വയനാട്ടിൽ മണ്ണെടുപ്പും നിലം നികത്തലും വ്യാപകമാകുന്നു

ക​ൽ​പ​റ്റ: വ​യ​നാ​ട്ടി​ൽ മ​ണ്ണെ​ടു​പ്പും നി​ലം നി​ക​ത്ത​ലും വ്യാ​പ​ക​മാ​കു​ന്നു. ഏ​ക്ക​റു​ ക​ണ​ക്കി​ന് ച​തു​പ്പ് നി​ല​മാ​ണ് ജി​ല്ല​യി​ൽ നി​ക​ത്തി​ക്കൊ​ണ്ടി​രി​ക്കു​ന്ന​ത്. മ​ണ്ണെ​ടു​ക്കു​ന്ന​തും വ്യാ​പ​ക​മാ​ണ്. തൊ​ണ്ട​ർ​നാ​ട് പ​ഞ്ചാ​യ​ത്തി​ലെ നി​ര​വി​ൽ​പു​ഴ മ​ട്ടി​ല​യം വാ​ള​ന്തോ​ട് പ്ര​ദേ​ശ​ങ്ങ​ളി​ൽ വീ​ട് നി​ർ​മാ​ണ​ത്തി​ന് എ​ന്ന പേ​രി​ൽ അ​നു​മ​തി സ​മ്പാ​ദി​ച്ച് കു​ന്നി​ടി​ച്ച് മ​ണ്ണ് നീ​ക്കു​ക​യും നീ​ർ​ത്ത​ട​ങ്ങ​ൾ നി​ക​ത്തു​ക​യും ചെ​യ്യു​ന്നു​ണ്ട്. അ​തീ​വ പ​രി​സ്ഥി​തി പ്രാ​ധാ​ന്യ​മു​ള്ള ബ്ര​ഹ്മ​ഗി​രി മ​ല​നി​ര​യു​ടെ താ​ഴ്വാ​ര​മാ​യ തൊ​ണ്ട​ർ​നാ​ട് വി​ല്ലേ​ജി​ലെ വാ​ള​ന്തോ​ട് പ്ര​ദേ​ശ​ത്ത് 2006ലെ ഉ​രു​ൾ​പൊ​ട്ട​ലി​ൽ ഒ​രു കു​ടും​ബ​ത്തി​ലെ നാ​ലു​പേ​ർ മ​രി​ച്ചി​രു​ന്നു. ഇ​തേതു​ട​ർ​ന്ന് പ​തി​നാ​ലോ​ളം കു​ടും​ബ​ങ്ങ​ളെ​യാ​ണ് സ​ർ​ക്കാ​ർ മ​റ്റൊ​രു സ്ഥ​ല​ത്തേ​ക്ക് മാ​റ്റിപ്പാ​ർ​പ്പി​ച്ച​ത്.

ക​ഴി​ഞ്ഞ​ദി​വ​സം തൊ​ട്ട​ടു​ത്ത മ​ട്ടി​ല​യം ചാ​ത്ത​ങ്കൈ പ്ര​ദേ​ശ​ത്തെ കു​ന്നി​ന് മു​ക​ളി​ൽനി​ന്ന് മ​ണ്ണ് നീ​ക്കു​ന്ന​ത് ത​ങ്ങ​ളു​ടെ വീ​ടു​ക​ൾ​ക്ക് ഭീ​ഷ​ണി​യാ​ണെ​ന്ന് പ്ര​ദേ​ശ​വാ​സി​ക​ൾ പ​രാ​തി​പ്പെ​ട്ടി​രു​ന്നു. എ​ന്നാ​ൽ, തൊ​ണ്ട​ർ​നാ​ട് പ​ഞ്ചാ​യ​ത്തി​ൽ ല​ക്ഷ​ങ്ങ​ൾ മു​ട​ക്കി​യാ​ണ് വീ​ടു​നി​ർ​മാ​ണ​ത്തി​നു​ള്ള അ​നു​മ​തി സ​മ്പാ​ദി​ച്ച​തെ​ന്നും പ്ര​ദേ​ശ​വാ​സി​ക​ൾ മ​ണ്ണ് കൊ​ണ്ടു​പോ​വു​ന്ന ടി​പ്പ​റു​ക​ൾ ത​ട​യു​ക​യാ​ണെ​ന്നും ചൂ​ണ്ടി​ക്കാ​ട്ടി കോ​ഴി​ക്കോ​ട് സ്വ​ദേ​ശി​യാ​യ സ്ഥ​ല​മു​ട​മ പൊ​ലീ​സി​ൽ പ​രാ​തി ന​ൽ​കി. ഇ​തേതു​ട​ർ​ന്ന് പ​രാ​തി പ​റ​ഞ്ഞ പ്ര​ദേ​ശ​വാ​സി​ക​ളെ പൊ​ലീ​സ് സ്റ്റേ​ഷ​നി​ൽ വി​ളി​ച്ചു വ​രു​ത്തി വാ​ഹ​നം ത​ട​യി​ല്ലെ​ന്ന് ഉ​റ​പ്പുവാ​ങ്ങി​ച്ച ശേ​ഷ​മാ​ണ് വി​ട്ട​യ​ച്ച​തെ​ന്ന് പ​റ​യ​പ്പെ​ടു​ന്നു. നി​ര​വി​ൽ​പു​ഴ​യി​ലെ പു​ഴ​യു​ടെ ഉ​ത്ഭ​വ​സ്ഥാ​ന​ത്ത് ഏ​ക്ക​റു​ക​ണ​ക്കി​ന് ച​തു​പ്പ് നി​ല​മാ​ണ് നി​ക​ത്തി​ക്കൊ​ണ്ടി​രി​ക്കു​ന്ന​ത്.

ആ​ന​ത്താ​ര​യാ​യ ഈ ​പ്ര​ദേ​ശ​ത്ത് വ​ന​ത്തോ​ട് ചേ​ർ​ന്ന വ​ൻ​കി​ട നി​ർ​മാ​ണ​ങ്ങ​ളും ന​ട​ക്കു​ന്നു​ണ്ട്. ഇ​ത​ര ജി​ല്ല​യി​ൽ നി​ന്നു​ള്ള​വ​ർ വ​യ​നാ​ട്ടി​ലെ​ത്തി ഭൂ​മി വാ​ങ്ങി​ക്കൂ​ട്ടു​ന്ന​ത് അ​ടു​ത്തി​ടെ വ്യാ​പ​ക​മാ​യി​ട്ടു​ണ്ട്. വ​ൻ​കി​ട​ക്കാ​ർ വീ​ടി​നും മ​റ്റും അ​നു​മ​തി നേ​ടി വ​ന​വും വ​യ​ലും നീ​ർ​ത്ത​ട​ങ്ങ​ളും സ്വാ​ഭാ​വി​ക ആ​വാ​സ​വ്യ​വ​സ്ഥ​യും ത​ക​ർ​ക്കു​ന്ന രീ​തി​യി​ൽ നി​ർ​മാ​ണ​ങ്ങ​ൾ ന​ട​ത്തു​ന്ന​താ​യി നാ​ട്ടു​കാ​ർ ആ​രോ​പി​ക്കു​ന്നു. സ​ർ​ക്കാ​ർ വ​കു​പ്പു​ക​ളെ​യും രാ​ഷ്ട്രീ​യ പാ​ർ​ട്ടി​ക​ളെ​യു​മ​ട​ക്കം സ്വാ​ധീ​നി​ച്ച് ഇ​ത്ത​രം പ്ര​വ​ർ​ത്തി​ക​ൾ​ക്ക​നു​കൂ​ല​മാ​കു​ന്ന സാ​ഹ​ച​ര്യ​മാ​ണു​ള്ള​ത്. ഇ​ത്ത​ര​ത്തി​ൽ കു​ന്നി​ടി​ക്ക​ലും ച​തു​പ്പ് നിക​ത്ത​ലും തു​ട​രു​ക​യാ​ണെ​ങ്കി​ൽ ഉ​രു​ൾ​പൊ​ട്ട​ലും വ​ര​ൾ​ച്ച​യും മൂ​ലം ജ​ന​ജീ​വി​തം ദു​സ്സഹ​മാ​വു​മെ​ന്നാ​ണ് പ​രി​സ്ഥി​തി പ്ര​വ​ർ​ത്ത​ക​ർ പ​റ​യു​ന്ന​ത്.