മേപ്പാടിയിൽ നാല്​ മാവോവാദികളെത്തിയെന്ന്; ചെക്ക് പോസ്റ്റിൽ പരിശോധന കർശനം

ഗൂഡല്ലൂർ: വയനാട് മേപ്പാടി രാജമല ഭാഗത്ത് നാല്​ മാവോവാദികളെത്തിയെന്ന റിപ്പോർട്ടിനെ തുടർന്ന് തമിഴ്നാട് അതിർത്തി ചെക്ക്​ പോസ്റ്റുകളിൽ വാഹന പരിശോധന കർശനമാക്കി. മാവോവാദി ദൗത്യസേന, ലോക്കൽ പൊലീസ് ഉൾപ്പെടെ ജാഗ്രതയിലാണ്.

നാടുകാണി, ചോലാടി, താളൂർ, പാട്ടവയൽ തുടങ്ങിയ ചെക്ക്പോസ്റ്റുകളിൽ വാഹന പരിശോധന കർശനമാണ്​. ദേവാല, ചേരമ്പാടി, എരുമാട്, അമ്പലമൂല, നെലാക്കോട്ട, ദേവർഷോല എന്നീ പൊലീസ് സ്‌റ്റേഷനുകളിലും സുരക്ഷ ശക്തമാക്കി.