ക്ഷേ​മ​നി​ധി​യി​ല്‍നി​ന്ന് ഭ​വ​ന​വാ​യ്പ​യെ​ടു​ത്ത മദ്​റസ അധ്യാപകർ ദുരിതത്തിൽ

ക​ല്‍പ​റ്റ: മ​ദ്‌​റ​സ അ​ധ്യാ​പ​ക ക്ഷേ​മ​നി​ധി​യി​ല്‍നി​ന്ന് ഭ​വ​ന​വാ​യ്പ​യെ​ടു​ത്ത നി​ര​വ​ധി​പേ​ർ ദു​രി​ത​ക്ക​യ​ത്തി​ല്‍. അ​ഞ്ചു ല​ക്ഷം രൂ​പ വ​രെ​യാ​ണ് പ​ലി​ശ​ര​ഹി​ത വാ​യ്പ അ​നു​വ​ദി​ച്ച​ത്. പ്ര​തി​മാ​സം നി​ശ്ചി​ത തു​ക വീ​തം തി​രി​ച്ച​ട​ക്കേ​ണ്ട​രീ​തി​യി​ല്‍ ആ​ള്‍ജാ​മ്യ​ത്തി​നോ വ​സ്തു​ജാ​മ്യ​ത്തി​നോ ആ​ണ് കേ​ര​ള​സം​സ്ഥാ​ന ന്യൂ​ന​പ​ക്ഷ വി​ക​സ​ന കോ​ര്‍പ​റേ​ഷ​നി​ല്‍നി​ന്ന് വാ​യ്പ അ​നു​വ​ദി​ക്കു​ന്ന​ത്. കോ​വി​ഡ് പി​ടി​മു​റു​ക്കി​യ​തോ​ടെ ക​ടു​ത്ത പ്ര​തി​സ​ന്ധി​യി​ലാ​ണ്​ വാ​യ്​​പ​യെ​ടു​ത്ത​വ​ര്‍.

വ​രു​മാ​നം നി​ല​ച്ച​തോ​ടെ തി​രി​ച്ച​ട​വ് മു​ട​ങ്ങി പി​ഴ​ന​ല്‍കേ​ണ്ട അ​വ​സ്ഥ​യി​ലാ​ണ് പ​ല​രും. ജാ​മ്യ​മാ​യി വെ​ച്ച വ​സ്തു ന​ഷ്​​ട​മാ​കു​മോ എ​ന്ന ആ​ശ​ങ്ക​യും നി​ല​നി​ല്‍ക്കു​ന്നു.

4000- 5000 രൂ​പ മാ​സ​ശ​മ്പ​ള​ത്തി​ല്‍ ജോ​ലി ചെ​യ്യു​ന്ന അ​ധ്യാ​പ​ക​ര്‍ 3000 രൂ​പ ത​ന്നെ അ​ട​ച്ചു​തീ​ര്‍ക്കാ​ന്‍ പ്ര​യാ​സ​പ്പെ​ട്ടി​രു​ന്നു. കോ​വി​ഡി​ൽ മ​ദ്‌​റ​സ​ക​ള്‍ ഓ​ണ്‍ലൈ​നി​ലേ​ക്ക് മാ​റു​ക​യും ശ​മ്പ​ളം വെ​ട്ടി​ച്ചു​രു​ക്കു​ക​യും പ​ല​ര്‍ക്കും ജോ​ലി ന​ഷ്​ ട​പ്പെ​ടു​ക​യും ചെ​യ്ത സാ​ഹ​ച​ര്യ​ത്തി​ലാ​ണ്​ പ്ര​തി​സ​ന്ധി ഇ​ര​ട്ടി​ച്ച​ത്. അ​തി​നി​ടെ, ആ​റു​മാ​സ​ത്തെ തി​രി​ച്ച​ട​വി​ന് പി​ഴ ഒ​ഴി​വാ​ക്കി​ന​ല്‍കാ​ന്‍ ഉ​ന്ന​ത​ത​ല​ങ്ങ​ളി​ല്‍ നീ​ക്കം​ന​ട​ക്കു​ന്നു​ണ്ടെ​ങ്കി​ലും അ​ത് എ​ത്ര​ത്തോ​ളം പ്രാ​യോ​ഗി​ക​വും ഫ​ല​പ്ര​ദ​വു​മാ​കു​മെ​ന്ന് വ്യ​ക്ത​മാ​യി​ട്ടി​ല്ല.നി​ര്‍മാ​ണ ചെ​ല​വു​ക​ള്‍ വ​ര്‍ധി​ച്ച സാ​ഹ​ച​ര്യ​ത്തി​ല്‍ പ​ല​രു​ടെ​യും വീ​ടു​നി​ര്‍മാ​ണം പാ​തി​വ​ഴി​യി​ലാ​ണ്.

താ​ൽ​ക്കാ​ലി​ക​മാ​യി നി​ര്‍മി​ച്ച ഷെ​ഡു​ക​ളി​ലും വാ​ട​ക വീ​ടു​ക​ളി​ലു​മാ​ണ് പ​ല​രും ക​ഴി​യു​ന്ന​ത്. പ്ര​തി​സ​ന്ധി കാ​ല​ത്ത് വാ​ട​ക കൊ​ടു​ക്കാ​ന്‍ ക​ഴി​യാ​ത്ത​തി​നാ​ല്‍ പ​ല​ര്‍ക്കും ഇ​പ്പോ​ഴു​ള്ള താ​മ​സ​സ്ഥ​ല​വും ഒ​ഴി​യേ​ണ്ട അ​വ​സ്ഥ​യാ​ണ്. ലൈ​ഫ് മി​ഷ​ന്‍ പ​ദ്ധ​തി​ക്ക്​ സ​മാ​ന​മാ​യി തി​രി​ച്ച​ട​വി​ല്ലാ​ത്ത രീ​തി​യി​ലേ​ക്ക് മ​ദ്‌​റ​സ അ​ധ്യാ​പ​ക ഭ​വ​ന വാ​യ്പ പ​ദ്ധ​തി മാ​റ്റ​ണ​മെ​ന്ന ആ​വ​ശ്യ​മു​യ​രു​ന്നു​ണ്ട്. ഇ​ട​പെ​ട​ല്‍ ആ​വ​ശ്യ​പ്പെ​ട്ട്​ വി​വി​ധ എം.​എ​ല്‍.​എ​മാ​ര്‍ക്ക് അ​ധ്യാ​പ​ക​ർ നി​വേ​ദ​നം ന​ല്‍കി​യി​ട്ടു​ണ്ട്.