വാഗ്​ദാനങ്ങളുമായി സ്ഥാനാർഥികൾ പ്രതീക്ഷയോടെ തോട്ടം തൊഴിലാളികൾ

പൊ​ഴു​ത​ന: നി​യ​മ​സ​ഭ തെ​ര​ഞ്ഞെ​ടു​പ്പ് പ്ര​ചാ​ര​ണം ര​ണ്ടാം​ഘ​ട്ട​ത്തി​ലേ​ക്ക് ക​ട​ന്ന​തോ​ടെ നി​ർ​ണാ​യ​ക മേ​ഖ​ല​ക​ളി​ൽ വോ​ട്ടു​റ​പ്പി​ക്കാ​നു​ള്ള സ്ഥാ​നാ​ർ​ഥി​ക​ളു​ടെ പ​ര​ക്കം​പാ​ച്ചി​ൽ തു​ട​രു​ന്നു.

തോ​ട്ടം മേ​ഖ​ല​യി​ൽ ഇ​ക്കു​റി​യും സ്ഥാ​നാ​ർ​ഥി​ക​ൾ വാ​ഗ്​​ദാ​ന​പ്പെ​രു​മ​ഴ​യാ​ണ്​ ചൊ​രി​യു​ന്ന​ത്. വേ​ത​ന​വ​ർ​ധ​ന, ഭൂ​മി, വീ​ട് തു​ട​ങ്ങി​യ​വ​യൊ​ക്കെ​യാ​ണ്​ പാ​ടി​ക​ളും തൊ​ഴി​ലി​ട​ങ്ങ​ളും സ​ന്ദ​ർ​ശി​ക്കു​ന്ന സ്ഥാ​നാ​ർ​ഥി​ക​ൾ ന​ൽ​കു​ന്ന ഉ​റ​പ്പ്. ക​ഴി​ഞ്ഞ നി​യ​മ​സ​ഭ തെ​ര​ഞ്ഞെ​ടു​പ്പ് കാ​ല​ത്ത് തോ​ട്ടം തൊ​ഴി​ലാ​ളി​ക​ൾ​ക്ക്​ വ​ലി​യ പ്ര​തീ​ക്ഷ​ക​ളാ​ണ് മു​ന്ന​ണി​ക​ൾ ന​ൽ​കി​യ​ത്.

താ​മ​സി​ക്കു​ന്ന പാ​ടി​ക​ൾ​ക്ക് പ​ക​രം ഫ്ലാ​റ്റ്, മി​നി​മം 500 രൂ​പ കൂ​ലി തു​ട​ങ്ങി​യ​വ വാ​ഗ്​​ദാ​നം ചെ​യ്യ​പ്പെ​​ട്ടെ​ങ്കി​ലും ഒ​ന്നും ന​ട​ന്നി​ല്ല. ഇ​തി​നെ​തി​രെ തൊ​ഴി​ലാ​ളി​ക​ൾ​ക്കി​ടി​യി​ൽ പ്ര​തി​ഷേ​ധ​മു​ണ്ട്.

ഇ​ത്ത​വ​ണ പ​രി​ഹാ​ര​മാ​കു​മെ​ന്നാ​ണ്​ സ്ഥാ​നാ​ർ​ഥി​ക​ളു​ടെ​യും പാ​ർ​ട്ടി​ക​ളു​ടെ​യും ഉ​റ​പ്പ്. അ​തേ​സ​മ​യം, കാ​ല​ങ്ങ​ളാ​യി വോ​ട്ട് ന​ൽ​കു​ന്ന ജ​ന​പ്ര​തി​നി​ധി​ക​ളി​ൽ പ​ല​രും ത​ങ്ങ​ളു​​ടെ ദു​ര​വ​സ്ഥ പ​രി​ഹ​രി​ക്കാ​ൻ ശ്ര​മി​ക്കാ​റി​െ​ല്ല​ന്നാ​ണ് തൊ​ഴി​ലാ​ളി​ക​ൾ പ​റ​യു​ന്ന​ത്. രാ​വി​ലെ എ​ട്ടു​മു​ത​ൽ വൈ​കീ​ട്ട് അ​ഞ്ചു​വ​രെ തേ​യി​ല നു​ള്ളി​യാ​ൽ 310 രൂ​പ മാ​ത്ര​മാ​ണ് ല​ഭി​ക്കു​ന്ന​ത്.

ഇ​ടു​ങ്ങി​യ പാ​ടി​മു​റി​ക​ളി​ൽ താ​മ​സി​ക്കു​ന്ന പ​ല​ർ​ക്കും സ്വ​ന്ത​മാ​യി വീ​ടി​ല്ല. ഇ​രു​പ​തും മു​പ്പ​തും വ​ർ​ഷം എ​സ്​​റ്റേ​റ്റി​ൽ ജോ​ലി ചെ​യ്​​ത്​ പി​രി​യു​ന്ന​വ​ർ​ക്കു​ള്ള ഗ്രാ​റ്റ്വി​റ്റി അ​ട​ക്ക​മു​ള്ള ആ​നു​കൂ​ല്യം പോ​ലും ല​ഭി​ക്കാ​ൻ പ്ര​യാ​സ​പ്പെ​ടു​ക​യാ​ണ്. ഇ​ത്ത​രം പ്ര​ശ്​​ന​ങ്ങ​ൾ പ​രി​ഹ​രി​ക്കാ​ൻ ക​ഴി​വു​ള്ള​വ​രാ​ണ് വി​ജ​യി​ക്കേ​ണ്ട​തെ​ന്ന് തൊ​ഴി​ലാ​ളി​ക​ൾ പ​റ​യു​ന്നു.

ജി​ല്ല​യി​ലെ ഏ​റെ നി​ർ​ണാ​യ​ക​മാ​യ തോ​ട്ടം മേ​ഖ​ല​ക​ളാ​ണ്​ മേ​പ്പാ​ടി, പൊ​ഴു​ത​ന, വൈ​ത്തി​രി, ക​ൽ​പ​റ്റ, അ​ര​പ്പ​റ്റ പ്ര​ദേ​ശ​ങ്ങ​ൾ. ക​ൽ​പ​റ്റ മ​ണ്ഡ​ല​ത്തി​ൽ മാ​ത്രം ആ​യി​ര​ത്തോ​ളം തോ​ട്ടം തൊ​ഴി​ലാ​ളി കു​ടും​ബ​ങ്ങ​ളാ​ണ് താ​മ​സി​ക്കു​ന്ന​ത്.

വ​ൻ​കി​ട എ​സ്​​റ്റേ​റ്റു​ക​ളാ​യ ഹാ​രി​സ​ൺ, പോ​ഡാ​ർ, പീ.​വീ​സ്, എ.​വി.​ടി എ​ന്നീ ക​മ്പ​നി​ക​ൾ​ക്ക് കീ​ഴി​ലാ​ണ് ഇ​വ​ർ തൊ​ഴി​ലെ​ടു​ക്ക​ന്ന​ത്.