അ​ച്ച​ട​ക്ക ന​ട​പ​ടി; ഡി.​സി.​സി പ്ര​സി​ഡ​ന്റി​നെ​തി​രേ വി​ക​സ​നകാ​ര്യ സ്ഥിര സമിതി അധ്യക്ഷ

ക​ല്‍പ​റ്റ: മു​ട്ടി​ല്‍ പ​ഞ്ചാ​യ​ത്ത് പ്ര​സി​ഡ​ന്റ് തെ​ര​ഞ്ഞെ​ടു​പ്പി​ല്‍ വോ​ട്ട് അ​സാ​ധു​വാ​യ​തി​ന്റെ പേ​രി​ല്‍ ത​ന്നെ പാ​ര്‍ട്ടി​യി​ല്‍നി​ന്ന് ആ​റു വ​ര്‍ഷ​ത്തേ​ക്കു സ​സ്‌​പെ​ന്‍ഡ് ചെ​യ്ത ഡി.​സി.​സി പ്ര​സി​ഡ​ന്റി​ന്റെ ന​ട​പ​ടി ഇ​ര​ട്ട​ത്താ​പ്പാ​ണെ​ന്ന് മു​ട്ടി​ല്‍ പ​ഞ്ചാ​യ​ത്ത് വി​ക​സ​ന കാ​ര്യ സ്റ്റാ​ന്‍ഡി​ങ് ക​മ്മി​റ്റി ചെ​യ​ര്‍പേ​ഴ്‌​സ​ൻ നി​ഷ സു​ധാ​ക​ര​ന്‍ വാ​ര്‍ത്ത​സ​മ്മേ​ള​ന​ത്തി​ല്‍ ആ​രോ​പി​ച്ചു.

ജൂ​ലൈ 26ന് ​ന​ട​ന്ന പ​ഞ്ചാ​യ​ത്ത് പ്ര​സി​ഡ​ന്റ് തെ​ര​ഞ്ഞെ​ടു​പ്പി​ല്‍ പാ​ര്‍ട്ടി വി​പ്പ് ലം​ഘി​ച്ച് കോ​ണ്‍ഗ്ര​സ് സ്ഥാ​നാ​ര്‍ഥി ശ്രീ​ദേ​വി ബാ​ബു​വി​ന് വോ​ട്ട് ചെ​യ്തി​ല്ലെ​ന്ന് പ​റ​ഞ്ഞാ​ണ് അ​ച്ച​ട​ക്ക ന​ട​പ​ടി സ്വീ​ക​രി​ച്ച​ത്. തെ​ര​ഞ്ഞെ​ടു​പ്പി​ല്‍ കോ​ണ്‍ഗ്ര​സ് സ്ഥാ​നാ​ര്‍ഥി​ക്കാ​ണ് വോ​ട്ട് ചെ​യ്ത​ത്. ബാ​ല​റ്റ് പേ​പ്പ​റി​ല്‍ പേ​ര് എ​ഴു​തി​യെ​ങ്കി​ലും ഒ​പ്പി​ടാ​തെ പെ​ട്ടി​യി​ല്‍ നി​ക്ഷേ​പി​ച്ച​താ​ണ് വോ​ട്ട് അ​സാ​ധു​വാ​കാ​ന്‍ കാ​ര​ണ​മാ​യ​ത്. ബോ​ധ​പൂ​ര്‍വം വ​രു​ത്തി​യ പി​ഴ​വ​ല്ല.

ഇ​തേ തെ​ര​ഞ്ഞെ​ടു​പ്പി​ല്‍ പേ​ര് തെ​റ്റി​ച്ചെ​ഴു​തി​യ കോ​ണ്‍ഗ്ര​സ് അം​ഗം കെ.​എ​സ്. സ്‌​ക​റി​യ​യു​ടെ വോ​ട്ടും അ​സാ​ധു​വാ​യി​രു​ന്നു. എ​ന്നാ​ല്‍, സ്‌​ക​റി​യ​യ്‌​ക്കെ​തി​രേ പാ​ര്‍ട്ടി ന​ട​പ​ടി ഉ​ണ്ടാ​യി​ല്ല. ത​ന്നെ പാ​ര്‍ട്ടി​യി​ല്‍നി​ന്നു സ​സ്‌​പെ​ന്‍ഡ് ചെ​യ്ത​താ​യി ഡി.​സി.​സി പ്ര​സി​ഡ​ന്റ് അ​റി​യി​ച്ചി​ട്ടി​ല്ല. മാ​ധ്യ​മ​ങ്ങ​ള്‍ മു​ഖേ​ന​യാ​ണ് സ​സ്‌​പെ​ന്‍ഷ​ന്‍ വി​വ​രം അ​റി​ഞ്ഞ​തെ​ന്നും ഇ​വ​ർ പ​റ​ഞ്ഞു.

പ​ഞ്ചാ​യ​ത്ത് തെ​ര​ഞ്ഞെ​ടു​പ്പി​ല്‍ ത​ന്നെ പ​രാ​ജ​യ​പ്പെ​ടു​ത്താ​ന്‍ പാ​ര്‍ട്ടി​യി​ലെ ഒ​രു വി​ഭാ​ഗം ശ്ര​മി​ച്ചു. മ​ഹി​ള കോ​ണ്‍ഗ്ര​സ് നേ​താ​ക്ക​ളി​ല്‍ ഒ​രാ​ള്‍ വീ​ടു​ക​ള്‍ ക​യ​റി​യി​റ​ങ്ങി ത​നി​ക്കെ​തി​രേ പ്ര​ചാ​ര​ണം ന​ട​ത്തി.

എ​ങ്കി​ലും മെ​ച്ച​പ്പെ​ട്ട ഭൂ​രി​പ​ക്ഷ​ത്തി​ന് വി​ജ​യി​ച്ചു. തെ​ര​ഞ്ഞെ​ടു​പ്പി​ല്‍ എ​തി​ര്‍ പ്ര​ചാ​ര​ണം ന​ട​ത്തി​യ​തി​ന് മ​ഹി​ള കോ​ണ്‍ഗ്ര​സ് നേ​താ​വി​നെ​തി​രേ യു.​ഡി.​എ​ഫ് വാ​ര്‍ഡ് ചെ​യ​ര്‍മാ​നും ക​ണ്‍വീ​ന​റും ഉ​ള്‍പ്പെ​ടെ 25 പേ​ര്‍ ഒ​പ്പി​ട്ട പ​രാ​തി ഡി.​സി.​സി പ്ര​സി​ഡ​ന്റി​ന് ന​ല്‍കി​യി​രു​ന്നു.

ഈ ​പ​രാ​തി​യി​ല്‍ ഇ​തു​വ​രെ ന​ട​പ​ടി ഉ​ണ്ടാ​യി​ല്ല. ഹി​ന്ദു ഈ​ഴ​വ വി​ഭാ​ഗ​ത്തി​ല്‍പ്പെ​ട്ട ത​ന്നെ ഒ​റ്റ​പ്പെ​ടു​ത്താ​നും ഒ​തു​ക്കാ​നും മു​ട്ടി​ല്‍ മ​ണ്ഡ​ല​ത്തി​ലെ കോ​ണ്‍ഗ്ര​സ് നേ​താ​ക്ക​ളി​ല്‍ ചി​ല​ര്‍ മു​മ്പേ ശ്ര​മി​ച്ചി​രു​ന്നു. പാ​ര്‍ട്ടി​യി​ല്‍ ഒ​റ്റ​പ്പെ​ടു​ത്തു​ന്ന​തി​നും അ​നാ​വ​ശ്യ അ​ച്ച​ട​ക്ക ന​ട​പ​ടി​ക്കു​മെ​തി​രേ കെ.​പി.​സി.​സി പ്ര​സി​ഡ​ന്റി​ന് പ​രാ​തി ന​ല്‍കി​യ​താ​യും നി​ഷ സു​ധാ​ക​ര​ന്‍ പ​റ​ഞ്ഞു.