ഒടുവിൽ കൂട്ടിലായി: നാ​ട്ടു​കാ​ർ​ക്കും വ​നം​വ​കു​പ്പി​നും ആ​ശ്വാ​സം

പു​ൽ​പ​ള്ളി: അ​മ​ര​ക്കു​നി മേ​ഖ​ല​യെ ദി​വ​സ​ങ്ങ​ളോ​ളം വി​റ​പ്പി​ച്ച ക​ടു​വ കൂ​ട്ട​ലാ​യ​തോ​ടെ ജ​ന​ത്തി​ന് ആ​ശ്വാ​സം. എ​ട്ടു വ​യ​സ്സോ​ളം പ്രാ​യ​മു​ള്ള പെ​ൺ ക​ടു​വ​യാ​ണ് ക​ഴി​ഞ്ഞ ദി​വ​സം രാ​ത്രി തൂ​പ്ര​യി​ൽ വ​നം​വ​കു​പ്പ് സ്ഥാ​പി​ച്ച കൂ​ട്ടി​ൽ കു​ടു​ങ്ങി​യ​ത്. കൈ​ക്ക​ട​ക്കം പ​രി​ക്കേ​റ്റ നി​ല​യി​ലാ​ണ് ക​ടു​വ. അ​വ​ശ​യാ​യ ക​ടു​വ​യെ കു​പ്പാ​ടി​യി​ലെ വ​ന്യ​ജീ​വി പ​രി​പാ​ല​ന കേ​ന്ദ്ര​ത്തി​ൽ ചി​കി​ത്സ​ക്കാ​യി എ​ത്തി​ച്ചു. ക​ടു​വ കൂ​ട്ടി​ൽ​പെ​ട്ട​തോ​ടെ ക​ഴി​ഞ്ഞ കു​റേ ദി​വ​സ​ങ്ങ​ളാ​യി പ്ര​ദേ​ശ​ത്ത് നി​ല​നി​ന്നി​രു​ന്ന ഭീ​തി​ക്കും ശ​മ​ന​മാ​യി.

ജ​ന​വാ​സമേ​ഖ​ല​യി​ൽ ഇ​റ​ങ്ങി​യ ക​ടു​വ 10 ദി​വ​സ​ത്തി​നു​ശേ​ഷ​മാ​ണ് കൂ​ട്ടി​ലാ​യ​ത്. വ്യാ​ഴാ​ഴ്ച രാ​ത്രി 12 മ​ണി​യോ​ടെ​യാ​ണ് തൂ​പ്ര​യി​ൽ വ​നം​വ​കു​പ്പ് സ്ഥാ​പി​ച്ച കൂ​ട്ടി​ൽ ക​ടു​വ വീ​ണ​ത്. എ​ല്ല ദി​വ​സ​വും രാ​ത്രി വൈ​കി​വ​രെ ക​ടു​വ​ക്കാ​യി വ​നം​വ​കു​പ്പ് തി​ര​ച്ചി​ൽ ന​ട​ത്തി​യി​രു​ന്നു. ആ​ദ്യം അ​മ​ര​ക്കു​നി​യി​ൽ നി​ന്നാ​യി​രു​ന്നു ക​ടു​വ ആ​ടി​നെ പി​ടി​കൂ​ടി​യ​ത്.

പി​ന്നീ​ട് ഇ​ട​വി​ട്ടു​ള്ള ദി​വ​സ​ങ്ങ​ളി​ൽ അ​ഞ്ച് ആ​ടു​ക​ളെ ഈ ​പ്ര​ദേ​ശ​ത്തോ​ട് ചേ​ർ​ന്ന സ്ഥ​ല​ങ്ങ​ളി​ൽ​നി​ന്നും ക​ടു​വ പി​ടി​കൂ​ടി​യി​രു​ന്നു. ഓ​രോ ദി​വ​സ​വും വ​നം​വ​കു​പ്പ് കൂ​ടും കാ​മ​റ​ക​ളും മാ​റ്റി സ്ഥാ​പി​ച്ചെ​ങ്കി​ലും നി​രാ​ശ​യാ​യി​രു​ന്നു ഫ​ലം. ഒ​ടു​വി​ൽ തൂ​പ്ര​യി​ലെ കൂ​ട്ടി​ൽ ക​ടു​വ കു​ടു​ങ്ങി​യ​തോ​ടെ വ​നം​വ​കു​പ്പും ആ​ശ്വാ​സ​ത്തി​ലാ​യി. തെ​ർ​മ​ൽ ഡ്രോ​ൺ പ​റ​ത്തി ക​ടു​വ​യെ എ​ല്ലാ ദി​വ​സ​വും നി​രീ​ക്ഷി​ച്ചി​രു​ന്നു. എ​ന്നാ​ൽ, ക​ഴി​ഞ്ഞ ര​ണ്ട് ദി​വ​സം ഇ​തി​ലും ക​ടു​വ​യു​ടെ ദൃ​ശ്യം പ​തി​ഞ്ഞി​ല്ല.

നാ​ട്ടി​ലാ​കെ പ്ര​തി​ഷേ​ധം ക​ന​ക്കു​ക​യും ചെ​യ്തു. വ​നം​വ​കു​പ്പി​നെ​തി​രെ പ്ര​ക്ഷോ​ഭ പ​രി​പാ​ടി​ക​ൾ​ക്ക് വി​വി​ധ സം​ഘ​ട​ന​ക​ൾ നേ​തൃ​ത്വം ന​ൽ​കു​ക​യും ചെ​യ്തു. ക​ടു​വ​യെ മ​യ​ക്കു​വെ​ടിവെക്കാ​ൻ സ​ജ്ജ​മാ​യി വി​ദ​ഗ്ധ സം​ഘ​വും ഇ​വി​ടെ ത​മ്പ​ടി​ച്ചി​രു​ന്നു. നാ​ല് കൂ​ടു​ക​ളും 30ഓ​ളം കാ​മ​റ​ക​ളു​മാ​ണ് ക​ടു​വ​യെ ക​ണ്ടെ​ത്തു​ന്ന​തി​നാ​യി സ്ഥാ​പി​ച്ച​ത്.

ക​ടു​വ ഭീ​തി​യാ​ൽ അ​മ​ര​ക്കു​നി, ദേ​വ​ർ​ഗ​ദ്ദ, തൂ​പ്ര പ്ര​ദേ​ശ​ങ്ങ​ളി​ൽ ക​ർ​ഷ​ക​ർ​ക്ക് വി​ള​വെ​ടു​ക്കാ​ൻ പോ​ലും സാ​ധി​ച്ചി​രു​ന്നി​ല്ല. വി​ദ്യാ​ർ​ഥി​ക​ളും വ​യോ​ജ​ന​ങ്ങ​ളും അ​ട​ക്കം വീ​ടി​ന് പു​റ​ത്തി​റ​ങ്ങാ​ൻ ഭ​യ​പ്പെ​ട്ടു. മേ​ഖ​ല​യി​ലെ സ്​​കൂ​ളു​ക​ൾ​ക്കും കു​റേ ദി​വ​സ​ങ്ങ​ൾ അ​വ​ധി ന​ൽ​കി. ക​ഴി​ഞ്ഞ് ദി​വ​സം രാ​ത്രി കാ​റി​ൽ സ​ഞ്ച​രി​ച്ചി​രു​ന്ന യാ​ത്രി​ക​ർ ക​ടു​വ​യെ നേ​രി​ൽ ക​ണ്ടി​രു​ന്നു. ഈ ​സം​ഭ​വ​ത്തി​നു​ശേ​ഷം മ​ണി​ക്കൂ​റു​ക​ൾ​ക്കു​ള്ളിലാ​ണ് ക​ടു​വ കൂ​ട്ടി​ലാ​യ​ത്.