ഇന്ന് റോഡ് ഷോ മേളം, തെരഞ്ഞെടുപ്പ് ചൂടാളും

ക​ൽ​പ​റ്റ: യു.​ഡി.​എ​ഫി​നാ​യി സി​റ്റി​ങ് എം.​പി രാ​ഹു​ൽ ഗാ​ന്ധി, എ​ൽ.​ഡി.​എ​ഫി​നാ​യി സി.​പി.​ഐ ദേ​ശീ​യ സെ​ക്ര​ട്ടേ​റി​യ​റ്റ് അം​ഗം ആ​നി​രാ​ജ, എ​ൻ.​ഡി.​എ​ക്കാ​യി ബി.​ജെ.​പി സം​സ്ഥാ​ന പ്ര​സി​ഡ​ന്റ് കെ. ​സു​രേ​ന്ദ്ര​ൻ. ഇ​താ​ണ് വ​യ​നാ​ട് ലോ​ക്സ​ഭ മ​ണ്ഡ​ല​ത്തി​ലെ ലൈ​ന​പ്പ്. സം​ഗ​തി ദേ​ശീ​യ പോ​രാ​ട്ട​മാ​ണെ​ങ്കി​ലും വ​യ​നാ​ട്ടി​ൽ ഉ​ച്ച​സൂ​ര്യ​ന്റെ ചൂ​ട് മാ​ത്ര​മാ​ണ് ഇ​പ്പോ​ൾ പൊ​ള്ളു​ന്ന​ത്. തെ​ര​ഞ്ഞെ​ടു​പ്പ് ചൂ​ട് ഇ​നി​യു​മാ​യി​ല്ല.

പ​ക്ഷേ ഇ​നി​യ​ങ്ങോ​ട്ട് ക​ളി മാ​റും. രാ​ഹു​ൽ ഗാ​ന്ധി​യും ആ​നി​രാ​ജ​യും ബു​ധ​നാ​ഴ്ച നാ​മ​നി​ർ​ദേ​ശ പ​ത്രി​ക ന​ൽ​കും. വ്യാ​ഴാ​ഴ്ച​യാ​ണ് എ​ൻ.​ഡി.​എ. സ്ഥാ​നാ​ർ​ഥി കെ. ​സു​രേ​ന്ദ്ര​ൻ പ​ത്രി​ക ന​ൽ​കു​ക. ഇ​തോ​ടെ തെ​ര​ഞ്ഞെ​ടു​പ്പ് പ്ര​ചാ​ര​ണ​ച്ചൂ​ടാ​ളും. എ​ല്ലാ​വ​രു​ടെ​യും പ്ര​ചാ​ര​ണ​ത്തി​നാ​യി വ​രും ദി​വ​സ​ങ്ങ​ളി​ൽ ദേ​ശീ​യ സം​സ്ഥാ​ന നേ​താ​ക്ക​ൾ എ​ത്തും.

യു.​ഡി.​എ​ഫി​ന്റെ ഉ​റ​ച്ച മ​ണ്ഡ​ല​ത്തി​ൽ ആ​നി രാ​ജ വാ​ഴി​ല്ലെ​ന്ന​ത് ഉ​റ​പ്പു​ള്ള കാ​ര്യ​മാ​ണെ​ങ്കി​ലും ക​ഴി​ഞ്ഞ ത​വ​ണ​ത്തെ രാ​ഹു​ലി​ന്റെ മൃ​ഗീ​യ ഭൂ​രി​പ​ക്ഷ​മാ​യ 4.31 ല​ക്ഷ​മെ​ന്ന​ത് കു​റ​ക്കാ​നു​ള്ള ഭ​ഗീ​ര​ഥ പ്ര​യ​ത്ന​ത്തി​ലാ​ണ് ഇ​ട​തു​മു​ന്ന​ണി. എ​ന്നാ​ൽ ഭൂ​രി​പ​ക്ഷം അ​ഞ്ചു​ല​ക്ഷം ക​ട​ത്തു​മെ​ന്നാ​ണ് യു.​ഡി.​എ​ഫ് പ​റ​യു​ന്ന​ത്.

വ​യ​നാ​ട്ടി​ലെ സു​ൽ​ത്താ​ൻ ബ​ത്തേ​രി, മാ​ന​ന്ത​വാ​ടി, ക​ൽ​പ​റ്റ മ​ല​പ്പു​റം ജി​ല്ല​യി​ലെ നി​ല​മ്പൂ​ർ, വ​ണ്ടൂ​ർ, ഏ​റ​നാ​ട്, കോ​ഴി​ക്കോ​ട് ജി​ല്ല​യി​ലെ തി​രു​വ​മ്പാ​ടി മ​ണ്ഡ​ല​ങ്ങ​ളാ​ണ് വ​യ​നാ​ട് പാ​ർ​ല​മെ​ന്റ് മ​ണ്ഡ​ല​ത്തി​ന്റെ പ​രി​ധി​യി​ൽ വ​രു​ന്ന​ത്.

റോ​ഡ് ഷോ​ക്ക് ശേ​ഷം രാ​ഹു​ലി​ന്റെ പ​ത്രി​ക

രാ​ഹു​ൽ ഗാ​ന്ധി ബു​ധ​നാ​ഴ്ച ജി​ല്ല​യി​ൽ എ​ത്തും. ഇ​തോ​ടെ യു.​ഡി.​എ​ഫ് തെ​ര​ഞ്ഞെ​ടു​പ്പ് ആ​വേ​ശം പ​തി​ന്മ​ട​ങ്ങാ​കും. രാ​ഹു​ൽ ബു​ധ​നാ​ഴ്ച ഉ​ച്ച​ക്ക് 12നാ​ണ് നാ​മ​നി​ർ​ദേ​ശ പ​ത്രി​ക സ​മ​ർ​പ്പി​ക്കു​ക. മു​ന്നോ​ടി​യാ​യി ക​ൽ​പ​റ്റ ടൗ​ണി​ൽ റോ​ഡ്ഷോ ന​ട​ക്കും. മ​ണ്ഡ​ല​ത്തി​ലെ മു​ഴു​വ​ൻ നി​യോ​ജ​ക മ​ണ്ഡ​ല​ങ്ങ​ളി​ൽ നി​ന്നു​മു​ള്ള പ്ര​വ​ർ​ത്ത​ക​ർ അ​ണി​നി​ര​ക്കും.

കെ.​പി.​സി.​സി. പ്ര​സി​ഡ​ന്റ് കെ. ​സു​ധാ​ക​ര​ൻ, ര​മേ​ശ് ചെ​ന്നി​ത്ത​ല, പി.​കെ. കു​ഞ്ഞാ​ലി​ക്കു​ട്ടി, അ​ബ്ബാ​സ​ലി ശി​ഹാ​ബ് ത​ങ്ങ​ൾ എ​ന്നി​വ​രു​ൾ​പ്പെ​ടെ മു​തി​ർ​ന്ന നേ​താ​ക്ക​ൾ ഇ​തി​ന്റെ ഭാ​ഗ​മാ​കും. മൂ​പ്പൈ​നാ​ട് പ​ഞ്ചാ​യ​ത്തി​ലെ ത​ല​ക്ക​ൽ ഗ്രൗ​ണ്ടി​ൽ ഹെ​ലി​കോ​പ്ട​റി​ലി​റ​ങ്ങു​ന്ന രാ​ഹു​ൽ ഗാ​ന്ധി റോ​ഡു​മാ​ർ​ഗം ക​ൽ​പ​റ്റ പു​തി​യ ബ​സ്‌ സ്റ്റാ​ൻ​ഡി​ലെ​ത്തും.

ഇ​വി​ടെ നി​ന്ന്‌ ക​ൽ​പ​റ്റ​യി​ലെ​യും മ​ല​പ്പു​റം, കോ​ഴി​ക്കോ​ട് ജി​ല്ല​ക​ളി​ലെ നി​യോ​ജ​ക മ​ണ്ഡ​ല​ങ്ങ​ളി​ലെ​യും പ്ര​വ​ർ​ത്ത​ക​രാ​യി​രി​ക്കും റോ​ഡ് ഷോ​യി​ൽ പ​ങ്കെ​ടു​ക്കു​ക. സു​ൽ​ത്താ​ൻ ബ​ത്തേ​രി, മാ​ന​ന്ത​വാ​ടി നി​യോ​ജ​ക മ​ണ്ഡ​ല​ങ്ങ​ളി​ലെ പ്ര​വ​ർ​ത്ത​ക​ർ എം.​പി. ഓ​ഫി​സ് പ​രി​സ​ര​ത്തു​നി​ന്ന്‌ പ്ര​ക​ട​ന​മാ​യെ​ത്തി പ​രി​പാ​ടി​യു​ടെ ഭാ​ഗ​മാ​കും. സി​വി​ൽ​സ്റ്റേ​ഷ​ൻ പ​രി​സ​ര​ത്ത് റോ​ഡ് ഷോ ​അ​വ​സാ​നി​പ്പി​ച്ച ശേ​ഷ​മാ​യി​രി​ക്കും രാ​ഹു​ൽ പ​ത്രി​ക ന​ൽ​കു​ക.

കേ​ര​ള​ത്തി​ലെ 20 മ​ണ്ഡ​ല​ത്തി​ലെ​യും തെ​ര​​ഞ്ഞെ​ടു​പ്പ് കാ​മ്പ​യി​ന്റെ തു​ട​ക്ക​മെ​ന്ന നി​ല​യി​ലു​മാ​ണ് രാ​ഹു​ലി​ന്റെ റോ​ഡ്ഷോ ന​ട​ത്തു​ക. നി​യോ​ജ​ക​മ​ണ്ഡ​ലം, പ​ഞ്ചാ​യ​ത്ത്, ബൂ​ത്തു​ത​ല ക​ൺ​വെ​ൻ​ഷ​നു​ക​ൾ ഇ​തി​ന​കം യു.​ഡി.​എ​ഫ് പൂ​ർ​ത്തീ​ക​രി​ച്ചി​ട്ടു​ണ്ട്. ഏ​പ്രി​ൽ ആ​റി​ന് യു​വാ​ക്ക​ൾ പ​ഞ്ചാ​യ​ത്തു​ത​ല​ത്തി​ൽ യു​വ​ന്യാ​യ് കാ​മ്പ​യി​ൻ ന​ട​ത്തും.

രാ​വി​ലെ പ​ത്തി​ന് ആ​നി​രാ​ജ പ​ത്രി​ക ന​ൽ​കും

ബു​ധ​നാ​ഴ്ച രാ​വി​ലെ പ​ത്തി​നാ​യി​രി​ക്കും എ​ൽ.​ഡി.​എ​ഫ് സ്ഥാ​നാ​ർ​ഥി ആ​നി രാ​ജ പ​ത്രി​ക ന​ൽ​കു​ക. നൂ​റു​ക​ണ​ക്കി​ന് പ്ര​വ​ർ​ത്ത​ക​ർ അ​ണി​നി​ര​ക്കു​ന്ന മെ​ഗാ റാ​ലി​യോ​ടെ​യാ​യി​രി​ക്കും അ​വ​ർ എ​ത്തു​ക. ക​ൽ​പ​റ്റ ചു​ങ്ക​ത്തു​നി​ന്ന് തു​ട​ങ്ങു​ന്ന റാ​ലി ക​ല​ക്ട​റേ​റ്റു​വ​രെ സ്ഥാ​നാ​ർ​ഥി​യെ അ​നു​ഗ​മി​ക്കും.

ലോ​ക്‌​സ​ഭ മ​ണ്ഡ​ല​ത്തി​ലെ പ്ര​ധാ​ന നേ​താ​ക്ക​ളും ഒ​പ്പ​മു​ണ്ടാ​കും. രാ​ഹു​ലെ​ന്ന ദേ​ശീ​യ നേ​താ​വി​നെ നേ​രി​ടാ​ൻ ദേ​ശീ​യ നേ​താ​വാ​യ ആ​നി രാ​ജ ത​ന്നെ​യെ​ത്തി​യ​ത് എ​ൽ.​ഡി.​എ​ഫി​ന് മു​ത​ൽ​കൂ​ട്ടാ​ണ്. സ​ത്യ​മം​ഗ​ലം വ​ന​പ്ര​ദേ​ശ​ത്ത് വീ​ര​പ്പ​ൻ വേ​ട്ട​യു​ടെ പേ​രി​ൽ വി​വി​ധ സേ​ന​ക​ളാ​ൽ പീ​ഡി​പ്പി​ക്ക​പ്പെ​ട്ട വ​നി​ത​ക​ള​ട​ക്ക​മു​ള്ള​വ​രു​ടെ ക്ഷേ​മ​ത്തി​നാ​യി പ്ര​വ​ർ​ത്തി​ച്ച​വ​രി​ൽ മു​ൻ​പ​ന്തി​യി​ൽ ആ​നി രാ​ജ​യു​ണ്ടാ​യി​രു​ന്നു.

ഇ​ത​ട​ക്ക​മു​ള്ള ദേ​ശീ​യ വി​ഷ​യ​ങ്ങ​ളി​ലെ അ​വ​രു​ടെ ഇ​ട​പെ​ട​ലു​ക​ൾ വ​നി​ത​ക​ള​ട​ക്ക​മു​ള്ള വോ​ട്ട​ർ​മാ​രു​ടെ പി​ന്തു​ണ നേ​ടാ​ൻ സ​ഹാ​യ​ക​ര​മാ​കു​മെ​ന്നാ​ണ് ഇ​ട​തി​ന്റെ ക​ണ​ക്കു​കൂ​ട്ട​ൽ. സ​ത്യ​മം​ഗ​ല​ത്തെ വ​നി​ത​ക​ൾ ക​ഴി​ഞ്ഞ ദി​വ​സം ആ​നി​രാ​ജ​യു​ടെ പ്ര​ചാ​ര​ണ​ത്തി​നി​റ​ങ്ങി​യി​രു​ന്നു.

കെ.സു​രേ​ന്ദ്ര​ന്റെ പ​ത്രി​ക നാ​ളെ

വ്യാ​ഴാ​ഴ്ച​യാ​ണ് എ​ൻ.​ഡി.​എ. സ്ഥാ​നാ​ർ​ഥി കെ. ​സു​രേ​ന്ദ്ര​ൻ പ​ത്രി​ക ന​ൽ​കു​ക. മെ​ഗാ റാ​ലി​യും ക​ൽ​പ​റ്റ​യി​ൽ ന​ട​ത്തും. ക​ഴി​ഞ്ഞ ത​വ​ണ അ​മേ​ത്തി​യി​ൽ രാ​ഹു​ലി​നെ പ​രാ​ജ​യ​പ്പെ​ടു​ത്തി​യ കേ​ന്ദ്ര​മ​ന്ത്രി സ്മൃ​തി ഇ​റാ​നി പ്ര​ചാ​ര​ണ​ത്തി​നെ​ത്തും. വ​യ​നാ​ട്ടി​ൽ എ​ൻ.​ഡി.​എ സ്ഥാ​നാ​ർ​ഥി പ്ര​ഖ്യാ​പ​നം വൈ​കി​യി​രു​ന്നു.

ഒ​ടു​വി​ൽ, ബി.​ജെ.​പി സം​സ്ഥാ​ന പ്ര​സി​ഡ​ന്റ് കെ.​സു​​രേ​ന്ദ്ര​നെ​ത്ത​ന്നെ രം​ഗ​ത്തി​റ​ക്കി​യ​ത് അ​ണി​ക​ളി​ൽ ആ​വേ​ശ​മു​ണ്ടാ​ക്കി​യി​ട്ടു​ണ്ട്. എ​ന്നാ​ൽ തോ​ൽ​ക്കു​മെ​ന്ന് ഉ​റ​പ്പു​ള്ള സീ​റ്റി​ൽ സം​സ്ഥാ​ന പ്ര​സി​ഡ​ന്റ് ത​ന്നെ മ​ത്സ​രി​ക്കു​ന്ന​തി​ലെ അ​നൗ​ചി​ത്യം പാ​ർ​ട്ടി​ക്കു​ള്ളി​ൽ ച​ർ​ച്ച​യാ​യി​രു​ന്നു. വ​രും ദി​വ​സ​ങ്ങ​ളി​ൽ പ്ര​മു​ഖ​ർ എ​ൻ.​ഡി.​എ. സ്ഥാ​നാ​ർ​ഥി​യു​ടെ പ്ര​ചാ​ര​ണ​ത്തി​നാ​യി എ​ത്തും.

രണ്ടുപേർ നാമനിർദേശ പത്രിക സമര്‍പ്പിച്ചു

ക​ൽ​പ​റ്റ: ലോ​ക്സ​ഭ തെ​ര​ഞ്ഞെ​ടു​പ്പി​നാ​യി വ​യ​നാ​ട് മ​ണ്ഡ​ല​ത്തി​ല്‍ ര​ണ്ടു​പേ​ര്‍ നാ​മ​നി​ർ​ദേ​ശ പ​ത്രി​ക സ​മ​ര്‍പ്പി​ച്ചു. കെ.​പി. സ​ത്യ​ന്‍- സി.​പി.​ഐ (എം.​എ​ല്‍), അ​ജീ​ബ്- സി.​എം.​പി(​എം.​അ​ജീ​ബ് ഫാ​ക്ഷ​ന്‍) എ​ന്നീ സ്ഥാ​നാ​ഥി​ക​ളാ​ണ് ജി​ല്ല തെ​ര​ഞ്ഞെ​ടു​പ്പ് ഓ​ഫി​സ​ര്‍ കൂ​ടി​യാ​യ ജി​ല്ല ക​ല​ക്ട​ര്‍ ഡോ. ​രേ​ണു​രാ​ജ് മു​മ്പാ​കെ നാ​മ​നി​ര്‍ദേ​ശ പ​ത്രി​ക സ​മ​ര്‍പ്പി​ച്ച​ത്.

സ്ഥാ​നാ​ർ​ഥി​ക​ള്‍ക്ക് ഏ​പ്രി​ല്‍ നാ​ല് വൈ​കി​ട്ട് മൂ​ന്ന് വ​രെ നാ​മ​നി​ർ​ദേ​ശ പ​ത്രി​ക സ​മ​ര്‍പ്പി​ക്കാം. രാ​വി​ലെ 11 മു​ത​ല്‍ വൈ​കി​ട്ട് മൂ​ന്നു വ​രെ​യാ​ണ് പ​ത്രി​ക സ്വീ​ക​രി​ക്കു​ന്ന സ​മ​യം. സൂ​ക്ഷ്മ പ​രി​ശോ​ധ​ന ഏ​പ്രി​ല്‍ അ​ഞ്ചി​ന് ന​ട​ക്കും. നാ​മ​നി​ര്‍ദേ​ശ പ​ത്രി​ക പി​ന്‍വ​ലി​ക്കാ​നു​ള്ള അ​വ​സാ​ന തീ​യ​തി ഏ​പ്രി​ല്‍ എ​ട്ടാ​ണ്.

ഉ​ദ്യോ​ഗ​സ്ഥ​ര്‍ക്കു​ള്ള ഒ​ന്നാം ഘ​ട്ട പ​രി​ശീ​ല​നം ഇ​ന്ന് ആ​രം​ഭി​ക്കും

ലോ​ക്സ​ഭ തെ​ര​ഞ്ഞെ​ടു​പ്പി​ന് മു​ന്നോ​ടി​യാ​യി തെ​ര​ഞ്ഞെ​ടു​പ്പ് ജോ​ലി​ക​ള്‍ക്ക് നി​യോ​ഗി​ച്ച ഉ​ദ്യോ​ഗ​സ്ഥ​ര്‍ക്കു​ള്ള ഒ​ന്നാം​ഘ​ട്ട പ​രി​ശീ​ല​നം ബു​ധ​നാ​ഴ്ച മു​ത​ല്‍ ആ​രം​ഭി​ക്കും. പ്രി​സൈ​ഡി​ങ് ഓ​ഫി​സ​ര്‍, ഒ​ന്നാം പോ​ളി​ങ് ഓ​ഫി​സ​ര്‍ എ​ന്നി​വ​ര്‍ക്കാ​ണ് ആ​ദ്യ​ഘ​ട്ട പ​രി​ശീ​ല​നം ന​ല്‍കു​ക. ബു​ധ​നാ​ഴ്ച മാ​ന​ന്ത​വാ​ടി സെ​ന്റ് പാ​ട്രി​ക് ഹൈ​സ്‌​കൂ​ളി​ല്‍ മാ​ന​ന്ത​വാ​ടി നി​യോ​ജ​ക മ​ണ്ഡ​ല​ത്തി​ല്‍ ഡ്യൂ​ട്ടി​ക്ക് നി​യോ​ഗി​ക്ക​പ്പെ​ട്ട​വ​

ര്‍ക്കും ഏ​പ്രി​ല്‍ നാ​ലി​ന് ബ​ത്തേ​രി അ​സം​പ്ഷ​ന്‍ ഹൈ​സ്‌​കൂ​ളി​ല്‍ സു​ല്‍ത്താ​ന്‍ ബ​ത്തേ​രി നി​യോ​ജ​ക മ​ണ്ഡ​ല​ത്തി​ലെ ഉ​ദ്യോ​ഗ​സ്ഥ​ര്‍ക്കും ഏ​പ്രി​ല്‍ അ​ഞ്ചി​ന് ക​ല്‍പ​റ്റ സെ​ന്റ് ജോ​സ​ഫ് കോ​ണ്‍വെ​ന്റ് ഹൈ​സ്‌​കൂ​ളി​ല്‍ ക​ല്‍പ​റ്റ നി​യോ​ജ​ക മ​ണ്ഡ​ല​ത്തി​ലെ ഉ​ദ്യോ​ഗ​സ്ഥ​ര്‍ക്കും പ​രി​ശീ​ല​നം ന​ല്‍കും. പ​രി​ശീ​ല​ന​ത്തി​ല്‍ ഉ​ദ്യോ​ഗ​സ്ഥ​ര്‍ നി​ര്‍ബ​ന്ധ​മാ​യും പ​ങ്കെ​ടു​ക്ക​ണ​മെ​ന്ന് ട്രെ​യി​നി​ങ് മാ​നേ​ജ്‌​മെ​ന്റ് നോ​ഡ​ല്‍ ഓ​ഫി​സ​ര്‍ ബി.​സി. ബി​ജേ​ഷ് അ​റി​യി​ച്ചു.

ഹ​രി​ത തെ​ര​ഞ്ഞെ​ടു​പ്പ്: പ​രി​ശീ​ല​നം ന​ല്‍കി

ലോ​ക്സ​ഭാ തെ​ര​ഞ്ഞെ​ടു​പ്പി​ല്‍ ഹ​രി​ത​ച്ച​ട്ട പാ​ല​ന​വു​മാ​യി ബ​ന്ധ​പ്പെ​ട്ട് ശു​ചി​ത്വ മി​ഷ​ന്റെ ആ​ഭി​മു​ഖ്യ​ത്തി​ൽ പ​രി​ശീ​ല​നം സം​ഘ​ടി​പ്പി​ച്ചു. ഹ​രി​ത തെ​ര​ഞ്ഞെ​ടു​പ്പ് മാ​ർ​ഗ​രേ​ഖ ഇ​ല​ക്ഷ​ന്‍ ഡെ​പ്യൂ​ട്ടി ക​ല​ക്ട​ര്‍ എ​ന്‍.​എം. മെ​ഹ്റ​ലി, ശു​ചി​ത്വ മി​ഷ​ന്‍ അ​സി​സ്റ്റ​ന്റ് കോ​ഓ​ഡി​നേ​റ്റ​ര്‍ കെ.​റ​ഹിം ഫൈ​സ​ലി​ന് ന​ല്‍കി പ്ര​കാ​ശ​നം ചെ​യ്തു.

പോ​ളി​ങ് സ്റ്റേ​ഷ​നു​ക​ളി​ലും ബൂ​ത്തു​ക​ളി​ലും ഒ​റ്റ​ത്ത​വ​ണ ഉ​പ​യോ​ഗി​ക്കു​ന്ന നി​രോ​ധി​ത പ്ലാ​സ്റ്റി​ക്ക് ഉ​ൽ​പ​ന്ന​ങ്ങ​ളാ​യ ഡി​സ്പോ​സി​ബി​ള്‍ ഗ്ലാ​സ്, പ്ലേ​റ്റ്, ഇ​ല, സ്പൂ​ണ്‍, സ്ട്രോ, ​അ​ല​ങ്കാ​ര വ​സ്തു​ക്ക​ള്‍, ഫ്ല​ക്സ് എ​ന്നി​വ ഉ​പ​യോ​ഗി​ക്ക​രു​തെ​ന്ന് നി​ര്‍ദേ​ശം ന​ല്‍കി.