മാലിന്യമുക്ത വയനാട്; പരിശോധന ശക്തമാക്കും

ക​ൽ​പ​റ്റ: ജി​ല്ല​യെ മാ​ലി​ന്യ മു​ക്ത​മാ​ക്കാ​ന്‍ പ​രി​ശോ​ധ​ന ശ​ക്ത​മാ​ക്കു​മെ​ന്ന് ജി​ല്ല ക​ല​ക്ട​ര്‍ ഡോ. ​രേ​ണു രാ​ജി​ന്റെ അ​ധ്യ​ക്ഷ​ത​യി​ല്‍ ചേ​ര്‍ന്ന യോ​ഗം തീ​രു​മാ​നി​ച്ചു.

മാ​ലി​ന്യ മു​ക്തം ന​വ​കേ​ര​ളം കാ​മ്പ​യി​നി​ന്റെ ഭാ​ഗ​മാ​യി ത​ദ്ദേ​ശ സ്വ​യം​ഭ​ര​ണ വ​കു​പ്പ് കേ​ര​ള പ​ഞ്ചാ​യ​ത്ത്- മു​നി​സി​പ്പാ​ലി​റ്റി നി​യ​മ​ഭേ​ദ​ഗ​തി ഓ​ര്‍ഡി​ന​ന്‍സ് പ്ര​കാ​ര​മാ​ണ് പ​രി​ശോ​ധ​ന ശ​ക്ത​മാ​ക്കു​ന്ന​ത്.

നി​യ​മ ലം​ഘ​നം; എ​ന്‍ഫോ​ഴ്‌​സ്‌​മെ​ന്റ് സ്‌​ക്വാ​ഡ് പ​രി​ശോ​ധ​ന ശ​ക്ത​മാ​ക്കി

മാ​ലി​ന്യ സം​സ്‌​ക​ര​ണ രം​ഗ​ത്തെ നി​യ​മ ലം​ഘ​ന​ങ്ങ​ള്‍ക്കെ​തി​രെ നി​യ​മ​ന​ട​പ​ടി സ്വീ​ക​രി​ക്കാ​ന്‍ രൂ​പ​വ​ത്ക​രി​ച്ച പ്ര​ത്യേ​ക എ​ന്‍ഫോ​ഴ്‌​സ്‌​മെ​ന്റ് സ്‌​ക്വാ​ഡി​ന്റെ പ​രി​ശോ​ധ​ന ജി​ല്ല​യി​ല്‍ ശ​ക്ത​മാ​ക്കി. മാ​ലി​ന്യ സം​സ്‌​ക​ര​ണ​വു​മാ​യി ബ​ന്ധ​പ്പെ​ട്ട നി​യ​മ-​ച​ട്ട ലം​ഘ​ന​ങ്ങ​ള്‍ ക​ണ്ടെ​ത്ത​ല്‍, പ​രി​ശോ​ധ​ന ന​ട​ത്ത​ല്‍, കു​റ്റം ക​ണ്ടെ​ത്ത​ല്‍, നി​രോ​ധി​ത പ്ലാ​സ്റ്റി​ക് ഉ​ൽപ​ന്ന​ങ്ങ​ളു​ടെ അ​ന​ധി​കൃ​ത ഉ​പ​യോ​ഗം- വി​ല്‍പ​ന, ഡി​സ്പോ​സി​ബി​ള്‍ വ​സ്തു​ക്ക​ള്‍ പി​ടി​ച്ചെ​ടു​ക്ക​ല്‍, പി​ഴ ഈ​ടാ​ക്ക​ല്‍, നി​യ​മ ന​ട​പ​ടി​ക​ള്‍ സ്വീ​ക​രി​ക്ക​ല്‍ എ​ന്നി​വ​യാ​ണ് സ്‌​ക്വാ​ഡി​ന്റെ പ്ര​വ​ര്‍ത്ത​ന​ങ്ങ​ള്‍.

സ്വ​ച്ഛ് സ​ര്‍വേ​ക്ഷ​ന്‍ റാ​ങ്കി​ങ്ങി​ല്‍ സം​സ്ഥാ​ന​ത്ത് ര​ണ്ടാം സ്ഥാ​നം ല​ഭി​ച്ച ക​ല്‍പ​റ്റ ന​ഗ​ര​സ​ഭ​യെ യോ​ഗം അ​ഭി​ന​ന്ദി​ച്ചു.

യോ​ഗ​ തീ​രു​​മാ​ന​ങ്ങ​ൾ

• മാ​ലി​ന്യ ശേ​ഖ​ര​ണ​ത്തി​നാ​യി എ​ത്തു​ന്ന ഹ​രി​ത​ക​ര്‍മ സേ​ന​ക്ക് യൂ​സ​ര്‍ ഫീ ​ന​ല്‍കാ​ത്ത വീ​ട്ടു​കാ​ര്‍ നി​ശ്ചി​ത കാ​ല​യ​ള​വി​നു​ള്ളി​ല്‍ (90 ദി​വ​സ​ത്തി​നു ശേ​ഷം) തു​ക കൊ​ടു​ത്തി​ല്ലെ​ങ്കി​ല്‍ പ്ര​തി​മാ​സം 50 ശ​ത​മാ​നം പി​ഴ ന​ൽ​ക​ണം. പി​ഴ അ​ട​ച്ചി​ല്ലെ​ങ്കി​ല്‍ പൊ​തു നി​കു​തി കു​ടി​ശ്ശി​ക​യി​ലേ​ക്ക് കൂ​ട്ടി​ച്ചേര്‍ക്കും.
• പു​തി​യ ഓ​ര്‍ഡി​ന​ന്‍സ് പ്രാ​ബ​ല്യ​ത്തി​ല്‍ വ​രു​ന്ന​തി​ലൂ​ടെ മാ​ലി​ന്യ​ങ്ങ​ള്‍ ത​രം​തി​രി​ച്ച് കൈ​മാ​റാ​തി​രി​ക്ക​ല്‍, യൂ​സ​ര്‍ഫീ ന​ല്‍കാ​തി​രി​ക്ക​ല്‍, പ​രി​സ​രം വൃ​ത്തി​യാ​യി സൂ​ക്ഷി​ക്കാ​തി​രി​ക്ക​ല്‍ എ​ന്നി​വ​ക്ക് 1000 രൂ​പ മു​ത​ല്‍ 10000 രൂ​പ വ​രെ പി​ഴ ഈ​ടാ​ക്കും.
• പൊ​തു​സ്ഥ​ല​ങ്ങ​ള്‍, ജ​ലാ​ശ​യ​ങ്ങ​ള്‍ എ​ന്നി​വി​ട​ങ്ങ​ളി​ലേ​ക്ക് മ​ലി​ന ജ​ലം ഒ​ഴു​ക്കി​വി​ട്ടാ​ല്‍ 5000 രൂ​പ മു​ത​ല്‍ 50000 രൂ​പ വ​രെ പി​ഴ ന​ല്‍ക​ണം.
• ക​ട​ക​ള്‍, വാ​ണി​ജ്യ സ്ഥാ​പ​ന​ങ്ങ​ള്‍ എ​ന്നി​വ​യു​ടെ പ​രി​സ​രം വൃ​ത്തി​യാ​യി സൂ​ക്ഷി​ക്കാ​തി​രു​ന്നാ​ല്‍ 5000 രൂ​പ പി​ഴ
• ജ​ലാ​ശ​യ​ങ്ങ​ളി​ല്‍ വി​സ​ര്‍ജ​ന വ​സ്തു​ക്ക​ളോ, മാ​ലി​ന്യ​ങ്ങ​ളോ ഒ​ഴു​ക്കി​യാ​ല്‍ 10000 രൂ​പ മു​ത​ല്‍ 50000 രൂ​പ വ​രെ പി​ഴ.
• വാ​ഹ​ന​ങ്ങ​ളി​ല്‍ മാ​ലി​ന്യം നി​യ​മ​വി​രു​ദ്ധ​മാ​യി കൊ​ണ്ടു​പോ​യാ​ല്‍ /പി​ടി​ച്ചെ​ടു​ത്താ​ല്‍ വാ​ഹ​നം ക​ണ്ടു​കെ​ട്ട​ലും 5000 രൂ​പ​യും മാ​ലി​ന്യം നീ​ക്കം ചെ​യ്യു​ന്ന​തി​നു​ള്ള ചെ​ല​വും ഈ​ടാ​ക്കും.
• പൊ​തു-​സ്വ​കാ​ര്യ ഭൂ​മി​യി​ല്‍ മാ​ലി​ന്യം ത​ള്ളു​ന്ന​വ​ര്‍ക്ക് 5000 രൂ​പ പി​ഴ ചു​മ​ത്തും. പി​ഴ തു​ക​ക​ള്‍ക്കു പു​റ​മേ അ​ത​ത് വ​കു​പ്പ് പ്ര​കാ​ര​മു​ള്ള മ​റ്റ് നി​യ​മ ന​ട​പ​ടി​ക​ളും ബാ​ധ​ക​മാ​ണ്.
• ശി​ക്ഷ ന​ട​പ​ടി​ക​ള്‍ ന​ട​പ്പാ​ക്കാ​ന്‍ സെ​ക്ര​ട്ട​റി​ക്ക് അ​ധി​കാ​രം ഉ​ണ്ടെ​ങ്കി​ലും നോ​ട്ടീ​സ് ന​ല്‍കി നി​യ​മ ലം​ഘ​ക​രു​ടെ വാ​ദം കേ​ട്ട് മാ​ത്ര​മാണ് പി​ഴ ചു​മ​ത്തു​ക. നേ​രി​ട്ട് പി​ഴ ചു​മ​ത്താ​ന്‍ ക​ഴി​യു​ന്ന സാ​ഹ​ച​ര്യ​ങ്ങ​ളി​ല്‍ ഇ​ത് ബാ​ധ​ക​മ​ല്ല.
• മാ​ലി​ന്യ നി​ക്ഷേ​പ​വു​മാ​യി ബ​ന്ധ​പ്പെ​ട്ട ഏ​തെ​ങ്കി​ലും കു​റ്റം ന​ട​ന്ന​താ​യി ത​ദ്ദേ​ശ​സ്വ​യം​ഭ​ര​ണ സ്ഥാ​പ​ന സെ​ക്ര​ട്ട​റി​യെ അ​റി​യി​ക്കു​ന്ന​വ​ര്‍ക്ക് പാ​രി​തോ​ഷി​കം ന​ല്‍കും.
• പ​ദ്ധ​തി മേ​ല്‍നോ​ട്ട​ത്തി​ന് ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളി​ല്‍ സ്ഥി​രം സ​മി​തി​യെ ഉ​റ​പ്പാ​ക്കും.
• മാ​ലി​ന്യ സം​സ്‌​ക​ര​ണ​ത്തി​നാ​യി പ്ര​ത്യേ​ക ഫ​ണ്ട് രൂ​പ​വ​ത്ക​രി​ക്കാ​നു​ള്ള ന​ട​പ​ടി സ്വീ​ക​രി​ക്കും.