കാ​ടു​ക​യ​റാ​തെ കാ​ട്ടാ​ന​ക​ൾ; പൊ​റു​തി​മു​ട്ടി ജ​നം

ക​ൽ​പ​റ്റ: കാ​ട്ടാ​നശ​ല്യ​ത്തി​ൽ പൊ​റു​തി​മു​ട്ടി വ​നാ​തി​ർ​ത്തി ഗ്രാ​മ​ത്തി​ൽ താ​മ​സി​ക്കു​ന്ന​വ​ർ. കൂ​ട്ട​ത്തോ​ടെ എ​ത്തു​ന്ന ആ​ന​ക​ൾ പ​ല​പ്പോ​ഴും വ്യാ​പ​ക​മാ​യി കൃ​ഷി ന​ശി​പ്പി​ക്കു​ന്നു. ഫെ​ൻ​സിങ്ങും കി​ട​ങ്ങു​ക​ളും ഒ​ഴി​വാ​ക്കി​യാ​ണ് ഇ​വ കൂ​ട്ട​ത്തോ​ടെ നാ​ട്ടി​ലി​റ​ങ്ങു​ന്ന​ത്. രാ​ത്രി നാ​ട്ടി​ലി​റ​ങ്ങു​ന്ന ആ​ന​ക​ൾ നേ​രം പു​ല​ർ​ന്നാ​ലും കാ​ടു​ക​യ​റാ​ത്ത അ​വ​സ്ഥ​യി​ലാ​ണ്.

പൂ​താ​ടി പ​ഞ്ചാ​യ​ത്തി​ലെ നെ​യ്ക്കു​പ്പ, ക​ക്കോ​ട​ൻ, വ​ണ്ടി​ക്ക​ട​വ്, ന​ട​വ​യ​ൽ, ചെ​ഞ്ച​ട്ടി, വ​ട്ട​ത്താ​നി, മാ​ര​മ​ല തു​ട​ങ്ങി​യ പ്ര​ദേ​ശ​ങ്ങ​ളി​ൽ കാ​ട്ടാ​നശ​ല്യം രൂ​ക്ഷ​മാ​ണ്. കൃ​ഷി​യി​ട​ങ്ങ​ളി​ൽ ഇ​റ​ങ്ങു​ന്ന കാ​ട്ടാ​ന​ക്കൂ​ട്ടം വാ​ഴ, തെ​ങ്ങ് എ​ന്നി​വ​യും ന​ശി​പ്പി​ക്കു​ന്നു. ഇ​വ​യു​ടെ ശ​ല്യം പ​തി​വാ​യ​തോ​ടെ പ​ല​രും കൃ​ഷി ഉ​പേ​ക്ഷി​ച്ചു. പ​ല​യി​ട​ത്തും കാ​ട്ടാ​ന​ക​ൾ ഇ​റ​ങ്ങു​ന്ന​തി​നാ​ൽ വ​ന​പാ​ല​ക​ർ​ക്കും ഒ​രേസ​മ​യം എ​ല്ലാ​യി​ട​ത്തും എ​ത്താ​ൻ ക​ഴി​യാ​ത്ത അ​വ​സ്ഥ​യാ​ണ്. ഫെ​ൻ​സി​ങ് ക​ട​ന്നെ​ത്തു​ന്ന ഇ​വ​യെ പ​ട​ക്കം പൊ​ട്ടി​ച്ചും ബ​ഹ​ളംവെ​ച്ചും തു​ര​ത്താ​ൻ ശ്ര​മി​ച്ചാ​ലും കാ​ടു​ക​യ​റാ​റി​ല്ല.

ഇ​രു​ളം വ​നാ​തി​ർ​ത്തി ​ഗ്രാ​മ​ങ്ങ​ളി​ൽ ക​ർ​ഷ​ക​ർ​ക്കും ഭീ​ഷ​ണി​യാ​യ കാ​ട്ടാ​ന​ക​ളെ തു​ര​ത്താ​ൻ മു​ത്ത​ങ്ങ​യി​ൽ നി​ന്നും ക​ഴി​ഞ്ഞ ദി​വ​സം കു​ങ്കി​യാ​ന​ക​ളെ കൊ​ണ്ടു​വ​ന്നി​രു​ന്നു. കു​ങ്കി​യാ​ന​ക​ൾ ഇ​വ​യെ കാ​ടുക​യ​റ്റി​യാ​ലും വീ​ണ്ടും നാ​ട്ടി​ലി​റ​ങ്ങു​ന്ന​തും പ​തി​വാ​ണ്.

ക​ട​ച്ചി​ക്കു​ന്ന്, പാ​ട്ട​വ​യ​ൽ പ്ര​ദേ​ശ​ങ്ങ​ളി​ൽ ര​ണ്ടു​മാ​സ​ത്തോ​ള​മാ​യി കാ​ട്ടാ​ന​ക്കൂ​ട്ട​ങ്ങ​ളു​ടെ ശ​ല്യ​ത്തി​ൽ പൊ​റു​തി​മു​ട്ടു​ക​യാ​ണ് പ്ര​ദേ​ശ​വാ​സി​ക​ൾ.

രാ​പ്പക​ൽ വ്യ​ത്യാ​സ​മി​ല്ലാ​തെ​യാ​ണ് ഇ​വ ജ​ന​വാ​സ​മേ​ഖ​ല​യി​ൽ എ​ത്തു​ന്ന​ത്. രാ​ത്രി​യി​ൽ വീ​ടി​ന് സ​മീ​പം വ​രെ ഇ​വ എ​ത്തു​ന്നു. കാ​ട്ടാ​ന​ക​ൾ ജ​ന​വാ​സ മേ​ഖ​ല​യി​ൽ ഇ​റ​ങ്ങു​ന്ന​ത് ത​ട​യാ​ൻ ഫ​ല​പ്ര​ദ​മാ​യി ന​ട​പ​ടി വ​നം​വ​കു​പ്പ് അ​ടി​യ​ന്ത​ര​മാ​യി സ്വീ​ക​രി​ക്ക​ണ​മെ​ന്ന് ആ​വ​ശ്യ​പ്പെ​ട്ട് നാ​ട്ടു​കാ​ർ സ​ർ​വ​ക​ക്ഷി ആ​ക്ഷ​ൻ ക​മ്മി​റ്റി രൂ​പ​വ​ത്ക​രി​ച്ചി​ട്ടു​ണ്ട്.

ക​ഴി​ഞ്ഞ ദി​വ​സം ന​മ്പ്യാ​ർ​കു​ന്ന് അ​യ​നി​പു​ര ആ​ദി​വാ​സി കോ​ള​നി​യി​ലെ ഭാ​സ്ക​ൻ, കാ​ട്ടാ​ന ആ​ക്ര​മ​ണ​ത്തി​ൽ കൊ​ല്ല​​പ്പെ​ട്ടി​രു​ന്നു. ബു​ധ​നാ​ഴ്ച രാ​ത്രി സാ​ധ​ന​ങ്ങ​ൾ വാ​ങ്ങി വീ​ട്ടി​ലേ​ക്ക് മ​ട​ങ്ങു​മ്പോ​ഴാ​ണ് കാ​ട്ടാ​ന​യു​ടെ മു​ന്നി​ൽ അ​ക​പ്പെ​ട്ട​ത്.

മു​ത്ത​ങ്ങ​യി​ലും പ​രി​സ​ര പ്ര​ദേ​ശ​ങ്ങ​ളി​ലും ആ​ന​ശ​ല്യം രൂ​ക്ഷ​മാ​ണ്. ഒ​രാ​ഴ്ച മു​മ്പ് താ​ളം​ക​ണ്ടി​യി​ൽ ആ​ന​യി​റ​ങ്ങി മു​സ്ത​ഫ​യു​ടെ തെ​ങ്ങി​ൻ​​തൈ​ക​ൾ ന​ശി​പ്പി​ച്ചി​രു​ന്നു. വ്യാ​ഴാ​ഴ്ച പു​ല​ർ​ച്ച മു​ത്ത​ങ്ങ അ​ങ്ങാ​ടി​യി​ൽ ആ​ന​യി​റ​ങ്ങി​യി​രു​ന്നു. പി​ന്നീ​ട് നാ​ട്ടു​കാ​ർ ബ​ഹ​ളം​വെ​ച്ച് ഓ​ടി​ക്കു​ക​യാ​യി​രു​ന്നു.