കൈനാട്ടി ജനറല്‍ ആശുപത്രിയില്‍ സായാഹ്ന ഒ.പി തുടങ്ങുന്നു

ക​ല്‍പ​റ്റ: കൈ​നാ​ട്ടി ജ​ന​റ​ല്‍ ആ​ശു​പ​ത്രി​യി​ല്‍ സാ​യാ​ഹ്ന ഒ.​പി തു​ട​ങ്ങാ​ന്‍ ന​ഗ​ര​സ​ഭ തീ​രു​മാ​നി​ച്ചു. രോ​ഗി​ക​ളു​ടെ ബാ​ഹു​ല്യ​വും അ​ത്യാ​ഹി​ത വി​ഭാ​ഗ​ത്തി​ലെ തി​ര​ക്കും പ​രി​ഗ​ണി​ച്ചാ​ണ് ഒ.​പി സൗ​ക​ര്യം വി​പു​ലീ​ക​രി​ക്കാ​ന്‍ തീ​രു​മാ​നി​ച്ച​ത്.

രോ​ഗി​ക​ളു​ടെ രാ​വി​ലെ​യു​ള്ള തി​ര​ക്കൊ​ഴി​വാ​ക്കാ​ൻ ഉ​ച്ച​ക്ക് ശേ​ഷ​വും ഡോ​ക്ട​റു​ടെ സേ​വ​ന​വും മ​റ്റ് സൗ​ക​ര്യ​ങ്ങ​ളും രോ​ഗി​ക​ള്‍ക്ക് ഉ​റ​പ്പാ​ക്കു​ക​യും ചെ​യ്യും. ഇ​തോ​ടെ വൈ​കു​ന്നേ​ര​ങ്ങ​ളി​ലും ജ​ന​ങ്ങ​ള്‍ക്ക് മ​തി​യാ​യ ചി​കി​ത്സ സൗ​ക​ര്യം ല​ഭ്യ​മാ​ക്കു​ക​യാ​ണ് ല​ക്ഷ്യം.

നി​ല​വി​ല്‍ രാ​വി​ലെ എ​ട്ട് മ​ണി മു​ത​ല്‍ ഒ​രു മ​ണി വ​രെ​യാ​ണ് ജ​ന​റ​ല്‍ ഒ.​പി പ്ര​വ​ര്‍ത്തി​ക്കു​ന്ന​ത്. അ​ത്യാ​ഹി​ത വി​ഭാ​ഗ​ത്തി​ലെ ഡോ​ക്ട​ര്‍മാ​രു​ടെ സേ​വ​നം പൂ​ർ​ണ​സ​മ​യ​വും ല​ഭി​ക്കു​ന്നു​ണ്ട്. 1,300 ഓ​ളം പേ​രാ​ണ് ഒ​രു ദി​വ​സം കൈ​നാ​ട്ടി ആ​ശു​ത്രി​യി​ല്‍ രോ​ഗി​ക​ളാ​യെ​ത്തു​ന്ന​ത്. ജ​ന​റ​ല്‍ ഒ.​പി​യി​ല്‍ ഡോ​ക്ട​റു​ടെ സേ​വ​നം ഉ​ച്ച​വ​രെ​യു​ള്ള​ത് കാ​ര​ണം വ​ലി​യ തി​ര​ക്കാ​ണ് നി​ല​വി​ല്‍ അ​നു​ഭ​വ​പ്പെ​ടാ​റു​ള്ള​ത്.

ഉ​ച്ച​ക്ക് ശേ​ഷം ഒ.​പി ഇ​ല്ലാ​ത്ത​തി​നാ​ല്‍ നി​സ്സാ​ര രോ​ഗ​ങ്ങ​ള്‍ക്കും ഡോ​ക്ട​റെ കാ​ണാ​നാ​യി അ​ത്യാ​ഹി​ത വി​ഭാ​ഗ​ത്തെ​യാ​ണ് ഇ​പ്പോ​ള്‍ സ​മീ​പി​ക്കു​ന്ന​ത്. ഇ​ത് ഗു​രു​ത​രാ​വ​സ്ഥ​യി​ലു​ള്ള രോ​ഗി​ക​ൾ​ക്ക് തൃ​പ്തി​ക​ര​മാ​യ സേ​വ​നം ന​ല്‍കാ​ന്‍ ക​ഴി​യാ​ത്ത അ​വ​സ്ഥ​യു​ണ്ടാ​ക്കു​ന്നു. ഇ​തി​ന് പ​രി​ഹാ​ര​മാ​യാ​ണ് വൈ​കു​ന്നേ​ര​ങ്ങ​ളി​ലും ഡോ​ക്ട​റു​ടെ സേ​വ​നം ഉ​റ​പ്പാ​ക്കി സാ​യാ​ഹ്ന ഒ.​പി ​തു​ട​ങ്ങാ​ന്‍ തീ​രു​മാ​നി​ച്ച​ത്.

തോ​ട്ടം തൊ​ഴി​ലാ​ളി​ക​ള്‍, ക​ര്‍ഷ​ക​ര്‍, കൂ​ലിപ​ണി​ക്കാ​ര്‍, മ​റ്റ് വി​വി​ധ മേ​ഖ​ല​യി​ലെ ജീ​വ​ന​ക്കാ​ര്‍ക്കും ജോ​ലി​ക്ക് ശേ​ഷം വൈ​കു​ന്നേ​ര​ങ്ങ​ളി​ല്‍ ജ​ന​റ​ല്‍ ഒ.​പി.​യി​ല്‍ നി​ന്ന് ഡോ​ക്ട​റെ കാ​ണാ​നാ​വും. സാ​യാ​ഹ്ന ഒ.​പി​യി​ലേ​ക്ക് ആ​വ​ശ്യ​മാ​യ ഡോ​ക്ട​ര്‍, സ്റ്റാ​ഫ് ന​ഴ്‌​സ്, ഫാ​ര്‍മ​സി​സ്റ്റ്, അ​സി​സ്റ്റ​ന്റ് തു​ട​ങ്ങി​യ ജീ​വ​ന​ക്കാ​രു​ടെ സേ​വ​നം ഉ​റ​പ്പാ​ക്കാ​നാ​യു​ള്ള ന​ട​പ​ടി​ക​ള്‍ പൂ​ര്‍ത്തി​യാ​യി. മ​റ്റ് അ​ടി​സ്ഥാ​ന സൗ​ക​ര്യ​ങ്ങ​ളും ക്ര​മീ​ക​രി​ച്ച് ഉ​ട​നെ സാ​യാ​ഹ്ന ഒ.​പി തു​റ​ക്കാ​നാ​ണ് ന​ഗ​ര​സ​ഭ ആ​ലോ​ചി​ക്കു​ന്ന​ത്.

10 ല​ക്ഷം രൂ​പ​യാ​ണ് പ​ദ്ധ​തി വി​ഹി​ത​ത്തി​ല്‍നി​ന്ന് സാ​യാ​ഹ്‌​ന ഒ.​പി.​ക്കാ​യി ചെ​ല​വ​ഴി​ക്കു​ന്ന​ത്. തി​ര​ക്കി​ല്ലാ​തെ രോ​ഗി​ക​ള്‍ക്ക് വേ​ഗ​ത്തി​ല്‍ ചി​കി​ത്സ​യും മ​റ്റ് സൗ​ക​ര്യ​ങ്ങ​ളും ഉ​റ​പ്പാ​ക്കു​ക​യും വൈ​കു​ന്നേ​ര​ങ്ങ​ളി​ലും ആ​ശു​പ​ത്രി​യി​ലെ​ത്തി ഡോ​ക്ട​റെ കാ​ണാ​നു​ള്ള സൗ​ക​ര്യം ഒ​രു​ക്കു​ക​യാ​ണ് ല​ക്ഷ്യ​മെ​ന്നും അ​ടി​സ്ഥാ​ന സൗ​ക​ര്യ വി​ക​സ​ന​ത്തി​നാ​യി കൂ​ടു​ത​ല്‍ തു​ക അ​നു​വ​ദി​ക്കു​മെ​ന്നും ജൂ​ലൈ ഒ​ന്നു​മു​ത​ൽ സാ​യാ​ഹ്ന ഒ.​പി.ക്ക് തു​ട​ക്ക​മാ​വു​മെ​ന്നും മു​നി​സി​പ്പ​ല്‍ ചെ​യ​ര്‍മാ​ന്‍ കേ​യം​തൊ​ടി മു​ജീ​ബ് പ​റ​ഞ്ഞു.