി രം​ഗ​ത്തു​ള്ള​ത്.

പാ​ര്‍ട്ടി നേ​തൃ​ത്വം പ​ല വ​ട്ടം അ​നു​ന​യ ച​ർ​ച്ച​ക​ൾ ന​ട​ത്തി​യെ​ങ്കി​ലും ഫ​ലം ക​ണ്ടി​ല്ല.

അ​വ​സാ​ന​മാ​യി പ്ര​സി​ഡ​ന്റ് ആ​രാ​വ​ണ​മെ​ന്ന കാ​ര്യ​ത്തി​ൽ തീ​രു​മാ​ന​മെ​ടു​ക്കാ​ന്‍ ഡി.​സി.​സി അ​ധ്യ​ക്ഷ​നെ ചു​മ​ത​ല​പ്പെ​ടു​ത്തി​യി​രി​ക്കു​ക​യാ​ണ്.