തെ​റ്റാ​യ സാ​മ്പ​ത്തി​ക ന​യ​ത്തി​ലൂ​ടെ കേ​ന്ദ്രം കേ​ര​ള​ത്തെ വേ​ട്ട​യാ​ടു​ന്നു -എം.​വി. ഗോ​വി​ന്ദ​ൻ

മാ​ന​ന്ത​വാ​ടി: വ​ർ​ഗീ​യ​ത​യെ​യും കേ​ന്ദ്ര സ​ർ​ക്കാ​റി​ന്‍റെ തെ​റ്റാ​യ സാ​മ്പ​ത്തി​ക ന​യ​ത്തെ​യും പ്ര​തി​രോ​ധി​ക്കാ​നു​ള്ള മ​ന​സ്സ് രൂ​പ​പ്പെ​ടു​ത്താ​നാ​ണ് ജ​ന​കീ​യ പ്ര​തി​രോ​ധ യാ​ത്ര ന​ട​ത്തു​ന്ന​തെ​ന്ന് സി.​പി.​എം സം​സ്ഥാ​ന സെ​ക്ര​ട്ട​റി എം.​വി. ഗോ​വി​ന്ദ​ൻ. തെ​റ്റാ​യ സാ​മ്പ​ത്തി​ക ന​യ​ങ്ങ​ൾ ന​ട​പ്പാ​ക്കി കേ​ര​ള​ത്തെ കേ​ന്ദ്രം വേ​ട്ട​യാ​ടു​ക​യാ​ണ്. ജ​ന​കീ​യ പ്ര​തി​രോ​ധ ജാ​ഥ​ക്ക് മാ​ന​ന്ത​വാ​ടി​യി​ൽ ന​ൽ​കി​യ സ്വീ​ക​ര​ണ​ത്തി​ൽ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം. നാ​ൽ​പ​തി​നാ​യി​രം കോ​ടി​യു​ടെ കു​റ​വാ​ണ് കേ​ന്ദ്രം ഈ ​വ​ർ​ഷം മാ​ത്രം സം​സ്ഥാ​ന​ത്തി​ന് ഉ​ണ്ടാ​ക്കി​യ​ത്. ഇ​ത് പ്ര​തി​സ​ന്ധി​യു​ണ്ടാ​ക്കു​മെ​ന്ന​ത് സ്വാ​ഭാ​വി​കം. ഇ​ന്ത്യ​യെ ഹി​ന്ദു​ത്വ രാ​ഷ്ട്ര​മാ​ക്കാ​നാ​ണ് ബി.​ജെ.​പി​യും ആ​ർ.​എ​സ്.​എ​സും ശ്ര​മി​ക്കു​ന്ന​ത്. ആ​ർ.​എ​സ്.​എ​സ് രൂ​പ​വ​ത്ക​രി​ച്ച​തി​ന്റെ നൂ​റാം വാ​ർ​ഷി​ക​മാ​യ 2025ൽ ​അ​ത് ന​ട​പ്പാ​ക്കാ​നാ​ണ് ല​ക്ഷ്യം. എ​ന്നാ​ൽ, മ​ത​നി​ര​പേ​ക്ഷ കേ​ര​ള​ത്തി​ൽ വേ​രോ​ട്ട​മു​ണ്ടാ​ക്കാ​ൻ ഇ​വ​ർ​ക്ക് ക​ഴി​ഞ്ഞി​ട്ടി​ല്ല. അ​തി​നാ​ലാ​ണ് തെ​റ്റാ​യ സാ​മ്പ​ത്തി​ക ന​യ​ങ്ങ​ൾ ന​ട​പ്പാ​ക്കി കേ​ര​ള​ത്തെ വേ​ട്ട​യാ​ടു​ന്ന​ത്.

കേ​ര​ള​ത്തി​ന്‍റെ വി​ക​സ​ന​ത്തി​ന് തു​ര​ങ്കം വെ​ക്കു​ന്ന​വ​രാ​ണ് പ്ര​തി​പ​ക്ഷ​മെ​ന്നും അ​ദ്ദേ​ഹം ആ​രോ​പി​ച്ചു. ആ​ദ്യം ദേ​ശീ​യ​പാ​ത​യെ​യും പി​ന്നീ​ട് കെ ​റെ​യി​ലി​നെ​യും എ​തി​ർ​ത്തു. വി​ക​സ​നം വ​ന്നാ​ൽ കേ​ര​ള​ത്തി​ൽ ഭ​ര​ണം ല​ഭി​ക്കി​ല്ലെ​ന്ന ഭ​യ​മാ​ണ് ഇ​തി​നു​പി​ന്നി​ൽ. മു​മ്പെ​ങ്ങു​മി​ല്ലാ​ത്ത വി​ക​സ​ന​മാ​ണ് കേ​ര​ള​ത്തി​ൽ ഇ​പ്പോ​ൾ ന​ട​ക്കു​ന്ന​തെ​ന്ന് അ​ദ്ദേ​ഹം അ​വ​കാ​ശ​പ്പെ​ട്ടു. പെ​ട്രോ​ളി​ന് 106 രൂ​പ​വ​രെ കൂ​ട്ടി​യ​പ്പോ​ൾ പ്ര​ശ്ന​മു​ണ്ടാ​ക്കാ​ത്ത​വ​രാ​ണ് ര​ണ്ടു രൂ​പ സെ​സ് ഇ​ന​ത്തി​ൽ വ​ർ​ധി​പ്പി​ക്കാ​ൻ തീ​രു​മാ​നി​ച്ച​തി​നെ എ​തി​ർ​ക്കു​ന്ന​തെ​ന്നും അ​ദ്ദേ​ഹം പ​റ​ഞ്ഞു. സം​സ്ഥാ​ന ക​മ്മി​റ്റി​യം​ഗം ഒ.​ആ​ർ. കേ​ളു എം.​എ​ൽ.​എ അ​ധ്യ​ക്ഷ​ത വ​ഹി​ച്ചു. സി.​പി.​എം കേ​ന്ദ്ര​ക​മ്മി​റ്റി​യം​ഗം സി.​എ​സ്. സു​ജാ​ത, സം​സ്ഥാ​ന സെ​ക്ര​ട്ടേ​റി​യ​റ്റം​ഗം എം. ​സ്വ​രാ​ജ്, മാ​ന​ന്ത​വാ​ടി മ​ണ്ഡ​ലം ക​മ്മി​റ്റി സെ​ക്ര​ട്ട​റി എ.​എ​ൻ. പ്ര​ഭാ​ക​ര​ൻ, ജി​ല്ല ക​മ്മി​റ്റി​യം​ഗം പി.​ടി. ബി​ജു എ​ന്നി​വ​ർ സം​സാ​രി​ച്ചു.

എം.​വി. ഗോ​വി​ന്ദ​ൻ ന​യി​ക്കു​ന്ന ജ​ന​കീ​യ പ്ര​തി​രോ​ധ ജാ​ഥ​ക്ക് ജി​ല്ല​യി​ൽ ​ഉ​ജ്ജ്വ​ല സ്വീ​ക​ര​ണ​മാ​ണ് ന​ൽ​കി​യ​ത്. മാ​ന​ന്ത​വാ​ടി, സു​ൽ​ത്താ​ൻ ബ​ത്തേ​രി, ക​ൽ​പ​റ്റ എ​ന്നി​വി​ട​ങ്ങ​ളി​ലാ​ണ് ജി​ല്ല​യി​ൽ ജാ​ഥ​ക്ക് സ്വീ​ക​ര​ണം ന​ൽ​കി​യ​ത്.

മൂ​ന്നി​ട​ങ്ങ​ളി​ലെ പൊ​തു​യോ​ഗ​ങ്ങ​ൾ​ക്ക് പു​റ​മെ വി​വി​ധ​യി​ട​ങ്ങ​ളി​ൽ ആ​യി​ര​ങ്ങ​ളാ​ണ് ജാ​ഥ​ക്ക് സ്വീ​ക​ര​ണം ന​ൽ​കാ​നാ​യി കാ​ത്തു​നി​ന്ന​ത്. വൈ​കീ​ട്ട് മാ​ന​ന്ത​വാ​ടി​യി​ലാ​ണ്‌ ജി​ല്ല​യി​ലെ ആ​ദ്യ സ്വീ​ക​ര​ണ യോ​ഗം ന​ട​ന്ന​ത്. വൈ​കീ​ട്ട് ക​ണ്ണൂ​രി​ൽ​നി​ന്നെ​ത്തി​യ ജാ​ഥ​യെ ത​ല​പ്പു​ഴ​യി​ൽ ജി​ല്ല നേ​താ​ക്ക​ളു​ടെ​യും മാ​ന​ന്ത​വാ​ടി മ​ണ്ഡ​ലം ഭാ​ര​വാ​ഹി​ക​ളു​ടെ​യും നേ​തൃ​ത്വ​ത്തി​ൽ സ്വീ​ക​രി​ച്ചു.

ഇ​വി​ടെ​നി​ന്ന്‌ ഇ​രു​ച​ക്ര​വാ​ഹ​ന​ങ്ങ​ളു​ടെ അ​ക​മ്പ​ടി​യോ​ടെ മാ​ന​ന്ത​വാ​ടി​യി​ലേ​ക്ക്‌ ആ​ന​യി​ച്ചു. മാ​ന​ന്ത​വാ​ടി​യി​ലെ പൊ​തു​യോ​ഗ​ത്തി​നു​ശേ​ഷം സു​ൽ​ത്താ​ൻ ബ​ത്തേ​രി​യി​ലെ സ്വീ​ക​ര​ണ പ​രി​പാ​ടി​യി​ലേ​ക്ക് ജാ​ഥ ക്യാ​പ്റ്റ​നെ​ത്തി. മാ​ന​ന്ത​വാ​ടി​യി​ൽ​നി​ന്ന്‌ കൊ​യി​ലേ​രി-​പ​ന​മ​രം-​പ​ച്ചി​ല​ക്കാ​ട്‌-​മീ​ന​ങ്ങാ​ടി വ​ഴി​യാ​ണ്‌ ജാ​ഥ സു​ൽ​ത്താ​ൻ ബ​ത്തേ​രി​യി​ലേ​ക്ക് പോ​യ​ത്. മീ​ന​ങ്ങാ​ടി​യി​ൽ​നി​ന്ന്‌ ജാ​ഥ ക്യാ​പ്‌​റ്റ​നെ വ​ര​വേ​റ്റു. വാ​ഹ​ന​റാ​ലി​യാ​യി സു​ൽ​ത്താ​ൻ ബ​ത്തേ​രി​യി​ലെ​ത്തി​യ​ശേ​ഷ​മാ​ണ് സ്വീ​ക​ര​ണ യോ​ഗം ന​ട​ന്ന​ത്.

ബ​ത്തേ​രി​യി​ലെ സ്വീ​ക​ര​ണ പ​രി​പാ​ടി​ക്കു​ശേ​ഷം രാ​ത്രി​യോ​ടെ കാ​ക്ക​വ​യ​ലി​ൽ​നി​ന്നും ക​ൽ​പ​റ്റ മ​ണ്ഡ​ല​ത്തി​ലേ​ക്ക് ജാ​ഥ​യെ സ്വീ​ക​രി​ച്ചു. വാ​ദ്യ​മേ​ള​ങ്ങ​ളു​ടെ അ​ക​മ്പ​ടി​യോ​ടെ സ്വീ​ക​രി​ച്ച്‌ രാ​ത്രി​യോ​ടെ​യാ​ണ് ജാ​ഥ ക​ൽ​പ​റ്റ​യി​ലെ​ത്തി​യ​ത്. മൂ​ന്ന്‌ കേ​ന്ദ്ര​ങ്ങ​ളി​ലും ജാ​ഥാം​ഗ​ങ്ങ​ൾ​ക്ക്‌ ഗാ​ർ​ഡ്‌ ഓ​ഫ്‌ ഓ​ണ​ർ ന​ൽ​കി. ഓ​രോ കേ​ന്ദ്ര​ത്തി​ലും ജാ​ഥ​ക്ക് മു​മ്പും ശേ​ഷ​വും പ്രാ​ദേ​ശി​ക ക​ലാ​കാ​ര​ന്മാ​രു​ടെ ക​ലാ​പ​രി​പാ​ടി​ക​ളും അ​ര​ങ്ങേ​റി.