സ​ന്ദ​ർ​ശ​ക​ർ കു​റ​ഞ്ഞ് കാ​ന്ത​ൻ​പാ​റ

മേ​പ്പാ​ടി: ഉ​രു​ൾ ദു​ര​ന്ത​ത്തി​നു​ശേ​ഷം കാ​ന്ത​ൻ​പാ​റ​യി​ലെ​ത്തു​ന്ന വി​നോ​ദ സ​ഞ്ചാ​രി​ക​ളു​ടെ എ​ണ്ണ​ത്തി​ൽ വ​ൻ കു​റ​വ്. ഒ​ഴി​വ് ദി​വ​സ​ങ്ങ​ളി​ലൊ​ഴി​കെ മ​റ്റ് പ​ല ദി​വ​സ​ങ്ങ​ളി​ലും സ​ന്ദ​ർ​ശ​ക​ർ പേ​രി​നു മാ​ത്ര​മേ ഉ​ള്ളൂ​വെ​ന്ന് അ​ധി​കൃ​ത​ർ പ​റ​ഞ്ഞു. വ​രു​മാ​ന​വും നാ​ലി​ലൊ​ന്നാ​യി കു​റ​ഞ്ഞു. വ​ർ​ഷ​ങ്ങ​ളാ​യി ത​ക​ർ​ന്നു കി​ട​ക്കു​ന്ന ഇ​വി​ടേ​ക്കു​ള്ള റോ​ഡും ഇ​വി​ടം സ​ന്ദ​ർ​ശി​ക്കു​ന്ന​തി​ൽ​നി​ന്ന് സ​ഞ്ചാ​രി​ക​ളെ പി​ന്തി​രി​പ്പി​ക്കു​ന്നു​വെ​ന്നാ​ണ് ആ​രോ​പ​ണം.

റി​പ്പ​ൺ 52ൽ​നി​ന്ന് കാ​ന്ത​ൻ​പാ​റ​യി​ലേ​ക്കു​ള്ള മൂ​ന്ന് കി.​മീ. റോ​ഡ് ക​ഴി​ഞ്ഞ നാ​ലു വ​ർ​ഷ​ത്തോ​ള​മാ​യി കു​ണ്ടും കു​ഴി​യു​മാ​യി കി​ട​ക്കു​ക​യാ​ണ്. ഒ​രു​കോ​ടി രൂ​പ ഫ​ണ്ട് അ​നു​വ​ദി​ച്ച​താ​യി പ​റ​യു​ന്നു​ണ്ടെ​ങ്കി​ലും റോ​ഡ് ന​ന്നാ​ക്കാ​ൻ ന​ട​പ​ടി​യു​ണ്ടാ​കു​ന്നി​ല്ല. വ​ള​രെ ബു​ദ്ധി​മു​ട്ട​നു​ഭ​വി​ച്ചാ​ണ് ഇ​തു​വ​ഴി വാ​ഹ​ന​ങ്ങ​ൾ ക​ട​ന്നു​പോ​കു​ന്ന​ത്. ഒ​രി​ക്ക​ൽ വ​ന്ന​വ​ർ പി​ന്നീ​ട് വ​രാ​ൻ മ​ടി​ക്കു​ന്ന അ​വ​സ്ഥ​യാ​ണ്. ഡി.​റ്റി.​പി.​സി​യു​ടെ നി​യ​ന്ത്ര​ണ​ത്തി​ലാ​ണ് കാ​ന്ത​ൻ​പാ​റ വി​നോ​ദ സ​ഞ്ചാ​ര കേ​ന്ദ്രം. 11 ജീ​വ​ന​ക്കാ​ർ ജോ​ലി ചെ​യ്യു​ന്നു​ണ്ട്. 14 ല​ക്ഷം രൂ​പ​യാ​യി​രു​ന്നു 2024 ഏ​പ്രി​ൽ മാ​സ​ത്തെ കാ​ന്ത​ൻ​പാ​റ​യി​ലെ വ​രു​മാ​ന​മെ​ങ്കി​ൽ 2025 ഏ​പ്രി​ലി​ൽ അ​ത് നാ​ലു ല​ക്ഷം രൂ​പ മാ​ത്ര​മാ​യി. സ​ഞ്ചാ​രി​ക​ൾ​ക്ക് വി​ശ്ര​മി​ക്കാ​ൻ മാ​ർ​ബി​ൾ ബെ​ഞ്ചു​ക​ൾ, ടോ​യ് ല​റ്റ്, വാ​ഹ​ന പാ​ർ​ക്കി​ങ് സൗ​ക​ര്യം എ​ന്നി​ങ്ങ​നെ അ​ടി​സ്ഥാ​ന സൗ​ക​ര്യ​ങ്ങ​ളെ​ല്ലാം ഇ​വി​ടെ​യു​ണ്ട്.

ഉ​രു​ൾ ദു​ര​ന്ത​ത്തി​നു​ശേ​ഷം ജി​ല്ല​യി​ലെ വി​നോ​ദ സ​ഞ്ചാ​ര മേ​ഖ​ല​യി​ലാ​കെ​ത്ത​ന്നെ മാ​ന്ദ്യം അ​നു​ഭ​വ​പ്പെ​ടു​ന്ന​തി​ന്‍റെ ഭാ​ഗ​മാ​ണ് കാ​ന്ത​ൻ​പാ​റ​യി​ലും സ​ഞ്ചാ​രി​ക​ളു​ടെ എ​ണ്ണ​ത്തി​ൽ വ​ന്ന കു​റ​വു​ണ്ടാ​യ​തെ​ന്നാ​ണ് വി​ല​യി​രു​ത്ത​ൽ. റോ​ഡി​ന്‍റെ ശോ​ച്യാ​വ​സ്ഥ​യും മ​റ്റൊ​രു കാ​ര​ണ​മാ​യി. മ​ഴ മു​ന്ന​റി​യി​പ്പി​ന്‍റെ ഭാ​ഗ​മാ​യി തു​ട​ർ​ച്ച​യാ​യി പ്ര​ഖ്യാ​പി​ക്കു​ന്ന റെ​ഡ്, ഓ​റ​ഞ്ച്, യെ​ല്ലോ അ​ല​ർ​ട്ടു​ക​ളും സ​ന്ദ​ർ​ശ​ക​രെ പി​ന്തി​രി​പ്പി​ക്കു​ന്ന​താ​യും ചൂ​ണ്ടി​ക്കാ​ണി​ക്ക​പ്പെ​ടു​ന്നു.