ജലം കൊണ്ട് മു​റി​വേ​റ്റ് ദ​ക്ഷ നാ​ലു​നാ​ൾ

ക​ൽ​പ​റ്റ: പ്രാ​ർ​ഥ​ന​ക​ൾ വി​ഫ​ല​മാ​യി നാ​ലാംനാ​ൾ പു​ഴ​യി​ൽ​നി​ന്ന് അ​ഞ്ചു​വ​യ​സ്സുകാ​രി​യു​ടെ മൃ​ത​ദേ​ഹം ക​ണ്ടെ​ത്തി​യ​ത് നാ​ടി​ന്റെ തീ​രാ നൊ​മ്പ​ര​മാ​യി. കു​ട്ടി വീ​ണ സ്ഥ​ല​ത്തു​നി​ന്ന് ര​ണ്ടു കി​ലോ മീ​റ്റ​ർ ദൂ​ര​ത്തി​ലാ​ണ് ഞാ​യ​റാ​ഴ്ച രാ​വി​ലെ മൃ​ത​ദേ​ഹം പൊ​ന്തി​യ​നി​ല​യി​ൽ ജീ​വ​ൻ ര​ക്ഷാ​സ​മി​തി അം​ഗ​ങ്ങ​ൾ ക​ണ്ടെ​ത്തു​ന്ന​ത്.

അ​മ്മ​യെ​ടു​ത്ത് വെ​ണ്ണി​യോ​ട് പാ​ത്തി​ക്ക​ൽ പാ​ല​ത്തി​ൽ നി​ന്നും പു​ഴ​യി​ൽ ചാ​ടി​യ ഓം​പ്ര​കാ​ശി​ന്റെ മ​ക​ൾ ദ​ക്ഷ​ക്കാ​യി വ്യാ​ഴാ​ഴ്ച ഉ​ച്ച മു​ത​ൽ തി​ര​ച്ചി​ൽ തു​ട​ങ്ങി​യ​താ​ണ്.

ആ​ദ്യ മ​ണി​ക്കൂ​റി​ൽ ത​ന്നെ കു​ട്ടി​യെ ക​ണ്ടെ​ത്താ​ൻ ക​ഴി​യാ​തെ​യാ​യ​തോ​ടെ ജീ​വ​നോ​ടെ കി​ട്ടു​മെ​ന്ന പ്ര​തീ​ക്ഷ അ​സ്ത​മി​ച്ചി​രു​ന്നു. എ​ങ്കി​ലും ജീ​വ​നോ​ടെ ക​ണ്ടെ​ത്ത​ണ​മെ​ന്ന പ്രാ​ർ​ഥ​ന​യി​ലാ​യി​രു​ന്നു ഗ്രാ​മം. ശ​നി​യാ​​ഴ്ച പു​ഴ​യി​ൽ എ​ട്ടു കി​ലോ മീ​റ്റ​ർ ദൂ​രം വ​രെ കു​ട്ടി​ക്കാ​യി ര​ക്ഷാ​സം​ഘം തി​ര​ച്ചി​ൽ ന​ട​ത്തി​യി​രു​ന്നു.

മൂ​ന്നു​ദി​വ​സം രാ​ത്രി വ​രെ തി​ര​ച്ചി​ൽ ന​ട​ത്തി​യി​രു​ന്നു. ഇ​രു​ട്ടാ​യ​തോ​ടെ തി​ര​ച്ചി​ൽ ന​ട​ത്താ​ൻ പ്രാ​യോ​ഗി​ക ബു​ദ്ധി​മു​ട്ടു​ക​ളാ​യ​തോ​ടെ നി​ർ​ത്തി​വെ​ക്കു​ക​യാ​യി​രു​ന്നു. ദേ​ശീ​യ ദു​ര​ന്ത നി​വാ​ര​ണ​സേ​ന, ക​മ്പ​ള​ക്കാ​ട് സ്റ്റേ​ഷ​ന്‍ ഇ​ന്‍സ്‌​പെ​ക്ട​ര്‍ കെ.​എ​സ്. അ​ജീ​ഷി​ന്റെ നേ​തൃ​ത്വ​ത്തി​ലു​ള്ള പൊ​ലീ​സ് സം​ഘം, വെ​ണ്ണി​യോ​ട് ഡി​ഫ​ന്‍സ് ടീം, ​പ​ള്‍സ് എ​മ​ര്‍ജ​ന്‍സി ടീം, ​പ​ന​മ​രം സി.​എ​ച്ച് റെ​സ്‌​ക്യൂ ടീം, ​തു​ര്‍ക്കി ജീ​വ​ന്‍ര​ക്ഷാ​സ​മി​തി, ക​ൽ​പ​റ്റ, മാ​ന​ന്ത​വാ​ടി അ​ഗ്നി​ര​ക്ഷാ​സേ​ന എ​ന്നി​വ​ര്‍ സം​യു​ക്ത​മാ​യാ​ണ് തി​ര​ച്ചി​ല്‍ ന​ട​ത്തി​യ​ത്.