കേ​ര​ള യു​നൈ​റ്റ​ഡ് എ​ഫ്.​സി- വ​യ​നാ​ട് യു​നൈ​റ്റ​ഡ് എ​ഫ്.​സി​ സെ​മി ഇന്ന്

ക​ൽ​പ​റ്റ: സ്കോ​ർ​ലൈ​ൻ കേ​ര​ള പ്രീ​മി​യ​ർ ലീ​ഗി​ലെ ആ​ദ്യ സെ​മി​യി​ലെ ആ​ദ്യ പാ​ദ മ​ത്സ​ര​ത്തി​ൽ കേ​ര​ള യു​നൈ​റ്റ​ഡ് എ​ഫ്.​സി​യോ​ട് അ​പ്ര​തീ​ക്ഷി​ത​മാ​യി ഏ​റ്റു​വാ​ങ്ങി​യ പ​രാ​ജ​യ​വു​മാ​യി വ​യ​നാ​ട് യു​നൈ​റ്റ​ഡ് എ​ഫ്.​സി നി​ർ​ണാ​യ​ക​മാ​യ ര​ണ്ടാം പാ​ദ സെ​മി ഫൈ​ന​ലി​ന് ബു​ധ​നാ​ഴ്ച ഇ​റ​ങ്ങു​ന്നു. ക​ൽ​പ​റ്റ മ​ര​വ​യ​ൽ ജി​ല്ല സ്റ്റേ​ഡി​യ​ത്തി​ൽ ബു​ധ​നാ​ഴ്ച വൈ​കീട്ട് ഏ​ഴി​നാ​ണ് വ​യ​നാ​ട് യു​നൈ​റ്റ​ഡ് എ​ഫ്.​സി​യും കേ​ര​ള യു​നൈ​റ്റ​ഡ് എ​ഫ്.​സി​യും ത​മ്മി​ലു​ള്ള ര​ണ്ടാം പാ​ദ സെ​മി ഫൈ​ന​ൽ മ​ത്സ​രം ന​ട​ക്കു​ക.

സ്വ​ന്തം ഹോം ​ഗ്രൗ​ണ്ടി​ൽ ന​ട​ന്ന ആ​ദ്യ സെ​മി​യി​ൽ നാ​ട്ടു​കാ​രു​ടെ പൂ​ർ​ണ പി​ന്തു​ണ​യു​ണ്ടാ​യി​ട്ടും മി​ക​ച്ച മ​ത്സ​രം പു​റ​ത്തെ​ടു​ത്തെ​ങ്കി​ലും വ​യ​നാ​ട് യു​നൈ​റ്റ​ഡ് എ​ഫ്.​സി​ക്ക് വി​ജ​യി​ക്കാ​നാ​യി​ല്ല. ക​ളി​യി​ലു​ട​നീ​ളം ആ​ക്ര​മ​ണം ന​ട​ത്തി​യെ​ങ്കി​ലും നി​ര​വ​ധി ഗോ​ള​വ​സ​ര​ങ്ങ​ളാ​ണ് നി​ർ​ഭാ​ഗ്യം കൊ​ണ്ട് അ​ക​ന്നു​നി​ന്ന​ത്. ആ​ദ്യ പ​കു​തി​യി​ൽ ത​ന്നെ ഒ​രു ഗോ​ളു​മാ​യി കേ​ര​ള മു​ന്നേ​റി​യ​തോ​ടെ വ​യ​നാ​ട് സ​മ്മ​ർ​ദ​ത്തി​ലാ​യി. വ​യ​നാ​ട് പ്ര​ത്യാ​ക്ര​മ​ണം ക​ടു​പ്പി​ക്കു​ന്ന​തി​നി​ടെ ര​ണ്ടാം പ​കു​തി​യി​ൽ വീ​ണ്ടും പ്ര​ഹ​ര​മേ​ൽ​ക്കു​ക​യാ​യി​രു​ന്നു. ക​ളി​യു​ടെ അ​വ​സാ​ന സെ​ക്ക​ൻ​ഡു​ക​ളി​ൽ ഒ​രു ഗോ​ൾ കൂ​ടി വ​ഴ​ങ്ങി​യ​തോ​ടെ തോ​ൽ​വി​യു​ടെ ആ​ഘാ​ത​മേ​റി.

ആ​ദ്യ​പാ​ദ സെ​മി​യി​ൽ എ​തി​രി​ല്ലാ​ത്ത മൂ​ന്നു ഗോ​ളു​ക​ൾ​ക്കാ​ണ് കേ​ര​ള യു​നൈ​റ്റ​ഡ് എ​ഫ്.​സി വി​ജ​യി​ച്ച​ത്. ര​ണ്ടാം പാ​ദ സെ​മി​യി​ൽ ഗോ​ളൊ​ന്നും വ​ഴ​ങ്ങാ​തെ എ​തി​രി​ല്ലാ​തെ നാ​ലു ഗോ​ളു​ക​ൾ​ക്കെ​ങ്കി​ലും വി​ജ​യി​ച്ചാ​ലാ​ണ് വ​യ​നാ​ട് യു​നൈ​റ്റ​ഡ് എ​ഫ്.​സി​ക്ക് ഫൈ​ന​ൽ പ്ര​തീ​ക്ഷ​യു​ള്ള​ത്. എ​തി​രി​ല്ലാ​തെ മൂ​ന്നു ഗോ​ളു​ക​ൾ വി​ജ​യി​ച്ചാ​ൽ ര​ണ്ടു സെ​മി​യി​ലെ​യും ഗോ​ൾ നി​ല​യി​ൽ ഇ​രു ടീ​മു​ക​ളും തു​ല്യ​ത പാ​ലി​ക്കും. ഇ​തോ​ടെ ര​ണ്ടാം പാ​ദ സെ​മി മ​ത്സ​രം എ​ക്സ്ട്രാ ടൈ​മി​ലേ​ക്കും ഷൂ​ട്ടൗ​ട്ടി​ലേ​ക്കും ക​ട​ക്കാ​നു​ള്ള വ​ഴി​യു​മൊ​രു​ങ്ങും.

ഇ​തി​നാ​ൽ ബു​ധ​നാ​ഴ്ച​ത്തെ മ​ത്സ​രം വ​യ​നാ​ട് യു​നൈ​റ്റ​ഡ് എ​ഫ്.​സി​ക്ക് ജീ​വ​ൻ മ​ര​ണ പോ​രാ​ട്ട​മാ​ണ്. വ​ലി​യ ഗോ​ൾ മാ​ർ​ജി​നി​ൽ വി​ജ​യി​ക്കാ​നാ​യി​ല്ലെ​ങ്കി​ൽ കൂ​ടി ഹോം ​ഗ്രൗ​ണ്ടി​ൽ വ​യ​നാ​ട് യു​നൈ​റ്റ​ഡ് എ​ഫ്.​സി​യു​ടെ വി​ജ​യം ഇ​വി​ട​ത്തെ കാ​ൽ​പ​ന്തു പ്രേ​മി​ക​ൾ ആ​ഗ്ര​ഹി​ക്കു​ന്നു​ണ്ട്. ആ​ദ്യ ക​ളി​യി​ലു​ണ്ടാ​യ പ്ര​തി​രോ​ധ​ത്തി​ലെ പാ​ളി​ച്ച ഉ​ൾ​പ്പെ​ടെ പ​രി​ഹ​രി​ച്ച് മി​ക​ച്ച ക​ളി വ​യ​നാ​ട് പു​റ​ത്തെ​ടു​ക്കു​മെ​ന്ന പ്ര​തീ​ക്ഷ​യി​ലാ​ണ് നാ​ട്ടു​കാ​ർ.

വി​ജ​യ​ത്തി​ൽ കു​റ​ഞ്ഞ​തൊ​ന്നും പ്ര​തീ​ക്ഷി​ക്കാ​തെ ര​ണ്ടാം പാ​ദ സെ​മി മ​ത്സ​ര​ത്തി​നി​റ​ങ്ങു​ന്ന ഇ​റ​ങ്ങു​ന്ന വ​യ​നാ​ടി​ന് മൂ​ന്നു ഗോ​ളി​ന്‍റെ ലീ​ഡ് നേ​ടി​യ​തി​ന്‍റെ ആ​ത്മ​വി​ശ്വാ​സ​വു​മാ​യെ​ത്തു​ന്ന കേ​ര​ള യു​നൈ​റ്റ​ഡ് എ​ഫ്.​സി​യാ​ണ് എ​തി​രാ​ളി​ക​ൾ. എ​തി​രി​ല്ലാ​ത്ത ര​ണ്ടു ഗോ​ളു​ക​ൾ​ക്ക് പ​രാ​ജ​യ​പ്പെ​ട്ടാ​ൽ പോ​ലും ര​ണ്ടു സെ​മി​ക​ളി​ൽ​നി​ന്നാ​യി ഒ​രു ഗോ​ളി​ന്‍റെ മാ​ർ​ജി​നി​ൽ കേ​ര​ള​ക്ക് ഫൈ​ന​ൽ ഉ​റ​പ്പി​ക്കാം. അ​തി​നാ​ൽ ത​ന്നെ ആ​ദ്യ പാ​ദ സെ​മി​യി​ലെ പ്ര​ക​ട​നം ആ​വ​ർ​ത്തി​ക്കാ​നാ​കു​മെ​ന്ന ആ​ത്മ​വി​ശ്വാ​സ​ത്തോ​ടെ​യാ​യി​രി​ക്കും കേ​ര​ള ബു​ധ​നാ​ഴ്ച​ത്തെ ര​ണ്ടാം പാ​ദ സെ​മി​ക്കി​റ​ങ്ങു​ക.