ചെ​ങ്കു​റ്റി ഉ​ന്ന​തി​ക്കാ​ർ​ക്ക് വെ​ള്ളം കു​ടി​ക്ക​ണ​മെ​ങ്കി​ൽ അ​രി​ച്ചെ​ടു​ക്ക​ണം

പു​ത്തൂ​ർ വ​യ​ൽ: ഇ​ത്ത​വ​ണ വോ​ട്ട് തേ​ടി​യെ​ത്തു​ന്ന​വ​രോ​ട് ത​ങ്ങ​ൾ​ക്ക് ശു​ദ്ധ​ജ​ലം ല​ഭ്യ​മാ​ക്ക​ണ​മെ​ന്ന ആ​വ​ശ്യം മാ​ത്ര​മാ​ണ് പു​ത്തൂ​ര്‍വ​യ​ല്‍ ചെ​ങ്കു​റ്റി ഉ​ന്ന​തി​ക്കാ​ര്‍ ആ​വ​ശ്യ​പ്പെ​ടു​ന്ന​ത്.പു​ത്തൂ​ര്‍വ​യ​ല്‍ ചെ​ങ്കു​റ്റി ഉ​ന്ന​തി നി​വാ​സി​ക​ള്‍ക്ക് കു​ടി​ക്കാ​ൻ പോ​ലും ശു​ദ്ധ​ജ​ലം ല​ഭി​ക്ക​ണ​മെ​ങ്കി​ൽ തു​ണി ഉ​പ​യോ​ഗി​ച്ച് അ​രി​ച്ചെ​ടു​ക്കേ​ണ്ട അ​വ​സ്ഥ​യാ​ണ്.

ഉ​ന്ന​തി​യി​ലെ കി​ണ​റു​ക​ളി​ലെ വെ​ള്ളം ക​ല​ങ്ങി​യ നി​ല​യി​ലാ​യ​തി​നാ​ൽ അ​രി​ച്ചെ​ടു​ക്കേ​ണ്ടി വ​രു​ന്ന​ത്. പൊ​തു​കി​ണ​ര്‍ ഉ​ള്‍പ്പെ​ടെ നാ​ല് കി​ണ​റു​ക​ള്‍ പ്ര​ദേ​ശ​ത്തു​ണ്ടെ​ങ്കി​ലും ഒ​ന്നി​ല്‍ പോ​ലും ശു​ദ്ധ​ജ​ലം കി​ട്ടാ​നി​ല്ല. മ​ഴ​ക്കാ​ല​ങ്ങ​ളി​ല്‍ മ​ഴ​വെ​ള്ളം ശേ​ഖ​രി​ച്ചാ​ണ് ഉ​ന്ന​തി​ക്കാ​ർ കു​ടി​വെ​ള്ള​ത്തി​നാ​യി ഉ​പ​യോ​ഗി​ക്കു​ന്ന​ത്. എ​ന്നാ​ൽ, വേ​ന​ല്‍ കാ​ല​ത്താ​ണ് കു​ടി​ക്കാ​നു​ള്ള വെ​ള്ള​ത്തി​ന് പെ​ടാ​പ്പാ​ട്. മേ​പ്പാ​ടി ഗ്രാ​മ​പ​ഞ്ചാ​യ​ത്തി​ലെ 23ാം വാ​ര്‍ഡി​ലു​ള്‍പ്പെ​ടു​ന്ന പ്ര​ദേ​ശ​മാ​ണി​ത്. തെ​ര​ഞ്ഞെ​ടു​പ്പ് സ​മ​യ​ത്ത് പ​ല​രും വ​ന്ന് കു​ടി​വെ​ള്ള പ്ര​ശ്‌​നം പ​രി​ഹ​രി​ക്കാ​മെ​ന്ന വാ​ഗ്ദാ​നം ന​ല്‍കാ​റു​ണ്ടെ​ങ്കി​ലും ആ​രും നി​റ​വേ​റ്റാ​റി​ല്ലെ​ന്ന് ഉ​ന്ന​തി​ക്കാ​ര്‍ പ​റ​യു​ന്നു.

ഇ​ത്ത​വ​ണ​യും വോ​ട്ട് തേ​ടി​യെ​ത്തി​യ​വ​രോ​ട് ശു​ദ്ധ​ജ​ല​മാ​ണ് ഉ​ന്ന​തി​ക്കാ​ര്‍ ആ​വ​ശ്യ​പ്പെ​ടു​ന്ന​ത്. ജ​ല്‍ ജീ​വ​ന്‍ മി​ഷ​ന്റെ ഭാ​ഗ​മാ​യു​ള്ള കു​ടി​വെ​ള്ള ടാ​പ്പു​ക​ള്‍ സ്ഥാ​പി​ച്ചെ​ങ്കി​ലും മൂ​ന്നു​മാ​സം ക​ഴി​ഞ്ഞി​ട്ടും വെ​ള്ളം ല​ഭി​ച്ചി​ട്ടി​ല്ല. വീ​ടു​ക​ളി​ല്‍ പൈ​പ്പു​ക​ള്‍ സ്ഥാ​പി​ച്ചെ​ങ്കി​ലും പ്ര​ധാ​ന ടാ​ങ്കി​ലേ​ക്ക് ഇ​തു​വ​രെ​യും വെ​ള്ള​മെ​ത്താ​ത്ത​താ​ണ് പ്ര​ശ്നം ശു​ദ്ധീ​ക​ര​ണ പ്ലാ​ന്റി​ന്റെ നി​ര്‍മാ​ണ പ്ര​വ​ര്‍ത്ത​ന​ങ്ങ​ള്‍ പൂ​ര്‍ത്തി​യാ​യി​ട്ടി​ല്ല