ഇരുളം മിച്ചഭൂമി;26 കുടുംബങ്ങൾകൂടി ഭൂമിയുടെ അവകാശികൾ

ക​ൽ​പ​റ്റ: 26 പ​ട്ടി​ക​ജാ​തി - പ​ട്ടി​ക വ​ർ​ഗ കു​ടും​ബ​ങ്ങ​ള്‍ കൂ​ടി ഭൂ​മി​യു​ടെ അ​വ​കാ​ശി​കളാ​കു​ന്നു. ദീ​ര്‍ഘ​കാ​ല​ത്തെ കാ​ത്തി​രി​പ്പി​നൊ​ടു​വി​ലാ​ണ് ഇ​വ​ർ​ക്ക് സ​ന്തോ​ഷ ​നി​മി​ഷ​ങ്ങ​ളെ​ത്തി​യ​ത്. ഇ​രു​ളം മി​ച്ച​ഭൂ​മി​യി​ല്‍ ഭൂ​മി ല​ഭി​ക്കാ​ന്‍ ബാ​ക്കി​യു​ള്ള 18 പ​ട്ടി​ക​ജാ​തി കു​ടും​ബ​ങ്ങ​ള്‍ക്കും ഇ​രു​ളം മി​ച്ച​ഭൂ​മി​യു​മാ​യി ബ​ന്ധ​പ്പെ​ട്ട് ക​ല്ലോ​ണി​ക്കു​ന്നി​ല്‍ ബ്ലോ​ക്ക് 12 ല്‍ ​ഉ​ള്‍പ്പെ​ട്ട ഭൂ​മി​യി​ല്‍ 8 പ​ട്ടി​ക​വ​ര്‍ഗ്ഗ കു​ടും​ബ​ങ്ങ​ള്‍ക്കു​മാ​ണ് ഇ​നി ഭൂ​മി​യു​ടെ അ​വ​കാ​ശം ല​ഭി​ക്കു​ക. കി​ട​ങ്ങ​നാ​ട് വി​ല്ലേ​ജി​ല്‍ ബ്ലോ​ക്ക് 13 റീ​സ​ർവേ 60 ല്‍പ്പെ​ട്ട ഭൂ​മി​യാ​ണ് 18കു​ടും​ബ​ങ്ങ​ള്‍ക്കാ​യി പ​തി​ച്ചു ന​ല്‍കു​ന്ന​ത്.

ഇ​വ​ര്‍ക്കാ​യി ഭൂ​മി പ​തി​ച്ചു ന​ല്‍കു​ന്ന​തി​നു​ള്ള നെ​റു​ക്കെ​ടു​പ്പ് ജി​ല്ല ക​ല​ക്ട​ര്‍ ഡോ.​രേ​ണു​രാ​ജി​ന്റെ നേ​തൃ​ത്വ​ത്തി​ല്‍ ക​ല​ക്ടറേ​റ്റി​ല്‍ ന​ട​ന്നു. ഭൂ​മി ല​ഭി​ച്ച മു​ഴു​വ​ന്‍ കു​ടും​ബ​ങ്ങ​ളും ന​റു​ക്കെ​ടു​പ്പി​ലൂ​ടെ അ​വ​ര​വ​രു​ടെ ഭൂ​മി ത​രംതി​രി​ച്ച് സ്ഥി​രീ​ക​രി​ച്ചു. ഇ​വ​ര്‍ക്കാ​യി ഭൂ​മി പ​തി​ച്ചു ന​ല്‍കു​ന്ന​തോ​ടെ ജി​ല്ല​യി​ലെ അ​ടു​ത്ത പ​ട്ട​യ​മേ​ള​യി​ല്‍ പ​ട്ട​യ​വും ല​ഭ്യ​മാ​ക്കു​മെ​ന്ന് ജി​ല്ല ക​ല​ക്ട​ര്‍ ഡോ.​ രേ​ണു​രാ​ജ് പ​റ​ഞ്ഞു.

ജി​ല്ല ക​ല​ക്ട​റു​ടെ 2020 ലെ ​റി​പ്പോ​ര്‍ട്ട് ഉ​ള്‍പ്പെ​ടെ പ​രി​ശോ​ധി​ച്ചാ​ണ് ചെ​ത​ല​യ​ത്തു​ള്ള ഭൂ​മി റ​വ​ന്യൂ ഭൂ​മി​യാ​യി നി​ല​നി​ര്‍ത്തി പ​ട്ടി​ക ജാ​തി​യി​ല്‍പ്പെ​ട്ട 19 പേ​ര്‍ക്ക് പ​തി​ച്ച് ന​ല്‍കാ​ന്‍ സ​ര്‍ക്കാ​ര്‍ ഉ​ത്ത​ര​വി​ട്ട​ത്. ഇ​തി​ൽ ഒ​രു അ​വ​കാ​ശി മ​ര​ണ​പ്പെ​ട്ടു. പ​തി​റ്റാ​ണ്ടു​ക​ലാ​യു​ള്ള സ്വ​ന്തം ഭൂ​മി​യെ​ന്ന ഇ​വ​രു​ടെ സ്വ​പ്ന​മാ​ണ് ഇ​വി​ടെ യാ​ഥാ​ര്‍ത്ഥ്യ​മാ​കു​ന്ന​ത്.

ഇ​രു​ളം മി​ച്ച ഭൂ​മി​യി​ലെ പ​ട്ടി​ക​വ​ര്‍ഗ വി​ഭാ​ഗ​ത്തി​ല്‍പ്പെ​ട്ട ക​ല്ലൂ​ര്‍ കേ​ശ​വ​ന് ഒ​ന്നാ​മ​ത്തെ സ്ലോ​ട്ട് ല​ഭി​ച്ചു. ഭൂ​മി ല​ഭി​ച്ച​വ​രു​ടെ പ്ര​തി​നി​ധി​യാ​യി കേ​ശ​വ​ന്‍ ജി​ല്ല ഭ​ര​ണ​കൂ​ട​ത്തി​ന് ന​ന്ദി​യ​റി​യി​ച്ചു.

എ​ല്‍.​ആ​ര്‍ ​ഡെ​പ്യൂ​ട്ടി​ക​ല​ക്ട​ര്‍ സി.​ മു​ഹ​മ്മ​ദ് റ​ഫീ​ഖ്, ബ​ത്തേ​രി എ​ല്‍.​ആ​ര്‍ ത​ഹ​സി​ല്‍ദാ​ര്‍ പി.​ജെ.​ ജോ​സ​ഫ്, ഹു​സൂ​ര്‍ ശി​ര​സ്ത​ദാ​ര്‍ വി.​കെ. ​ഷാ​ജി എ​ന്നി​വ​ര്‍ പ​ങ്കെ​ടു​ത്തു.