പച്ചത്തേയിലക്ക് 16.21 രൂപ വില നിർണയിച്ചു

ഗൂഡല്ലൂർ: ഒക്ടോബർ മാസത്തെ പച്ചത്തേയിലയുടെ വില നിർണയിച്ചു. കിലോക്ക് 16.21 രൂപയാണ് വില. നീലഗിരിയിൽ 55 ഹെക്ടറിലാണ് തേയില കൃഷി ചെയ്യുന്നത്. ഇതുമായി ബന്ധപ്പെട്ട് 65,000 ചെറുകിട കർഷകരാണ് ജില്ലയിലുള്ളത്. ഇവർക്കായി സഹകരണ വകുപ്പിന്റെ കീഴിൽ 16 തേയില ഫാക്ടറികളും 100ലേറെ സ്വകാര്യ ഫാക്ടറികളും പ്രവർത്തിക്കുന്നുണ്ട്.

അതേസമയം, സഹകരണയുടെ ടീ ഫാക്ടറിയുടെ വില അടിസ്ഥാനമാക്കിയാണ് സ്വകാര്യ ഫാക്ടറികളും വില നിർണയിക്കാറുള്ളത്. പച്ചത്തേയിലക്ക് മെച്ചപ്പെട്ട വില ലഭിക്കാത്തതുമൂലം കർഷകർ പ്രതിസന്ധി നേരിടുകയാണ്. അതേസമയം, വിപണിയിൽ ചായപ്പൊടി വില വർധിക്കുന്നുണ്ടെങ്കിലും പച്ചത്തേയില വില വർധിക്കാത്തത് കർഷകരെ നിരാശപ്പെടുത്തുകയാണ്.