കാ​ട്ടാ​ന​യാ​ക്ര​മ​ണ​ത്തി​ൽ എ​ന്തു കാ​ട്ടാ​ൻ

മൂ​ഴി​മ​ല: മൂ​ഴി​മ​ല​യി​ല്‍ കാ​ട്ടാ​ന ആ​ക്ര​മ​ത്തി​ല്‍ വ്യാ​പ​ക കൃ​ഷി​നാ​ശം. കു​ഴി​യോ​ടി​യി​ല്‍ സ​ന്തോ​ഷി​ന്റെ വീ​ടി​ന് മു​ക​ളി​ലേ​ക്ക് സ​മീ​പ​ത്തെ കൃ​ഷി​യി​ട​ത്തി​ലെ തെ​ങ്ങും ക​മു​കും മ​റി​ച്ചി​ട്ടു. വീ​ട് ഭാ​ഗി​ക​മാ​യി ത​ക​ര്‍ന്നു. സം​ഭ​വ സ​മ​യ​ത്ത് വീ​ട്ടി​നു​ള്ളി​ല്‍ ആ​ളി​ല്ലാ​തി​രു​ന്ന​തി​നാ​ല്‍ ആ​ള​പാ​യ​മു​ണ്ടാ​യി​ല്ല.

ഒ​രാ​ഴ്ച​യാ​യി ഒ​റ്റ​യാ​ന്‍ മൂ​ഴി​മ​ല പ്ര​ദേ​ശ​ത്തെ കൃ​ഷി​യി​ട​ങ്ങ​ളി​ലെ​ത്തു​ന്നു​ണ്ട്. വ​ട​ക്കേ​ല്‍ മാ​ത്യു​വി​ന്റെ കൃ​ഷി​യി​ട​ത്തി​ലെ ഒ​മ്പ​ത് ന​ശി​പ്പി​ച്ച​ത്. ഇ​യാ​ളു​ടെ കൃ​ഷി​യി​ട​ത്തി​ലെ ക​മു​ക്, വാ​ഴ തു​ട​ങ്ങി​യ​വ​യും ന​ശി​പ്പി​ച്ചി​ട്ടു​ണ്ട്. നെ​ല്ലി​ക്കു​ന്നേ​ല്‍ ജോ​സ്, ആ​ലു​ങ്ക​ല്‍ ടോ​മി, പു​ത്ത​ന്‍പു​ര​ക്ക​ല്‍ ബി​ജു തു​ട​ങ്ങി​യ ക​ര്‍ഷ​ക​രു​ടെ കൃ​ഷി​യി​ട​ങ്ങ​ളി​ലും നാ​ശ​ന​ഷ്ടം വ​രു​ത്തി.

ബി​ജു​വി​ന്റെ കൃ​ഷി​യി​ട​ത്തി​ന് ചു​റ്റും സ്ഥാ​പി​ച്ചി​രു​ന്ന ഷോ​ക്ക് ഫെ​ന്‍സി​ങ് കാ​ട്ടാ​ന​യു​ടെ ആ​ക്ര​മ​ണ​ത്തി​ല്‍ ന​ശി​ച്ചു. ശ​ബ്ദം കേ​ട്ട് വീ​ടി​ന് പു​റ​ത്തി​റ​ങ്ങി​യ നെ​ല്ലി​ക്കു​ന്നേ​ല്‍ ജോ​സ് ഒ​റ്റ​യാ​ന്റെ മു​ന്നി​ല്‍ നി​ന്ന് ത​ല​നാ​രി​ഴ​ക്കാ​ണ് ര​ക്ഷ​പ്പെ​ട്ട​ത്.

പ്ര​ദേ​ശ​ത്തെ നി​ര​വ​ധി ക​ര്‍ഷ​ക​രു​ടെ നെ​ല്‍കൃ​ഷി​യും ന​ശി​പ്പി​ച്ചി​ട്ടു​ണ്ട്. വി​ശ്വ​നാ​ഥ​ന്‍ ചി​റ​യി​ല്‍, ജോ​ര്‍ജ് പീ​ത്തു​രു​ത്തേ​ല്‍, ജോ​ണി പ​ര​ത്ത​നാ​ല്‍ തു​ട​ങ്ങി​യ ക​ര്‍ഷ​ക​രു​ടെ നെ​ല്‍കൃ​ഷി​യാ​ണ് ന​ശി​പ്പി​ച്ച​ത്. നി​ല​വി​ലു​ണ്ടാ​യി​രു​ന്ന വൈ​ദ്യു​ത​വേ​ലി പു​തു​ക്കി നി​ര്‍മി​ക്കാ​ൻ മാ​റ്റി​യ​തി​നാ​ല്‍ കാ​ട്ടാ​ന​ക​ള്‍ക്ക് സു​ഗ​മ​മാ​യി കൃ​ഷി​യി​ട​ത്തി​ലെ​ത്താ​നാ​കും. വ​നം​വ​കു​പ്പ് ഉ​ദ്യോ​ഗ​സ്ഥ​ര്‍ സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി. പ്ര​ദേ​ശ​ത്ത് വ​ന്യ​മൃ​ഗ​ങ്ങ​ള്‍ കൃ​ഷി​ന​ശി​പ്പി​ക്കു​ന്നു​ണ്ടെ​ങ്കി​ലും ന​ഷ്ട​പ​രി​ഹാ​രം ല​ഭി​ച്ചി​ട്ടി​ല്ലെ​ന്ന് ക​ര്‍ഷ​ക​ര്‍ പ​റ​യു​ന്നു.

മ​ധ്യ​വ​യ​സ്‌​ക​ന് പ​രി​ക്ക്

കാ​ട്ടി​ക്കു​ളം: കാ​ട്ടി​ക്കു​ള​ത്തി​ന് സ​മീ​പം കാ​ട്ടാ​ന​യു​ടെ ആ​ക്ര​മ​ണ​ത്തി​ല്‍ മ​ധ്യ​വ​യ​സ്‌​ക​ന് പ​രി​ക്ക്. മ​ണ്ണു​ണ്ടി ഉ​ന്ന​തി​യി​ലെ ചി​ന്ന​നാണ് (51) പ​രി​ക്കേ​റ്റ​ത്. ശ​നി​യാ​ഴ്ച പു​ല​ര്‍ച്ചെ മൂ​ന്നി​നാ​ണ് സം​ഭ​വം. വീ​ട്ടു​മു​റ്റ​ത്തെ​ത്തി​യ കാ​ട്ടാ​ന​യെ തു​ര​ത്താ​ന്‍ ശ്ര​മി​ക്കു​ന്ന​തി​നി​ടെ കാ​ട്ടാ​ന ആ​ക്ര​മി​ക്കു​ക​യാ​യി​രു​ന്നു​വെ​ന്ന് വീ​ട്ടു​കാ​ര്‍ പ​റ​യു​ന്നു. ചി​ന്ന​ന്റെ വാ​രി​യെ​ല്ലു​ക​ളും ഷോ​ള്‍ഡ​റും പൊ​ട്ടി​യി​ട്ടു​ണ്ട്.

മാ​ന​ന്ത​വാ​ടി മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ൽ പ്രാ​ഥ​മി​ക ചി​കി​ത്സ ന​ൽ​കി​യ ശേ​ഷം വി​ദ​ഗ്ധ ചി​കി​ത്സ​ക്ക് കോ​ഴി​ക്കോ​ട് മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ലേ​ക്ക് മാ​റ്റി. ബേ​ഗൂ​ര്‍ വ​ന​പാ​ല​ക​രും ആ​ര്‍.​ആ​ര്‍.​ടി സം​ഘ​വും സ്ഥ​ല​ത്തെ​ത്തി. ബാ​വ​ലി​യി​ലെ ഫോ​റ​സ്റ്റ് വാ​ച്ച​റാ​യ ദേ​വി​യു​ടെ ഭ​ര്‍ത്താ​വാ​ണ് ചി​ന്ന​ന്‍.