കാ​യി​കമേ​ള​ക്കി​​െട​ ക്ല​സ്റ്റ​ർ മീ​റ്റി​ങ്; വി​ദ്യാ​ർ​ഥി​നി​ക്ക് അ​വ​സ​രം ന​ഷ്ട​പ്പെ​ട്ടു

ക​ൽ​പ​റ്റ: അ​ധ്യാ​പ​ക​ർ നി​ർ​ബ​ന്ധി​ത ക്ല​സ്റ്റ​ർ മീ​റ്റി​ങ്ങിന് പോ​യ​തി​നെ തു​ട​ർ​ന്നു ജി​ല്ല കാ​യി​ക മേ​ള​യി​ൽ പ​ങ്കെ​ടു​ക്കേ​ണ്ട വി​ദ്യാ​ർ​ഥി​നി​ക്ക് അ​വ​സ​രം ന​ഷ്ട​പ്പെ​ട്ടു. വി​ദ്യാ​ർ​ഥി​നി​യെ മ​ത്സ​ര​ത്തി​ന് കൊ​ണ്ടു​പോ​കാ​ൻ ആ​രും ഇ​ല്ലാ​ത്ത​തി​നെ തു​ട​ർ​ന്ന് വൈ​ത്തി​രി താ​ലൂ​ക്കി​ലെ ക​മ്പ​ള​ക്കാ​ട് ക​രി​ങ്കു​റ്റി ജി.​വി.​എ​ച്ച്.​എ​സ്.ഇ​യി​ലെ സ​ന്ധ്യ എ​ന്ന വി​ദ്യാ​ർ​ഥി​നി​ക്കാ​ണ് ജി​ല്ല കാ​യി​കമേ​ള​യി​ൽ അ​വ​സ​രം ന​ഷ്ട​പ്പെ​ട്ട​ത്. ഈ ​വി​ദ്യാ​ല​യ​ത്തി​ലെ പ്ര​ധാ​നാ​ധ്യാ​പ​ക​ന​ട​ക്കം മു​ഴു​വ​ൻ അ​ധ്യാ​പ​ക​രും ക്ല​സ്റ്റ​ർ യോ​ഗ​ത്തി​ന് പോ​യ​താ​ണ് കാ​യി​ക​താ​ര​ത്തി​ന് തി​രി​ച്ച​ടി​യാ​യ​ത്. ജി​ല്ല കാ​യി​കമേ​ള ന​ട​ക്കു​മ്പോ​ൾ ത​ന്നെ അ​ധ്യാ​പ​ക​ർ​ക്ക് നി​ർ​ബ​ന്ധി​ത ക്ല​സ്റ്റ​ർ വെ​ച്ച​ത് സം​ബ​ന്ധി​ച്ചു മാ​ധ്യ​മം ക​ഴി​ഞ്ഞ ദി​വ​സം വാ​ർ​ത്ത ന​ൽ​കി​യി​രു​ന്നു.

ജി​ല്ല കാ​യി​ക മേ​ള​ക്കി​ടെ ക്ല​സ്റ്റ​ർ പ​രി​ശീ​ല​നം ന​ട​ത്തു​ന്ന​ത് അ​ധ്യാ​പ​ക​രെ​യും വി​ദ്യാ​ർ​ഥി​ക​ളെ​യും വ​ല​ക്കു​മെ​ന്ന് പ​രാ​തി ഉ​യ​ർ​ന്നി​രു​ന്നു. കാ​യി​കമേ​ള ന​ട​ക്കു​ന്ന ദി​വ​സം ജി​ല്ല​യി​ലെ മു​ഴു​വ​ൻ അ​ധ്യാ​പ​ക​ർ​ക്കും ക്ല​സ്റ്റ​ർ യോ​ഗം ന​ട​ത്തു​ന്ന​തി​നെ​തി​രെ പ​രാ​തി​യു​മാ​യി അ​ധ്യാ​പ​ക​ർ ത​ന്നെ രം​ഗ​ത്തു​വ​ന്നി​രു​ന്നെ​ങ്കി​ലും ആ​ർ​ക്കും ലീ​വ് പോ​ലും അ​നു​വ​ദി​ക്കി​ല്ലെ​ന്നും കാ​യി​ക മേ​ള ഡ്യൂ​ട്ടി​യി​ൽ ഉ​ള്ള​വ​ർ ഉ​ൾ​​െപ്പ​ടെ പ​ങ്കെ​ടു​ക്ക​ണ​മെ​ന്നു​മാ​യി​രു​ന്നു ജി​ല്ല വി​ദ്യാ​ഭ്യാ​സ വ​കു​പ്പി​ന്റെ നി​ർ​ദേ​ശം.

എ​ൽ. പി, ​യു .പി, ​ഹൈ​സ്കൂ​ൾ വി​ഭാ​ഗ​ങ്ങ​ളി​ലെ അ​ധ്യാ​പ​ക​ർ​ക്കാ​ണ് കാ​യി​ക​മേ​ള​യു​ടെ അ​വ​സാ​ന ദി​വ​സ​മാ​യ ശ​നി​യാ​ഴ്ച ക്ല​സ്റ്റ​ർ യോ​ഗ​ങ്ങ​ൾ ഉ​പ​ജി​ല്ല​ത​ല​ത്തി​ൽ ന​ട​ത്തി​യ​ത്. ഈ ​മീ​റ്റി​ങ്ങി​ൽ നി​ന്നും ത​ൽക്കാ​ലം ഒ​രാ​ളെ എ​ങ്കി​ലും ഒ​ഴി​വാ​ക്കി​യി​രു​ന്നു​വെ​ങ്കി​ൽ സ​ന്ധ്യ​ക്ക് കാ​യി​ക​മേ​ള​യി​ൽ പ​ങ്കെ​ടു​ക്കാ​ൻ ക​ഴി​യു​മാ​യി​രു​ന്നു​വെ​ന്ന് ര​ക്ഷി​താ​ക്ക​ൾ പ​റ​യു​ന്നു.

എ​ന്നാ​ൽ ഈ ​വി​ദ്യാ​ർ​ഥി​നി​യെ കാ​യി​ക​മേ​ള​ക്ക് എ​ത്തി​ക്കാ​ൻ ഒ​രു അ​ധ്യാ​പ​ക​ൻ പോ​ലും ഉ​ണ്ടാ​യി​രു​ന്നി​ല്ല. എ​ല്ലാ​വ​രും യോ​ഗ​ത്തി​ൽ ആ​യി​രു​ന്നു എ​ന്നാ​ണ് ഔ​ദ്യോ​ഗി​ക വി​ശ​ദീ​ക​ര​ണം. സ​ന്ധ്യ താ​മ​സി​ക്കു​ന്ന സാ​മൂ​ഹി​ക നീ​തി​വ​കു​പ്പി​ന്റെ ട്രൈ​ബ​ൽ ഹോ​സ്റ്റ​ലി​ൽ ജീ​വ​ന​ക്കാ​ർ ഉ​ണ്ടാ​യി​രു​ന്നെ​ങ്കി​ലും അ​ധ്യാ​പി​ക​ക്ക് ഒ​പ്പം മാ​ത്ര​മേ വി​ടാ​ൻ ക​ഴി​യു​ക​യു​ള്ളൂ എ​ന്ന​തും തി​രി​ച്ച​ടി​യാ​യി.

മ​റ്റ് സം​വി​ധാ​ന​ങ്ങ​ൾ ഒ​രു​ക്കാ​ത്ത​ത് മ​ത്സ​ര​ത്തി​ൽ ഏ​റെ പ്ര​തീ​ക്ഷ ഉ​ണ്ടാ​യി​രു​ന്ന വി​ദ്യാ​ർ​ഥി​യു​ടെ കാ​യി​ക മോ​ഹ​ത്തി​നാണ് തി​രി​ച്ച​ടി​യാ​യ​ത്. വൈ​ത്തി​രി സ​ബ് ജി​ല്ല​യി​ൽ ജൂ​നി​യ​ർ ഗേ​ൾ​സ് ജാ​വ​ലി​ൻ ത്രോ​യി​ൽ മൂ​ന്നാം സ്ഥാ​ന​ക്കാ​രി​യാ​യി​രു​ന്ന സ​ന്ധ്യ. മേ​ള​യി​ൽ പ​ങ്കെ​ടു​ക്കു​ന്ന​തി​ന് എ​ല്ല​വി​ധ ഒ​രു​ക്ക​ങ്ങ​ളു​മാ​യി സ​ന്ധ്യ ശ​നി​യാ​ഴ്ച രാ​വി​ലെ മു​ത​ൽ ഹോ​സ്റ്റ​ലി​ൽ കാ​ത്തി​രു​ന്നെ​ങ്കി​ലും അ​ധ്യാ​പ​ക​ർ എ​ത്താ​താ​യ​തോ​ടെ മോ​ഹം ഉ​പേ​ക്ഷി​ക്കേ​ണ്ടി വ​ന്നു.