ട്രാ​ക്കി​ൽ ചേ​ർ​ത്തു​നി​ർ​ത്ത​ണം...ഇ​വ​രു​ടെ ക​രു​ത്തി​നെ

വ​യ​നാ​ട്ടി​ൽ പ്ര​തി​ഭ​ക​ൾ​ക്ക് പ​ഞ്ഞ​മി​ല്ലെ​ന്ന് സാ​ക്ഷ്യ​പ്പെ​ടു​ത്തു​ന്നു​ണ്ട് എ​ല്ലാ പ​രി​ശീ​ല​ക​രും. ഗോ​ത്ര​വ​ർ​ഗ​ക്കാ​ർ ഉ​ൾ​പ്പെ​ടെ​യു​ള്ള​വ​ർ​ക്കി​ട​യി​ൽ​നി​ന്ന് ല​ക്ഷ​ണ​മൊ​ത്ത താ​ര​ങ്ങ​ളെ വാ​ർ​ത്തെ​ടു​ക്കാ​ൻ ക​ഴി​യു​മെ​ന്നും അ​വ​ർ​ക്ക് ആ​ത്മ​വി​ശ്വാ​സ​മു​ണ്ട്. എ​ന്നാ​ൽ, അ​ടി​സ്ഥാ​ന സൗ​ക​ര്യ​ങ്ങ​ളു​ടെ അ​ഭാ​വം മു​ന്നോ​ട്ടു​ള്ള കു​തി​പ്പി​ന് കാ​ല​ങ്ങ​ളാ​യി വി​ഘാ​തം സൃ​ഷ്​​ടി​ക്കു​ക​യാ​ണ്.

ചെ​റു​പ്പം മു​ത​ൽ ഓ​ടി​യും ചാ​ടി​യും വ​ള​രെ ഫ്ല​ക്സി​ബി​ളാ​യി വ​ള​രു​ന്ന ഗോ​ത്ര​വ​ർ​ഗ​ക്കാ​രി​ലാ​ണ് ഇ​പ്പോ​ഴും പ​രി​ശീ​ല​ക​രു​ടെ നോ​ട്ടം. നൈ​സ​ർ​ഗി​ക​മാ​യി ന​ല്ല അ​ത്​​ല​റ്റി​ക് ഗു​ണ​ങ്ങ​ളു​ള്ള ഇ​വ​രെ ശ​രി​യാ​യ രീ​തി​യി​ൽ പ​രി​ശീ​ലി​പ്പി​ച്ചെ​ടു​ത്താ​ൽ ഏ​റെ​ക്കാ​ലം ക​ള​ത്തി​ൽ മി​ക​വോ​ടെ തു​ട​രാ​ൻ അ​വ​ർ​ക്ക്​ ക​ഴി​യു​മെ​ന്ന ക​ണ​ക്കു​കൂ​ട്ട​ലി​ലാ​ണി​ത്.

പി​ന്തു​ണ​യി​ല്ലെ​ങ്കി​ൽ കൊ​ഴി​ഞ്ഞു​പോ​കും, ട്രാ​ക്കി​ൽ​നി​ന്നും

ഗോ​ത്ര​വ​ർ​ഗ​ക്കാ​രാ​യ അ​ത്​​ല​റ്റു​ക​ളെ - പ്ര​ത്യേ​കി​ച്ച് പ​ണി​യ വി​ഭാ​ഗ​ക്കാ​രെ - നി​ര​ന്ത​ര​മാ​യ പ്രോ​ത്സാ​ഹ​ന​വും പി​ന്തു​ണ​യും ന​ൽ​കി മാ​ത്ര​മേ ക​ള​ത്തി​ൽ നി​ല​നി​ർ​ത്തി​ക്കൊ​ണ്ടു​പോ​കാ​ൻ ക​ഴി​യൂ. ഒ​ളി​മ്പി​ക്സി​ലെ​ത്തി​യ ടി. ​ഗോ​പി​യേ​ക്കാ​ൾ ത​നി​ക്ക് പ്ര​തീ​ക്ഷ​യു​ണ്ടാ​യി​രു​ന്ന താ​രം പ​ണി​യ വി​ഭാ​ഗ​ത്തി​ൽ നി​ന്നു​ള്ള ബാ​ല​ൻ എ​ന്ന അ​ത്​​ല​റ്റാ​യി​രു​ന്നു​വെ​ന്ന് ഗോ​പി​യെ ഉ​ന്ന​ത​ങ്ങ​ളി​ലേ​ക്ക് കൈ​പി​ടി​ച്ചു​യ​ർ​ത്തി​യ പ​രി​ശീ​ല​ക കെ.​പി. വി​ജ​യി ടീ​ച്ച​ർ ഇ​പ്പോ​ഴും പ​റ​യു​ന്നു. ബാ​ല​നെ അ​ത്ര​മേ​ൽ താ​ൽ​പ​ര്യ​ത്തോ​ടെ ടീ​ച്ച​ർ ചേ​ർ​ത്തു​നി​ർ​ത്തി​യെ​ങ്കി​ലും പി​ന്നീ​ട​വ​ൻ വ​ഴി​മാ​റി​യോ​ടി​ക്ക​ള​ഞ്ഞു. സം​സ്ഥാ​ന മീ​റ്റി​ൽ ത​ക​ർ​പ്പ​ൻ പ്ര​ക​ട​ന​ത്തോ​ടെ സ്വ​ർ​ണ​മെ​ഡ​ലു​ക​ൾ നേ​ടി​യ ബാ​ല​നെ ഭാ​വി​താ​ര​മാ​യി അ​ന്ന് ചൂ​ണ്ടി​ക്കാ​ട്ടി​യ വി​ദ​ഗ്ധ​ർ ഏ​റെ​യാ​യി​രു​ന്നു. കേ​ര​ള​ത്തി​െൻറ അ​ത്​​ല​റ്റി​ക് ഭൂ​മി​ക​യി​ൽ തി​ള​ങ്ങി​നി​ൽ​ക്കേ​ണ്ടി​യി​രു​ന്ന ബാ​ല​ൻ പ​ക്ഷേ, ഇ​ന്ന് കൂ​ലി​പ്പ​ണി​ക്കാ​ര​നാ​ണ്. ഇ​ങ്ങ​നെ എ​ണ്ണി​പ്പ​റ​യാ​ൻ വ​യ​നാ​ടി​െൻറ കാ​യി​ക ച​രി​ത്ര​ത്തി​ൽ ഒ​രു​പാ​ടു​ണ്ട്​ ഉ​ദാ​ഹ​ര​ണ​ങ്ങ​ൾ.

മി​ക​ച്ച പോ​ഷ​കാ​ഹാ​ര​ങ്ങ​ള​ട​ക്കം ല​ഭ്യ​മാ​ക്കി​യാ​വ​ണം ഈ ​താ​ര​ങ്ങ​ളെ വ​ള​ർ​ത്തി​ക്കൊ​ണ്ടു​വ​രേ​ണ്ട​ത്. പ്രാ​ര​ാബ്​​ധ​ങ്ങ​ൾ നി​റ​ഞ്ഞ ചു​റ്റു​പാ​ടു​ക​ളി​ൽ​നി​ന്നാ​ണ്​ ജി​ല്ല​യി​ലെ കാ​യി​ക​താ​ര​ങ്ങ​ളേ​റെ​യും വ​രു​ന്ന​ത്. ഗോ​ത്ര​വ​ർ​ഗ വി​ദ്യാ​ർ​ഥി​ക​ളു​ടെ കൊ​ഴി​ഞ്ഞു​പോ​ക്ക്​ ജി​ല്ല​യി​ലെ വി​ദ്യാ​ല​യ​ങ്ങ​ൾ നേ​ടു​ന്ന വ​ലി​യ ഭീ​ഷ​ണി​യാ​ണി​ന്ന്. ഭാ​വി​യു​ടെ വാ​ഗ്​​ദാ​ന​ങ്ങ​ളെ​ന്നു​ ക​രു​തു​ന്ന കാ​യി​ക​താ​ര​ങ്ങ​ളും ഇൗ ​കൊ​ഴി​ഞ്ഞു​പോ​ക്കി​ൽ ഉ​ൾ​പ്പെ​ടു​ന്നു. മാ​താ​പി​താ​ക്ക​ളെ ബോ​ധ​വ​ത്​​ക​രി​ക്കു​ക​യും കു​ട്ടി​ക​ളെ ഏ​തു​വി​ധേ​ന​യും ട്രാ​ക്കി​നോ​ട്​ ചേ​ർ​ത്തു​നി​ർ​ത്ത​ു​ക​യു​മാ​ണ്​ ഇ​തി​നു​ള്ള പ​രി​ഹാ​രം.

പ​രി​​ശീ​ല​ന​മി​ല്ലാ​തെ ഏ​റെ​ക്കാ​ലം

ചി​ട്ട​യാ​യ, ശാ​സ്​​ത്രീ​യ പ​രി​ശീ​ല​ന​ത്തി​നു​ള്ള സൗ​ക​ര്യ​ങ്ങ​ൾ ഇ​ല്ലാ​ത്ത​തി​നാ​ൽ അ​ത്​​ല​റ്റി​ക്​​സി​നോ​ട്​ അ​കാ​ല​ത്തി​ൽ വി​ട​പ​റ​യു​ന്ന താ​ര​ങ്ങ​ൾ ഏ​റെ​യാ​ണ്. ഒ​ട്ടും പ്ര​ചോ​ദി​ത​ര​ല്ലെ​ങ്കി​ൽ ഗോ​ത്ര​വ​ർ​ഗ കാ​യി​ക​താ​ര​ങ്ങ​ൾ കാ​യി​ക​മേ​ഖ​ല​യി​ൽ തു​ട​ർ​ന്നു​പോ​വാ​റി​ല്ല. ഇ​തി​ന്​ മി​ക​ച്ച സൗ​ക​ര്യ​ങ്ങ​ൾ ന​ൽ​കി അ​വ​രെ കൂ​ടെ നി​ർ​ത്തേ​ണ്ട​തു​െ​ണ്ട​ന്ന്​ മീ​ന​ങ്ങാ​ടി ഒ​ളി​മ്പി​യ അ​ക്കാ​ദ​മി​യി​ലെ പ​രി​ശീ​ല​ക​നാ​യ പി.​കെ. ത​ങ്ക​ച്ച​ൻ ചൂ​ണ്ടി​ക്കാ​ട്ടു​ന്നു.

ഈ ​കോ​വി​ഡ്​ കാ​ല​ത്ത്​ ജി​ല്ല​യി​ലെ അ​ത്​​ല​റ്റു​ക​ൾ​ക്കൊ​ന്നും പ​രി​ശീ​ല​ന​ത്തി​ന്​ ക​ഴി​ഞ്ഞി​ട്ടി​ല്ല. ഗോ​ത്ര വി​ഭാ​ഗ​ക്കാ​രാ​യ അ​ത്​​ല​റ്റു​ക​ളാ​വ​​ട്ടെ, ഒ​ട്ടും പ​രി​ശീ​ല​നം ന​ട​ത്തി​യി​ട്ടി​ല്ല. ര​ണ്ടു വ​ർ​ഷ​ത്തോ​ളം പ​രി​ശീ​ല​നം ന​ട​ത്താ​തി​രു​ന്ന​ശേ​ഷം നേ​രെ വ​ന്ന്​ മീ​ന​ങ്ങാ​ടി​യി​ലെ ജി​ല്ല അ​ത്​​ല​റ്റി​ക്​ ചാ​മ്പ്യ​ൻ​ഷി​പ്പി​ൽ ട്രാ​ക്കി​ലും ഫീ​ൽ​ഡി​ലും ഇ​റ​ങ്ങി​യ​വ​ർ നി​ര​വ​ധി​യാ​ണ്. ആ​ഗ്ര​ഹി​ക്കു​ന്ന രീ​തി​യി​ൽ പ​രി​ശീ​ല​നം ന​ട​ത്താ​ൻ സൗ​ക​ര്യ​ങ്ങ​ളൊ​ന്നു​മി​ല്ല എ​ന്ന​തു ത​ന്നെ​യാ​ണ്​ പ്ര​ധാ​ന കാ​ര​ണം. ജി​ല്ല​യി​ൽ സ​ർ​ക്കാ​ർ ത​ല​ത്തി​ലു​ള്ള ഏ​ക സ്​​പോ​ർ​ട്​​സ്​ ഹോ​സ്​​റ്റ​ലി​ലെ കു​ട്ടി​ക​ൾ​ക്കു​പോ​ലും താ​ഴേ​ക്കി​ട​യി​ലു​ള്ള പ​രി​ശീ​ല​ന സൗ​ക​ര്യ​ങ്ങ​ൾ മാ​ത്ര​മാ​ണു​ള്ള​ത്.

പ​തി​റ്റാ​ണ്ടു​ക​ൾ​ക്കു​മു​മ്പു​ള്ള അ​തേ സൗ​ക​ര്യ​ങ്ങ​ളി​ൽ ത​ന്നെ ത​ള​ച്ചി​ട​പ്പെ​ടു​ന്നു​വെ​ന്ന​താ​ണ്​ വ​യ​നാ​ട്ടി​ലെ അ​ത്​​ല​റ്റു​ക​ളു​ടെ വ​ള​ർ​ച്ച മു​ര​ടി​ച്ചു​പോ​കാ​ൻ പ്ര​ധാ​ന കാ​ര​ണം.

വ​മ്പ​ൻ വേ​ദി​ക​ളി​ലെ സ​ഭാ​ക​മ്പം

ജി​ല്ല​യി​ലെ അ​ത്​​ല​റ്റി​ക് മേ​ള​ക​ളി​ൽ മി​ക​വു​റ്റ പ്ര​ക​ട​നം കാ​ഴ്ച​വെ​ച്ച് ക​യ​റി​യെ​ത്തി​യ താ​ര​ങ്ങ​ൾ സം​സ്ഥാ​ന സ്കൂ​ൾ മീ​റ്റ്​ പോ​ലെ​യു​ള്ള വേ​ദി​ക​ളി​ൽ ഇ​ട​ർ​ച്ച കാ​ട്ടു​ന്ന​ത് കാ​ല​ങ്ങ​ളാ​യി തു​ട​രു​ന്ന പ്ര​തി​ഭാ​സ​മാ​ണ്. സ്പൈ​ക്കും മ​റ്റ് അ​നു​ബ​ന്ധ സൗ​ക​ര്യ​ങ്ങ​ളും ഇ​ല്ലാ​തെ​യാ​ണ് മി​ക്ക​വ​രും വ​യ​നാ​ട​ൻ മ​ണ്ണി​ൽ ഓ​ടി​ത്തെ​ളി​യു​ന്ന​ത്. വ​ലി​യ മീ​റ്റു​ക​ളി​ൽ മ​ത്സ​രി​ക്കാ​നി​റ​ങ്ങു​മ്പോ​ൾ ഇ​വ​രു​ടെ ആ​ത്മ​വി​ശ്വാ​സം ചോ​ർ​ന്നു പോ​കു​ന്ന​ത് ത​ങ്ങ​ൾ നേ​രി​ടു​ന്ന വ​ലി​യ പ്ര​തി​സ​ന്ധി​യാ​ണെ​ന്ന് ക​ണി​യാ​രം ഫാ. ​ജി.​കെ.​എം.​എ​ച്ച്.​എ​സി​ലെ അ​ധ്യാ​പ​ക​നും മു​ൻ അ​ത്​​ല​റ്റു​മാ​യ ടി.​ജെ. റോ​ബി പ​റ​യു​ന്നു.

മ​റ്റു ജി​ല്ല​ക​ളി​ലെ പേ​രു​കേ​ട്ട അ​ക്കാ​ദ​മി​ക​ളി​ലെ​യും സ്കൂ​ളു​ക​ളി​ലെ​യും താ​ര​ങ്ങ​ൾ വ​ലി​യ സൗ​ക​ര്യ​ങ്ങ​ളും പ​ത്രാ​സു​മാ​യി പോ​രി​നി​റ​ങ്ങു​മ്പോ​ൾ വ​യ​നാ​ട്ടി​ലെ കു​ട്ടി​ക​ൾ സ്​​റ്റാ​ർ​ട്ടി​ങ് ബ്ലോ​ക്കി​ലെ വെ​ടി​യൊ​ച്ച​ക്കു മു​മ്പേ മാ​ന​സി​ക​മാ​യി പി​ന്നി​ലാ​വു​ന്നു. ഗോ​ത്ര​വ​ർ​ഗ വി​ദ്യാ​ർ​ഥി​ക​ൾ പ്ര​ത്യേ​കി​ച്ചും. ഇ​തി​െൻറ പ്ര​തി​ഫ​ല​ന​മാ​ണ് മെ​ഡ​ൽ ടേ​ബി​ളി​ലും കാ​ണു​ന്ന​ത്.

ഇ​തി​നു​പു​റ​മെ, വ​യ​നാ​ട്ടി​ൽ​നി​ന്ന്​ വ്യ​ത്യ​സ്​​ത​മാ​യ കാ​ലാ​വ​സ്​​ഥ​യും കു​ട്ടി​ക​ളെ പി​ന്നോ​ട്ട​ടി​പ്പി​ക്കു​ന്ന​തി​​ന്​ കാ​ര​ണ​മാ​ണെ​ന്ന്​ കെ.​പി. വി​ജ​യി ടീ​ച്ച​ർ പ​റ​യു​ന്നു. ചു​ര​മി​റ​ങ്ങി​യെ​ത്തു​ന്ന ക​ടു​ത്ത ചൂ​ടി​ൽ വ​യ​നാ​ട്ടി​ലെ പി​ള്ളേ​ർ പി​ന്നാ​ക്കം പോ​വു​ന്ന​ത്​ പ​തി​വാ​ണെ​ന്നും ടീ​ച്ച​ർ സാ​ക്ഷ്യ​പ്പെ​ടു​ത്തു​ന്നു.

ജെ​യ്​​ഷ​യും ഗോ​പി​യും ന​ൽ​കു​ന്ന പാ​ഠം

സ്​​കൂ​ൾ കാ​യി​ക​മേ​ള​ക​ളി​ൽ ​മെ​ഡ​ൽ നേ​ടാ​നാ​യി ഞെ​ക്കി​പ്പ​ഴു​പ്പി​ക്കു​ന്ന താ​ര​ങ്ങ​ളി​ലേ​ക്ക​ല്ല ശ്ര​ദ്ധ​യൂ​ന്നേ​ണ്ട​ത്​ എ​ന്ന​തി​െൻറ വ​ലി​യ സൂ​ച​ക​ങ്ങ​ളാ​ണ്​ വ​യ​നാ​ട്ടി​ലെ ഒ​ളി​മ്പ്യ​ന്മാ​രാ​യ ഒ.​പി. ജെ​യ്​​ഷ​യും ടി. ​ഗോ​പി​യും. വ​യ​നാ​ട്ടി​ൽ ജീ​വി​ച്ചു​വ​ള​ർ​ന്ന സാ​ഹ​ച​ര്യ​ങ്ങ​ളാ​ണ്​ ഇ​രു​വ​ർ​ക്കും രാ​ജ്യാ​ന്ത​ര​ത​ല​ത്തി​ൽ ചു​വ​ടു​റ​പ്പി​ക്കാ​ൻ സ​ഹാ​യ​ക​മാ​യ​ത്. സ്​​കൂ​ൾ മീ​റ്റി​ൽ എ​ണ്ണി​പ്പ​റ​യാ​ൻ നേ​ട്ട​ങ്ങ​ളൊ​ന്നും ഉ​ണ്ടാ​യി​രു​ന്നി​ല്ല ഇ​വ​ർ​ക്ക്. എ​ന്നാ​ൽ, പി​ന്നീ​ട്​ ആ​ർ​മി​യി​ലും മ​റ്റു​മാ​യി ശാ​സ്​​ത്രീ​യ പ​രി​ശീ​ല​ന സൗ​ക​ര്യ​ങ്ങ​ൾ ല​ഭി​ച്ച​തോ​ടെ​യാ​ണ്​ ഇ​രു​വ​രും രാ​ജ്യാ​ന്ത​ര ത​ല​ത്തി​ൽ ശ്ര​ദ്ധ നേ​ടി​യ​ത്.

ഈ ​രീ​തി​യി​ൽ ചെ​റു​പ്പ​ത്തി​ലേ ത​ന്നെ ക​ണ്ടെ​ത്തി മി​ക​ച്ച ശി​ക്ഷ​ണം ന​ൽ​കാ​ൻ ക​ഴി​യു​ന്ന ട്രെ​യി​നി​ങ്​ സൗ​ക​ര്യ​ങ്ങ​ൾ വ​ർ​ധി​പ്പി​ക്കു​ക​യാ​ണ്​ വേ​ണ്ട​ത്. വ​യ​നാ​ട്ടി​ൽ മൂ​ന്നു താ​ലൂ​ക്കു​ക​ളി​ലും ഒാ​രോ സി​ന്ത​റ്റി​ക്​ ട്രാ​ക്കു​ക​ളെ​ങ്കി​ലും സ്​​ഥാ​പി​ച്ച്​ താ​ര​ങ്ങ​ളെ ക​ണ്ടെ​ത്തി​ ശാ​സ്​​ത്രീയ പ​രി​ശീ​ല​നം ന​ൽ​കേ​ണ്ട സ​മ​യം അ​തി​ക്ര​മി​ച്ചു​വെ​ന്ന്​ ജി​ല്ല​യി​ലെ കാ​യി​ക സം​ഘാ​ട​ക​ർ ത​ന്നെ ചൂ​ണ്ടി​ക്കാ​ട്ടു​ന്നു.

(തു​ട​രും)