കൃഷി ഓഫിസുകളിൽ അനധികൃത കരാർ നിയമനം; എംപ്ലോയ്മെന്‍റിൽ അപേക്ഷിച്ചവർക്ക് നിരാശ

മാ​ന​ന്ത​വാ​ടി: ജി​ല്ല​യി​ലെ കൃ​ഷി ഓ​ഫി​സു​ക​ളി​ൽ അ​ന​ധി​കൃ​ത ക​രാ​ർ നി​യ​മ​ന​മെ​ന്ന് ആ​രോ​പ​ണം. വ​യ​നാ​ട് പാ​ക്കേ​ജി​ൽ ഉ​ൾ​പ്പെ​ടു​ത്തി ന​ട​ത്തു​ന്ന പ​ദ്ധ​തി​ക​ളു​ടെ ന​ട​ത്തി​പ്പു​മാ​യി ബ​ന്ധ​പ്പെ​ട്ടാ​ണ് ഉ​ദ്യോ​ഗ​സ്ഥ​രും വ​കു​പ്പ് ഭ​രി​ക്കു​ന്ന പാ​ർ​ട്ടി നേ​താ​ക്ക​ളും ചേ​ർ​ന്ന് ക​രാ​ർ നി​യ​മ​നം ന​ട​ത്തു​ന്ന​തെ​ന്നാ​ണ് പ​രാ​തി. ആ​റു വ​ർ​ഷ​ത്തോ​ള​മാ​യി ഒ​രേ ആ​ളു​ക​ൾ ത​ന്നെ ഇ​ത്ത​ര​ത്തി​ൽ ജോ​ലി ചെ​യ്ത് വ​രു​ക​യാ​ണ്. കൃ​ഷി​ഭ​വ​നു​ക​ളി​ൽ നി​യ​മി​ച്ച 26പേ​ർ ഉ​ൾ​പ്പെ​ടെ 74 പേ​രാ​ണ് ഇ​ത്ത​ര​ത്തി​ൽ ജോ​ലി ചെ​യ്യു​ന്ന​ത്. നി​ല​വി​ൽ ക​രാ​ർ പ്ര​കാ​രം കാ​ലാ​വ​ധി ക​ഴി​ഞ്ഞെ​ങ്കി​ലും ഇ​വ​ർ ഇ​പ്പോ​ഴും ജോ​ലി​യി​ൽ തു​ട​രു​ക​യാ​ണ്. ഉ​ന്ന​ത​രെ സ്വാ​ധീ​നി​ച്ച് ഇ​വ​രു​ടെ ക​രാ​ർ പു​തു​ക്കി ന​ൽ​കാ​നു​ള്ള നീ​ക്ക​മാ​ണ് ന​ട​ക്കു​ന്ന​തെ​ന്നാ​ണ് വി​വ​രം.

മാ​സം ഇ​രു​പ​തി​നാ​യി​ര​ത്തോ​ളം രൂ​പ ശ​മ്പ​ളം ല​ഭി​ക്കു​ന്ന ഉ​ദ്യോ​ഗാ​ർ​ഥി​ക​ൾ നി​ശ്ചി​ത വി​ഹി​തം ഉ​ദ്യോ​ഗ​സ്ഥ​ർ​ക്കും നേ​താ​ക്ക​ൾ​ക്കും ന​ൽ​കി​യാ​ണ് ജോ​ലി​യി​ൽ തു​ട​രു​ന്ന​ത്. നി​ല​വി​ൽ ഇ​വ​ർ​ക്ക് ശ​മ്പ​ളം ന​ൽ​കാ​ൻ ഫ​ണ്ടി​ല്ലെ​ങ്കി​ലും വ​യ​നാ​ട് പാ​ക്കേ​ജി​ന്‍റെ ഭാ​ഗ​മാ​യി ക​ല​ക്ട​റു​ടെ അ​ക്കൗ​ണ്ടി​ൽ ല​ഭ്യ​മാ​യ തു​ക ഇ​വ​രു​ടെ ശ​മ്പ​ളം ന​ൽ​കാ​ൻ വ​ക​മാ​റ്റാ​നു​ള്ള ശ്ര​മം അ​ണി​യ​റ​യി​ൽ സ​ജീ​വ​മാ​യി ന​ട​ക്കു​ന്ന​താ​യി ആ​രോ​പ​ണ​മു​യ​ർ​ന്നി​ട്ടു​ണ്ട്. എം​പ്ലോ​യ്മെ​ന്‍റ് എ​ക്സ്ചേ​ഞ്ച് വ​ഴി ന​ട​ത്തേ​ണ്ട നി​യ​മ​ന​മാ​ണ് ഉ​ദ്യോ​ഗ​സ്ഥ​ർ അ​ട്ടി​മ​റി​ച്ച് ക​രാ​ർ നി​യ​മ​നം ന​ട​ത്തു​ന്ന​ത്. ഇ​തു​മൂ​ലം എം​പ്ലോ​യ്മെ​ന്‍റി​ൽ പേ​രു​ക​ൾ ര​ജി​സ്റ്റ​ർ ചെ​യ്ത നി​ര​വ​ധി ഉ​ദ്യോ​ഗാ​ർ​ഥി​ക​ളു​ടെ അ​വ​സ​ര​മാ​ണ് അ​ധി​കൃ​ത​ർ ന​ഷ്ട​പ്പെ​ടു​ത്തു​ന്ന​ത്. സ്വാ​ധീ​ന​മി​ല്ലാ​ത്ത​വ​ർ​ക്ക് ജോ​ലി ല​ഭി​ക്കാ​ത്ത അ​വ​സ്ഥ​യാ​ണെ​ന്നാ​ണ് ഉ​ദ്യോ​ഗാ​ർ​ഥി​ക​ൾ ആ​രോ​പി​ക്കു​ന്ന​ത്. അ​ന​ധി​കൃ​ത​മാ​യി ഇ​ത്ത​ര​ത്തി​ൽ ക​രാ​ർ നി​യ​മ​നം നീ​ട്ടി ന​ൽ​കു​ന്ന​തി​നെ​തി​രെ​യും എം​പ്ലോ​യ്മെ​ന്റ് എ​ക്സ്ചേ​ഞ്ച് വ​ഴി നി​യ​മ​നം ന​ട​ത്താ​ത്തി​നെ​തി​രെ​യും ഉ​ദ്യോ​ഗാ​ർ​ഥി​ക​ൾ പ്ര​തി​ഷേ​ധ​ത്തി​ലാ​ണ്. ഇ​തി​നെ​തി​രെ നി​യ​മ​ന​ട​പ​ടി​ക​ളു​മാ​യി മു​ന്നോ​ട്ടു​പോ​കാ​നാ​ണ് ഉ​ദ്യോ​ഗാ​ർ​ഥി​ക​ളു​ടെ തീ​രു​മാ​നം. സ്കീം ​ഇ​ല്ലാ​ത്ത​തി​നാ​ൽ തു​ട​രാ​നാ​കി​ല്ലെ​ന്നും അ​ത്ത​ര​ത്തി​ൽ ക​രാ​ർ ജീ​വ​ന​ക്കാ​ർ ജോ​ലി​യി​ൽ തു​ട​രു​ന്നി​ല്ലെ​ന്നു​മാ​ണ് അ​റി​വെ​ന്നും ഇ​ക്കാ​ര്യം പ​രി​ശോ​ധി​ക്കു​മെ​ന്നും ജി​ല്ല പ്രി​ൻ​സി​പ്പ​ൽ കൃ​ഷി ഓ​ഫി​സ​ർ പ്ര​തി​ക​രി​ച്ചു.