വികസനം അകലെ; ദുരിതങ്ങളുടെ പടുകുഴിയിൽ മുത്താരിക്കുന്ന് കോളനിക്കാർ

പൊ​ഴു​ത​ന: വാ​സ​യോ​ഗ്യ​മാ​യ വീ​ടു​ക​ളി​ല്ലാ​തെ അ​ധി​കൃ​ത​രു​ടെ അ​വ​ഗ​ണ​ന​യി​ലാ​ണ് മു​ത്ത​രി​ക്കു​ന്ന് കോ​ള​നി​യി​ൽ താ​മ​സി​ക്കു​ന്ന​വ​ർ. പൊ​ഴു​ത​ന പ​ഞ്ചാ​യ​ത്തി​ലെ ആ​റാം വാ​ർ​ഡി​ലു​ള്ള മു​ത്താ​രി​ക്കു​ന്ന് കോ​ള​നി​യി​ൽ പ​തി​റ്റാ​ണ്ടു​കാ​ല​മാ​യി വി​ക​സ​നം ഒ​ച്ചി​ഴ​യു​ന്ന വേ​ഗ​ത്തി​ലാ​ണ്. ആ​നോ​ത്ത് പു​ഴ​ക്ക് സ​മീ​പ​ത്തും കു​ന്നി​ൻ ചെ​രു​വി​ലു​മാ​യി പ​ത്തോ​ളം കു​ടും​ബ​ങ്ങ​ളാ​ണ് ഇ​വി​ടെ താ​മ​സി​ക്കു​ന്ന​ത്. താ​മ​സി​ച്ചു​വ​രു​ന്ന സ്ഥ​ല​ത്തി​ന്റെ അ​വ​കാ​ശി​ക​ളെ​ന്ന് തെ​ളി​യി​ക്കാ​നാ​കാ​തെ പ​തി​റ്റാ​ണ്ടു​ക​ളാ​യി ദു​രി​ത​ത്തി​ലാ​ണി​വ​ർ. ലൈ​ഫ്‌ ഭ​വ​ന പ​ദ്ധ​തി അ​ട​ക്ക​മു​ള്ള​വ​യി​ൽ അ​പേ​ക്ഷ ന​ൽ​കി​യി​ട്ടും പു​തി​യ വീ​ടു​ക​ൾ ആ​ർ​ക്കും ല​ഭി​ച്ചി​ട്ടി​ല്ല. കാ​ല​ഹ​ര​ണ​പ്പെ​ട്ട വീ​ടു​ക​ളി​ൽ ചോ​ർ​ച്ച​യും അ​ടി​സ്ഥാ​ന സൗ​ക​ര്യ​വു​മി​ല്ലാ​തെ ദു​രി​ത​ത്തി​ലാ​ണ് ഇ​വി​ടെ​യു​ള്ള പ​ണി​യ വി​ഭാ​ഗ​ത്തി​ലു​ള്ള കു​ടും​ബ​ങ്ങ​ൾ ക​ഴി​ഞ്ഞു​കൂ​ടു​ന്ന​ത്. ക​ഴി​ഞ്ഞ പ​ത്തു വ​ർ​ഷ​ത്തി​നി​ടെ ചു​രു​ക്കം ചി​ല കു​ടും​ബ​ങ്ങ​ൾ​ക്ക് മാ​ത്ര​മാ​ണ് വീ​ടു ല​ഭി​ച്ചി​ട്ടു​ള്ള​ത്.

പ​ല​ർ​ക്കും മൂ​ന്നു സെ​ന്റി​ൽ താ​ഴെ​യാ​ണ് ഭൂ​മി​യു​ള്ള​ത്. കു​ടി​വെ​ള്ളം, ശൗചാലയം എ​ന്നി​വ​യു​ടെ അ​പ​ര്യാ​പ്ത​ത​യും ഇ​വി​ടെ​യു​ണ്ട്. അ​തി​നാ​ൽ ത​ന്നെ ഇ​വി​ടെ​യു​ള്ള പ​ല​രും ബ​ന്ധു​വീ​ടു​ക​ളി​ലാ​ണ് മി​ക്ക ദി​വ​സ​ങ്ങ​ളി​ലും ക​ഴി​യു​ന്ന​ത്. മ​ഴ​ക്കാ​ല​ത്തും വേ​ന​ലി​ലും ഒ​രു പോ​ലെ ദു​രി​ത​ത്തി​ൽ ക​ഴി​യു​ന്ന മു​ത്താ​രി​കു​ന്നി​ൽ വി​ക​സ​നം ആ​വ​ശ്യ​മാ​ണ്.

2017 വ​ര​ൾ​ച്ച ദു​രി​താ​ശ്വാ​സ പ്ര​വ​ർ​ത്ത​ന​ങ്ങ​ളു​ടെ ഭാ​ഗ​മാ​യി സ്ഥാ​പി​ച്ച കു​ടി​വെ​ള്ള ടാ​ങ്കു​ക​ളും നോ​ക്കു​കു​ത്തി​യാ​ണ്. പൊ​ഴു​ത​ന പ​ഞ്ചാ​യ​ത്തി​ലു​ള്ള മ​റ്റു കോ​ള​നി​ക​ളു​ടെ​യും അ​വ​സ്ഥ ഇ​തു​ത​ന്നെ. വീ​ട്, കു​ടി​വെ​ള്ളം എ​ന്നി​വ​യാ​ണ് മു​ഖ്യ പ്ര​ശ്നം. പ​ട്ട​യ​മോ മ​റ്റു രേ​ഖ​ക​ളോ ഇ​ല്ലാ​തെ ക​ഴി​യു​ന്ന സാ​ഹ​ച​ര്യം പ​ല​ർ​ക്കു​മു​ണ്ട്. അ​ടി​സ്ഥാ​ന സൗ​ക​ര്യ​ങ്ങ​ൾ വ​ർ​ധി​പ്പി​ക്കു​ന്ന​തി​ന് അ​ധി​കൃ​ത​ർ​ക്ക് മു​മ്പാ​കെ അ​റി​യി​ച്ചി​ട്ടും ന​ട​പ​ടി​യു​ണ്ടാ​കാ​തെ കോ​ള​നി നി​വാ​സി​ക​ളെ അ​വ​ഗ​ണി​ക്കു​ക​യാ​ണെ​ന്ന ആ​ക്ഷേ​പ​മു​യ​ർ​ന്നി​ട്ട് ഏ​റെ നാ​ളാ​യി.