ഹഷീഷും ഹഷീഷ് ഓയിലുമായി നാല് യുവാക്കൾ പിടിയിൽ

സുൽത്താൻ ബത്തേരി: ഹഷീഷും ഹഷീഷ് ഓയിലുമായി നാല് യുവാക്കൾ പിടിയിൽ. സുൽത്താൻ ബത്തേരിക്കടുത്ത് നായ്ക്കട്ടിയിൽ​ കൊടുവള്ളി താഴെ പടനിലം കുടുംബോട്ടിൽ മുഹമ്മദ് ഫായിസ് (22), നായ്ക്കട്ടി നിരപ്പം മടത്തുംകുടിയിൽ സൽമാൻ (27), സാലു ഫായിസ് ( 23), താമരശ്ശേരി പരപ്പൻ പോയിൽ കല്ലാരംകാട്ടിൽ കെ.കെ. നിയാസ് (30) എന്നിവരെയാണ് പിടികൂടിയത്.

ഇവർ സഞ്ചരിച്ച കാറിൽനിന്ന്​ 1.910 ഗ്രാം ഹഷീഷ് ഓയിലും 500 മില്ലിഗ്രാം ഹഷീഷും കണ്ടെടുത്തു. ജില്ല പൊലീസ് മേധാവിയുടെ കീഴിലെ ആൻറി നാർകോട്ടിക് സെല്ലാണ് കാർ തടഞ്ഞ് പരിശോധന നടത്തിയത്.