കു​ടി​വെ​ള്ള​മി​ല്ലാ​തെ വ​ല​ഞ്ഞ​ത് നൂ​റു​ക​ണ​ക്കി​ന് കു​ടും​ബ​ങ്ങ​ൾ; കുടിവെള്ളം മുട്ടിച്ച ചെക്ഡാം നാട്ടുകാർ തുറന്നു

ക​ൽ​പ​റ്റ: സ്വ​കാ​ര്യ തോ​ട്ടം ന​ട​ത്തി​പ്പു​കാ​ർ ചെ​ക്ഡാം അ​ട​ച്ച​ത് റാ​ട്ട​ക്കൊ​ല്ലി, പു​ൽ​പാ​റ പ്ര​ദേ​ശ​ങ്ങ​ളി​ലെ നൂ​റു​ക​ണ​ക്കി​ന് കു​ടും​ബ​ങ്ങ​ളു​ടെ കു​ടി​വെ​ള്ളം മു​ട്ടി​ച്ച​താ​യി പ​രാ​തി. തു​ട​ർ​ന്ന് നാ​ട്ടു​കാ​ർ സം​ഘ​ടി​ച്ച്, ചെ​ക്ഡാം തു​റ​ന്ന് തോ​ട്ടി​ലേ​ക്ക് വെ​ള്ള​മൊ​ഴു​ക്കി. റാ​ട്ട​ക്കൊ​ല്ലി മ​ല​യി​ൽ​നി​ന്ന് ഉ​ത്ഭ​വി​ക്കു​ന്ന തോ​ട്ടി​ലാ​ണ് ചെ​ക്ഡാ​മു​ള്ള​ത്.

ഈ ​തോ​ട്ടി​ൽ ബ​ണ്ടു​കെ​ട്ടി വെ​ള്ളം ത​ട​ഞ്ഞു​നി​ർ​ത്തി വ​ലി​യ പൈ​പ്പി​ട്ട് താ​ഴ്വാ​ര​ത്ത് ടാ​ങ്കു​ക​ൾ സ്ഥാ​പി​ച്ചാ​ണ് വീ​ടു​ക​ളി​ലേ​ക്ക് പൈ​പ്പു​ക​ളി​ലൂ​ടെ വെ​ള്ളം എ​ത്തി​ച്ചി​രു​ന്ന​ത്. എ​ന്നാ​ൽ ഒ​രു ആ​ഴ്ച മു​മ്പ് റാ​ട്ട​ക്കൊ​ല്ലി മ​ല നീ​ല​ഗി​രി എ​സ്റ്റേ​റ്റി​​ലെ ചെ​ക്ഡാം ടാ​ർ​പോ​ളി​ൻ ഷീ​റ്റ് അ​ട​ക്കം വി​രി​ച്ച് അ​ട​ക്കു​ക​യാ​യി​രു​ന്നു​വെ​ന്നും ഇ​തോ​ടെ ക​ൽ​പ​റ്റ മു​നി​സി​പ്പാ​ലി​റ്റി 16, 17 വാ​ർ​ഡു​ക​ളി​ലെ മു​ന്നൂ​റോ​ളം കു​ടും​ബ​ങ്ങ​ളു​ടെ കു​ടി​വെ​ള്ളം നി​ല​ച്ചു​വെ​ന്നും നാ​ട്ടു​കാ​ർ പ​റ​ഞ്ഞു.

തോ​ട്ടി​ലെ ഒ​ഴു​ക്ക് നി​ല​ച്ച​തോ​ടെ പൈ​പ്പി​ലൂ​ടെ താ​ഴ്വാ​ര​ത്തെ ടാ​ങ്കു​ക​ളി​ൽ വെ​ള്ള​മെ​ത്തു​ന്ന​തും മു​ട​ങ്ങി. വെ​ള്ള​മി​ല്ലാ​താ​യ​തോ​ടെ നാ​ട്ടു​കാ​ർ അ​ന്വേ​ഷി​ച്ച് മു​ക​ളി​ലെ​ത്തി​യ​പ്പോ​ഴാ​ണ് ചെ​ക്ഡാ​മി​ൽ വെ​ള്ളം ത​ട​ഞ്ഞു​വെ​ച്ച് തോ​ട്ടം ന​ന​ക്കാ​ൻ ഉ​പ​യോ​ഗി​ക്കു​ന്ന​ത് ശ്ര​ദ്ധ​യി​ൽ​പെ​ട്ട​ത്. ഇ​തോ​ടെ ഇ​വ​ർ ന​ഗ​ര​സ​ഭ അ​ധി​കൃ​ത​ർ​ക്ക് പ​രാ​തി ന​ൽ​കു​ക​യാ​യി​രു​ന്നു.

ക​ഴി​ഞ്ഞ​ദി​വ​സം ര​ണ്ട് വാ​ർ​ഡു​ക​ളി​ലെ​യും കൗ​ൺ​സി​ല​ർ​മാ​രും ന​ഗ​ര​സ​ഭ ഹെ​ൽ​ത്ത് ഇ​ൻ​സ്‍പെ​ക്ട​റും സ്ഥ​ലം സ​ന്ദ​ർ​ശി​ച്ചു. റി​പ്പോ​ർ​ട്ട് ത​യാ​റാ​ക്കി ​വെ​ള്ളം കെ​ട്ടി​നി​ർ​ത്തി​യ വ​സ്തു​ക്ക​ൾ ​പൊ​ളി​ച്ചു​മാ​റ്റാ​ൻ തോ​ട്ടം ഉ​ട​മ​ക്ക് നി​ർ​ദേ​ശം ന​ൽ​കാ​നി​രി​ക്കെ​യാ​ണ് നാ​ട്ടു​കാ​ർ സം​ഘ​ടി​ച്ച് വെ​ള്ളം തു​റ​ന്നു​വി​ട്ട​ത്. കു​ടി​വെ​ള്ള പ്ര​ശ്നം അ​സ​ഹ്യ​മാ​യ​തോ​ടെ​യാ​ണ് ഞാ​യ​റാ​ഴ്ച വെ​ള്ളം തു​റ​ന്നു​വി​ട്ട​തെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്. ചെ​ക്ഡാ​മി​ൽ അ​ന​ധി​കൃ​ത​മാ​യി കി​ണ​ർ നി​ർ​മി​ച്ചി​ട്ടു​ണ്ടെ​ന്നും ഇ​വ​ർ ആ​രോ​പി​ച്ചു.

മു​ൻ വ​ർ​ഷ​ങ്ങ​ളി​ലും തോ​ട്ടം ന​ട​ത്തി​പ്പു​കാ​ർ ചെ​ക്ഡാ​മി​ൽ വെ​ള്ളം ത​ട​ഞ്ഞി​രു​ന്നു​വെ​ന്ന് നാ​ട്ടു​കാ​ർ പ​റ​യു​ന്നു. എ​ന്നാ​ൽ വെ​ള്ള​ത്തി​ന്റെ ഒ​ഴു​ക്ക് പൂ​ർ​ണ​മാ​യും ത​ട​ഞ്ഞി​രു​ന്നി​ല്ല. ഇ​ത് വ​ലി​യ പ്ര​യാ​സ​വും സൃ​ഷ്ടി​ച്ചി​രു​ന്നി​ല്ല. ക​ഴി​ഞ്ഞ ആ​ഴ്ച​മു​ത​ൽ പൂ​ർ​ണ​മാ​യും അ​ട​ച്ച​തോ​ടെ​യാ​ണ് പ്ര​ശ്നം രൂ​ക്ഷ​മാ​യ​ത്.

റാ​ട്ട​​ക്കൊ​ല്ലി മ​ല​യി​ൽ​നി​ന്ന് ഉ​ത്ഭ​വി​ക്കു​ന്ന തോ​ട്ടി​ൽ​നി​ന്നാ​യി​രു​ന്നു മു​മ്പ് ക​ൽ​പ​റ്റ ന​ഗ​ര​സ​ഭ​യി​ൽ കു​ടി​വെ​ള്ള​മെ​ത്തി​ച്ചി​രു​ന്ന​ത്. ഇ​തി​നാ​യി വ​ലി​യ​ടാ​ങ്ക് അ​ട​ക്ക​മു​ള്ള സം​വി​ധാ​ന​ങ്ങ​ൾ ഒ​രു​ക്കി​യി​രു​ന്നു. കാ​രാ​പ്പു​ഴ പ​ദ്ധ​തി യാ​ഥാ​ർ​ഥ്യ​മാ​യ​തോ​ടെ ഈ ​കു​ടി​വെ​ള്ള വി​ത​ര​ണ പ​ദ്ധ​തി ഉ​പേ​ക്ഷി​ച്ചു.

ക​ഴി​ഞ്ഞ​ദി​വ​സം മു​ത​ൽ തോ​ട്ടി​ലേ​ക്ക് വെ​ള്ളം ഒ​ഴു​ക്കി​വി​ടാ​ൻ തു​ട​ങ്ങി​യി​രു​ന്നു​വെ​ന്ന് തോ​ട്ടം ന​ട​ത്തി​പ്പു​കാ​ര​ൻ ‘മാ​ധ്യ​മ’​ത്തോ​ട് പ​റ​ഞ്ഞു. കെ​ട്ടി​നി​ർ​ത്തി​യ വെ​ള്ളം​കൂ​ടി അ​വ​ർ പൊ​ളി​ക്കു​ക​യാ​ണ് ചെ​യ്ത​ത്. അ​വി​ടെ വെ​ള്ളം കെ​ട്ടി​നി​ന്നാ​ൽ താ​ഴേ​ക്ക് ഉ​റ​വ കൂ​ടു​ക​യേ​യു​ള്ളൂ. പൊ​ളി​ച്ച​തോ​ടെ വേ​ന​ൽ ക​ന​ക്കു​മ്പോ​ൾ നീ​രു​റ​വ​യും വ​റ്റാ​നി​ട​യു​ണ്ട്.

കാ​പ്പി പൂ​ത്ത​തി​ന് ശേ​ഷം ര​ണ്ടാ​മ​ത് മ​ഴ ല​ഭി​ക്കാ​തെ ക​രി​യാ​ൻ തു​ട​ങ്ങി​യ​തോ​ടെ​യാ​ണ് തോ​ട്ടം ന​ന​ക്കാ​ൻ ആ​രം​ഭി​ച്ച​ത്. തോ​ട്ട​ത്തി​ന് മു​ക​ളി​ലെ കു​ള​ത്തി​ൽ​നി​ന്ന് പൈ​പ്പി​ട്ട് നാ​ട്ടു​കാ​ർ​ക്ക് വെ​ള്ള​മെ​ടു​ക്കാ​ൻ അ​നു​വ​ദി​ക്കാ​മെ​ന്ന് വ്യ​ക്ത​മാ​ക്കി​യി​രു​ന്നു.

നാ​ലു​ദി​വ​സം കൂ​ടി മാ​ത്ര​മേ ചെ​ക്ഡാ​മി​ൽ​നി​ന്ന് തോ​ട്ട​ത്തി​ലേ​ക്ക് വെ​ള്ളം എ​ടു​ക്കു​ക​യു​ള്ളൂ​വെ​ന്ന് ക​ഴി​ഞ്ഞ ദി​വ​സം ന​ഗ​ര​സ​ഭ അ​ധി​കൃ​ത​ർ വ​ന്ന​പ്പോ​ൾ അ​റി​യി​ച്ചി​രു​ന്നു. വ​ർ​ഷ​ങ്ങ​ളാ​യി ഇ​വി​ടെ നി​ന്ന് വേ​ന​ലി​ൽ വെ​ള്ള​മെ​ടു​ത്ത് തോ​ട്ടം ന​ന​യ്ക്കാ​റു​ണ്ടാ​യി​രു​ന്നു​വെ​ന്നും അ​ദ്ദേ​ഹം പ​റ​ഞ്ഞു.

‘ന​ഗ​ര​സ​ഭ അ​നു​മ​തി ന​ൽ​കി​യി​രു​ന്നി​ല്ല’

നാ​ട്ടു​കാ​രു​ടെ പ​രാ​തി ല​ഭി​ച്ച​തി​നെ തു​ട​ർ​ന്ന് ചെ​ക്ഡാം പ്ര​ദേ​ശം സ​ന്ദ​ർ​ശി​ച്ചി​രു​ന്നു​വെ​ന്ന് ക​ൽ​പ​റ്റ ന​ഗ​ര​സ​ഭ പു​ൽ​പാറ വാ​ർ​ഡ് കൗ​ൺ​സി​ല​ർ സാ​ജി​ത മ​ജീ​ദ്, റാ​ട്ട​ക്കൊ​ല്ലി കൗ​ൺ​സി​ല​ർ എ.​ആ​ർ. ശ്യാ​മ​ള എ​ന്നി​വ​ർ പ​റ​ഞ്ഞു. ന​ഗ​ര​സ​ഭ എ​ച്ച്.​ഐ​യും കൂ​ടെ​യു​ണ്ടാ​യി​രു​ന്നു. ചെ​ക്ഡാം അ​ട​ച്ച​താ​യി മ​ന​സ്സി​ലാ​യി. വ​ള​രെ ചെ​റി​യ തോ​തി​ൽ മാ​ത്ര​മേ വെ​ള്ളം താ​ഴേ​ക്ക് ഒ​ഴു​കു​ന്നു​ണ്ടാ​യി​രു​ന്നു​ള്ളൂ. അ​ത് തോ​ട്ടി​ലെ ഒ​ഴു​ക്കി​ന് പ​ര്യാ​പ്ത​മാ​യി​രു​ന്നി​ല്ല.

ന​ഗ​ര​സ​ഭ ആ​ർ​ക്കും വെ​ള്ളം കെ​ട്ടി​നി​ർ​ത്താ​ൻ അ​നു​മ​തി കൊ​ടു​ത്തി​രു​ന്നി​ല്ല. റി​പ്പോ​ർ​ട്ട് ത​യാ​റാ​ക്കി, പൊ​ളി​ച്ചു​മാ​റ്റാ​ൻ നി​ർ​ദേ​ശം ന​ൽ​കാ​നി​രി​ക്കു​ക​യാ​യി​രു​ന്നു. ഇ​തി​നി​ട​യി​ലാ​ണ് നാ​ട്ടു​കാ​ർ ത​ന്നെ വെ​ള്ളം തു​റ​ന്നു​വി​ട്ട​ത്. നാ​ട്ടു​കാ​രു​ടെ കു​ടി​വെ​ള്ളം ത​ട​യാ​ൻ ആ​ർ​ക്കും അ​വ​കാ​ശ​മി​ല്ലെ​ന്നും അ​വ​ർ പ​റ​ഞ്ഞു.