ചൂ​ട് കൂ​ടു​ന്നു; പ​ഴ​ങ്ങ​ൾ​ക്ക് പൊ​ള്ളു​ന്ന വി​ല

ഗൂ​ഡ​ല്ലൂ​ർ: നീ​ല​ഗി​രി​യി​ല്‍ ചൂ​ട് വ​ർ​ധി​ച്ച​തോ​ടെ പ​ഴം, പ​ഴ വ​ർ​ഗ​ങ്ങ​ൾ​ക്ക് പൊ​ള്ളു​ന്ന വി​ല. നി​ല​വി​ല്‍ പ​ഴ​ങ്ങ​ളു​ടെ സീ​സ​ണ​ല്ലാ​ത്ത​തും വി​ല വ​ർ​ധ​ന​ക്ക് കാ​ര​ണ​മാ​ണ്. ആ​പ്പി​ള്‍, മു​ന്തി​രി, ത​ണ്ണി​മ​ത്ത​ൻ, ഓ​റ​ഞ്ച് എ​ന്നി​വ​ക്കാ​ണ് ആ​വ​ശ്യ​ക്കാ​ർ കൂ​ടു​ത​ല്‍. ബം​ഗ​ളൂ​രു, ദി​ണ്ടി വ​നം, മൈ​സൂ​രു, ആ​ന്ധ്ര എ​ന്നി​വി​ട​ങ്ങ​ളി​ല്‍നി​ന്നാ​ണ് ജി​ല്ല​യി​ലേ​ക്ക് പ്ര​ധാ​ന​മാ​യും പ​ഴ​ങ്ങ​ളെ​ത്തു​ന്ന​ത്. കാ​ലാ​വ​സ്ഥാ വ്യ​തി​യാ​നം കൃ​ഷി​യെ ബാ​ധി​ച്ച​തും വി​ല വ​ർ​ധ​ന​ക്ക് കാ​ര​ണ​മാ​ണ്.

ഒ​രു കി​ലോ മു​ന്തി​രി​യു​ടെ വി​പ​ണി വി​ല 150 രൂ​പ​യാ​ണ്. ഇ​ന​ത്തി​ന​നു​സ​രി​ച്ച്‌ വി​ല​യി​ലും മാ​റ്റ​മു​ണ്ട്. നേ​ര​ത്തേ 100 രൂ​പ​ക്ക് ര​ണ്ടും മൂ​ന്നും കി​ലോ ഓ​റ​ഞ്ച് ല​ഭി​ച്ചി​രു​ന്നെ​ങ്കി​ലും നി​ല​വി​ല്‍ ഒ​രു കി​ലോ​ക്ക് 80 രൂ​പ​യാ​യി. വേ​ന​ല്‍ക്കാ​ല​ത്ത് ആ​വ​ശ്യ​ക്കാ​ർ കൂ​ടു​ത​ലു​ള്ള ത​ണ്ണി​മ​ത്ത​ന്റെ വി​ല 28 ആ​ണ്. വേ​ന​ല്‍ ക​ടു​ത്ത​തോ​ടെ ത​ണ്ണി​മ​ത്ത​ന്റെ വ​ര​വ് കൂ​ടി​യി​ട്ടു​ണ്ട്. ക​ർ​ണാ​ട​ക, മ​ഹാ​രാ​ഷ്ട്ര, ചെ​ന്നൈ എ​ന്നി​വി​ട​ങ്ങ​ളി​ല്‍ നി​ന്നാ​ണ് പ്ര​ധാ​ന​മാ​യും ജി​ല്ല​യി​ലേ​ക്ക് ത​ണ്ണി​മ​ത്ത​നെ​ത്തു​ന്ന​ത്.

സീ​സ​ണ​ല്ലാ​ത്ത സ​മ​യ​ത്ത് ത​ണ്ണി​മ​ത്ത​ന് കി​ലോ​ക്ക് 10 രൂ​പ വ​രെ വി​ല കു​റ​യാ​റു​ണ്ട്. നേ​ര​ത്തേ 30 രൂ​പ​ക്ക് ല​ഭി​ച്ചി​രു​ന്ന നേ​ന്ത്ര​പ്പ​ഴ​ത്തി​ന്റെ വി​ല 80 ലെ​ത്തി. നീ​ല​ഗി​രി​യി​ലു​ള്ള​തി​നു പു​റ​മെ ഇ​ത​ര സം​സ്ഥാ​ന​ങ്ങ​ളി​ല്‍ നി​ന്നു​ള്ള നേ​ന്ത്ര​നും വി​പ​ണി​യി​ലു​ണ്ട്. നീ​ല​മാ​മ്പ​ഴ​മാ​ണ് നി​ല​വി​ല്‍ വി​പ​ണി​യി​ല്‍ ല​ഭി​ക്കു​ന്ന​ത്. ഇ​വ​ക്ക് കി​ലോ​ക്ക് 120 രൂ​പ​യാ​ണ്.

നേ​ര​ത്തേ സി​ന്ദൂ​രം, മൂ​വാ​ണ്ട​ൻ ഇ​ന​ത്തി​ല്‍പ്പെ​ട്ട​വ ല​ഭി​ച്ചി​രു​ന്നെ​ങ്കി​ലും സീ​സ​ണ്‍ അ​വ​സാ​നി​ച്ച​തോ​ടെ കി​ട്ടാ​നി​ല്ലാ​താ​യി. ഇ​തി​നി​ടെ ത​ണ്ണി​മ​ത്ത​ന് ചു​വ​പ്പ് കൂ​ടാ​ൻ വേ​ണ്ടി രാ​സ​പ​ദാ​ർ​ഥം കു​ത്തി​വെ​ക്കു​ന്ന​ത് പൊ​ലീ​സ് പി​ടി​കൂ​ടു​ന്ന​താ​യു​ള്ള വിഡി​യോ വൈ​റ​ലാ​ണെ​ങ്കി​ലും ചൂ​ട് കാ​ര​ണം ത​ണ്ണി​മ​ത്ത​ൻ വാ​ങ്ങി​ക്ക​ഴി​ക്കു​ന്ന​വ​ർ ഇ​തെ​ല്ലാം അ​വ​ഗ​ണി​ക്ക​ുക​യാ​ണ്.