Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightWayanadchevron_rightഎന്നുവരും...

എന്നുവരും 'എന്നൂര്'...?

text_fields
bookmark_border
എന്നുവരും എന്നൂര്...?
cancel
camera_alt

എ​ന്നൂ​ര് പ​ദ്ധ​തി​ക്കു​കീ​ഴി​​ലെ ട്രൈ​ബ​ൽ ബി​സി​ന​സ് മാ​ർ​ക്ക​റ്റ്

വൈ​ത്തി​രി: ആ​ദി​വാ​സി ഉ​ന്ന​മ​ന പ​ദ്ധ​തി​യാ​യ പൂ​ക്കോ​ട് 'എ​ന്നൂ​ര്' ഗോ​ത്ര പൈ​തൃ​ക പ​ദ്ധ​തി​യു​ടെ പ്ര​വ​ർ​ത്ത​നം തു​ട​ങ്ങാ​നി​രി​ക്കെ വ​നം​വ​കു​പ്പ് ഇ​ട​പെ​ട്ട​തി​നെ തു​ട​ർ​ന്ന് മു​ന്നോ​ട്ടു​ള്ള പ്ര​യാ​ണം അ​നി​ശ്ചി​ത​ത്വ​ത്തി​ൽ. എ​ന്നൂ​ര് പ​ദ്ധ​തി തു​ട​ങ്ങി​യ പൂ​ക്കോ​ട് പ്രി​യ​ദ​ർ​ശി​നി കോ​ള​നി​യോ​ട് ചേ​ർ​ന്ന പ്ര​ദേ​ശം വ​നം വ​കു​പ്പി​ന്റെ അ​ധീ​ന​ത​യി​ൽ നി​ക്ഷി​പ്ത വ​ന​ഭൂ​മി​യി​ൽ​പെ​ട്ട​താ​ണെ​ന്ന വാ​ദ​മു​ന്ന​യി​ച്ചാ​ണ് അ​ധി​കൃ​ത​ർ​ക്ക് വ​നം​വ​കു​പ്പ് നോ​ട്ടീ​സ് ന​ൽ​കി​യി​രി​ക്കു​ന്ന​ത്. ഏ​താ​ണ്ട് പൂ​ർ​ണ​ത​യി​ലെ​ത്തി​യ പ​ദ്ധ​തി​യാ​ണ് ഇ​തോ​ടെ ത്രി​ശ​ങ്കു​വി​ലാ​യി​രി​ക്കു​ന്ന​ത്.

കേ​ര​ള​ത്തി​ല​ങ്ങോ​ള​മി​ങ്ങോ​ള​മു​ള്ള ആ​ദി​വാ​സി ഗോ​ത്ര സ​മൂ​ഹ​ങ്ങ​ളു​ടെ ജീ​വി​ത​ശൈ​ലി​യും സം​സ്കാ​ര​വും ക​ല​ക​ളും ആ​വി​ഷ്കാ​ര​ങ്ങ​ളും പ്ര​തി​ഫ​ലി​പ്പി​ക്കു​ന്ന ഈ ​ഗോ​ത്ര പൈ​തൃ​ക പ​ദ്ധ​തി​യി​ൽ പ്ര​ത്യേ​ക​മാ​യി നി​ർ​മി​ക്കു​ന്ന ട്രെ​യി​നി​ങ് സെ​ന്റ​റി​ൽ ആ​ദി​വാ​സി വി​ഭാ​ഗ​ങ്ങ​ൾ​ക്ക് ആ​രോ​ഗ്യ, വി​ദ്യാ​ഭ്യാ​സ, തൊ​ഴി​ല​ധി​ഷ്ഠി​ത പ്ര​ഫ​ഷ​ന​ൽ പ​രി​ശീ​ല​ന​ങ്ങ​ളും ന​ൽ​കാ​നാ​ണ് പ​ദ്ധ​തി​യി​ട്ടി​രു​ന്ന​ത്. ആ​ദി​വാ​സി​ക​ളു​ടെ കാ​ർ​ഷി​ക​വും അ​ല്ലാ​ത്ത​തു​മാ​യ എ​ല്ലാ ഉ​ൽ​പ​ന്ന​ങ്ങ​ൾ​ക്കും വി​ദേ​ശ​ത്ത​ട​ക്കം വി​പ​ണി ക​ണ്ടെ​ത്താ​നും പ​ദ്ധ​തി​യി​ട്ടി​രു​ന്നു.

ട്രൈ​ബ​ൽ മാ​ർ​ക്ക​റ്റ്, ഓ​പ​ൺ എ​യ​ർ തി​യ​റ്റ​ർ, ട്രൈ​ബ​ൽ ഭ​ക്ഷ​ണ​ശാ​ല, ആ​ർ​ട്ട്​ മ്യൂ​സി​യം, ക​ലാ​കേ​ന്ദ്ര​ങ്ങ​ളും അ​തി​ന്റെ വ​ർ​ക്ക് ഷോ​പ്പു​ക​ളും കു​ട്ടി​ക​ൾ​ക്കാ​യു​ള്ള പ്ര​കൃ​തി​ദ​ത്ത​മാ​യ പാ​ര​മ്പ​ര്യ ക​ളി​സ​ങ്കേ​ത​ങ്ങ​ളു​ൾ​പ്പെ​ടെ​യു​ള്ള പാ​ർ​ക്ക് എ​ന്നി​വ​യും എ​ന്നൂ​ര് പ​ദ്ധ​തി​യു​ടെ ഭാ​ഗ​മാ​യി വി​ഭാ​വ​നം ചെ​യ്തി​രു​ന്നു. ഫെ​സി​ലി​റ്റേ​ഷ​ൻ സെ​ന്റ​റും ഗോ​ഡൗ​ണും ഉ​ൾ​പ്പെ​ടെ നി​ര​വ​ധി സ​ജ്ജീ​ക​ര​ണ​ങ്ങ​ളു​മാ​യാ​ണ് പൈ​തൃ​ക​ഗ്രാ​മം ഉ​യ​ർ​ന്നു​വ​രാ​ൻ പ​ദ്ധ​തി​യി​ട്ടി​രു​ന്ന​ത്.

നി​ക്ഷി​പ്ത വ​ന​ഭൂ​മി​യെ​ന്ന് വ​നം​വ​കു​പ്പ്

എ​ന്നൂ​ർ പ​ദ്ധ​തി​ക്ക് വേ​ണ്ടി ക​ണ്ടെ​ത്തി​യി​ട്ടു​ള്ള സ്ഥ​ലം 1998ൽ ​പ്രി​യ​ദ​ർ​ശി​നി തേ​യി​ല എ​സ്റ്റേ​റ്റി​ന് വേ​ണ്ടി കൊ​ടു​ത്ത ഭൂ​മി​യാ​ണ്. ഭൂ​മി 2003ൽ ​നി​ക്ഷി​പ്ത വ​ന​മാ​യി പ്ര​ഖ്യാ​പി​ക്ക​പ്പെ​ട്ടു എ​ന്നാ​ണ് വ​നം​വ​കു​പ്പ് പ​റ​യു​ന്ന​ത്. ഇ​തേ വാ​ദ​മു​ന്ന​യി​ച്ച് പൂ​ക്കോ​ട് വെ​റ്റ​റി​ന​റി സ​ർ​വ​ക​ലാ​ശാ​ല​ക്കു​മെ​തി​രെ ന​ട​പ​ടി​യെ​ടു​ത്ത കേ​സ് ഇ​പ്പോ​ൾ സു​പ്രീം​കോ​ട​തി​യി​ലാ​ണ്. സ​ർ​വ​ക​ലാ​ശാ​ല​ക്ക് അ​നു​കൂ​ല​മാ​യി കേ​ര​ള ഹൈ​കോ​ട​തി​യും ഗ്രീ​ൻ ട്രൈ​ബ്യൂ​ണ​ലും പു​റ​പ്പെ​ടു​വി​ച്ച വി​ധി​ക​ൾ​ക്കെ​തി​രെ​യാ​ണ് വ​നം​വ​കു​പ്പ് സു​പ്രീം​കോ​ട​തി​യി​ൽ അ​പ്പീ​ൽ ന​ൽ​കി​യി​ട്ടു​ള്ള​ത്.

ഹൈ​കോ​ട​തി​യി​ൽ​നി​ന്ന​ട​ക്ക​മു​ള്ള അ​നു​കൂ​ല​വി​ധി​യു​ടെ അ​ടി​സ്ഥാ​ന​ത്തി​ലാ​ണ് മേ​ഖ​ല​യി​ലെ മ​റ്റു സ്ഥാ​പ​ന​ങ്ങ​ളെ പോ​ലെ എ​ന്നൂ​ർ ഗോ​ത്ര​പ​ദ്ധ​തി​യും ഉ​യ​ർ​ന്നു​വ​ന്ന​ത്. ഈ ​പ​ദ്ധ​തി​യി​ൽ കെ​ട്ടി​ട​ങ്ങ​ളു​ടേ​ത​ട​ക്ക​മു​ള്ള മി​ക്ക​വാ​റും എ​ല്ലാ പ്ര​വൃ​ത്തി​ക​ളും പൂ​ർ​ത്തി​യാ​യ​പ്പോ​ഴാ​ണ് വ​നം​വ​കു​പ്പ് അ​പ്പീ​ൽ ന​ൽ​കി​യ​ത്. 2018ൽ ​വ​നം​വ​കു​പ്പ് സ്റ്റോ​പ് മെ​മ്മോ ന​ൽ​കു​ക​യും ഇ​തു​കാ​ര​ണം 10 മാ​സ​ത്തോ​ളം എ​ന്നൂ​രി​ലെ നി​ർ​മാ​ണ​പ്ര​വ​ർ​ത്ത​ന​ങ്ങ​ൾ നി​ർ​ത്തി​വെ​ക്കു​ക​യും ചെ​യ്തി​രു​ന്നു.

പി​ന്നീ​ട് വ​നം​വ​കു​പ്പ് പ്രി​ൻ​സി​പ്പ​ൽ സെ​ക്ര​ട്ട​റി​യു​മാ​യി ന​ട​ത്തി​യ ച​ർ​ച്ച​ക​ൾ​ക്കൊ​ടു​വി​ലാ​ണ് നി​ർ​മാ​ണ​പ്ര​വൃ​ത്തി​ക​ൾ പു​ന​രാ​രം​ഭി​ച്ച​ത്.

വ​നം​വ​കു​പ്പി​ന്റെ വാ​ദം തെ​റ്റെ​ന്ന് അ​ധി​കൃ​ത​ർ

ക​ൺ​സ​ർ​വേ​ഷ​ൻ ആ​ക്ട് പ്ര​കാ​ര​മു​ള്ള ഭൂ​മി​യാ​ണ് പ​ദ്ധ​തി​ക്ക് വേ​ണ്ടി മാ​റ്റി​വെ​ച്ച​തെ​ന്ന വ​നം​വ​കു​പ്പി​ന്റെ വാ​ദം ഖ​ണ്ഡി​ക്കു​ക​യാ​ണ് എ​ന്നൂ​ർ അ​ധി​കൃ​ത​ർ. ഈ ​സ്ഥ​ലം ഫോ​റ​സ്റ്റ് ക​ൺ​സ​ർ​വേ​ഷ​ൻ ആ​ക്ട് നി​ല​വി​ൽ വ​രു​ന്ന​തി​നു മു​മ്പു​ത​ന്നെ റ​വ​ന്യൂ വ​കു​പ്പി​ന് കൈ​മാ​റി​യ​തി​നാ​ൽ ആ ​നി​യ​മം ഈ ​സ്ഥ​ല​ത്തി​ന്​ ബാ​ധ​ക​മ​ല്ല. വ​നം​വ​കു​പ്പ് ഉ​ന്ന​യി​ക്കു​ന്ന വാ​ദം തി​ക​ച്ചും വി​രോ​ധാ​ഭാ​സ​വും ആ​ദി​വാ​സി ഉ​ന്ന​മ​ന പ്ര​വൃ​ത്തി​ക​ൾ​ക്ക്​ ത​ട​യി​ടു​ന്ന​തു​മാ​ണെ​ന്നാ​ണ് അ​ധി​കൃ​ത​രു​ടെ വാ​ദം. റ​വ​ന്യൂ​വ​കു​പ്പ് ഏ​റ്റെ​ടു​ത്ത​ശേ​ഷ​മാ​ണ് പ​ഴ​യ കാ​ല​ത്തെ പൂ​ക്കോ​ട് ഡെ​യ​റി പ്രോ​ജ​ക്ട്​ ത​ന്നെ വ​രു​ന്ന​ത്.

ഈ ​ഭൂ​മി അ​നി​മ​ൽ ഹ​സ്ബ​ൻ​ഡ​റി പ​ദ്ധ​തി​ക​ൾ​ക്കും ആ​ദി​വാ​സി​ക​ളു​ടെ ഉ​ന്ന​മ​ന​ത്തി​നും വേ​ണ്ടി​യാ​ണെ​ന്നും അ​തോ​ടൊ​പ്പം ആ​ദി​വാ​സി​ക​ളു​ടെ ഉ​പ​ജീ​വ​ന മാ​ർ​ഗ​ത്തി​നാ​വ​ശ്യ​മാ​യ മ​റ്റു പ​ദ്ധ​തി​ക​ൾ കൂ​ടി ന​ട​പ്പി​ൽ വ​രു​ത്താ​മെ​ന്നും ഡെ​യ​റി പ്രോ​ജ​ക്ടി​ന്റെ സ​ർ​ക്കാ​ർ ഉ​ത്ത​ര​വി​ൽ പ​റ​ഞ്ഞി​ട്ടു​ണ്ട്. ഈ ​സാ​ഹ​ച​ര്യ​ത്തി​ൽ ഭൂ​മി ക​ൺ​സ​ർ​വേ​ഷ​ൻ നി​യ​മ​ത്തി​ന്റെ പ​രി​ധി​യി​ലാ​ണെ​ന്നും ഭൂ​മി ത​രം​മാ​റ്റി​യി​ട്ടി​ല്ലെ​ന്നും റി​സ​ർ​വേ​ഷ​നി​ലേ​ക്ക്​ കൊ​ണ്ടു​വ​ന്നി​ട്ടി​ല്ലെ​ന്നു​മു​ള്ള വാ​ദ​മാ​ണ് വ​നം​വ​കു​പ്പ് ഉ​ന്ന​യി​ക്കു​ന്ന​ത്. റ​വ​ന്യൂ​വ​കു​പ്പി​ന് കൈ​മാ​റ്റം ചെ​യ്ത ഭൂ​മി പി​ന്നീ​ട് ത​രം​മാ​റ്റാ​ൻ ക​ഴി​യി​ല്ല. 1979ലാ​ണ് ഭൂ​മി കൈ​മാ​റ്റം ചെ​യ്ത​ത്. 1980ലാ​ണ് ക​ൺ​സ​ർ​വേ​ഷ​ൻ ആ​ക്ട് നി​ല​വി​ൽ വ​രു​ന്ന​ത്.

നി​യ​മ​വി​ധേ​യ​മാ​ക്കി​യി​ല്ലെ​ങ്കി​ൽ പ​ണി​കി​ട്ടും

വ​നം​വ​കു​പ്പി​ന്റെ നി​ക്ഷി​പ്ത വ​ന​ഭൂ​മി​യി​ലാ​ണ് എ​ന്നൂ​ര് പ​ദ്ധ​തി നി​ൽ​ക്കു​ന്ന​തെ​ന്നും ഭൂ​മി ത​രം​മാ​റ്റാ​തെ നി​ർ​മാ​ണ പ്ര​വൃ​ത്തി​ക​ൾ ന​ട​ത്തു​ന്ന​ത് നി​യ​മ​വി​രു​ദ്ധ​മാ​ണെ​ന്നും സൗ​ത്ത് വ​യ​നാ​ട് ഡി.​എ​ഫ്.​ഒ ഷ​ജ്‌​ന ക​രീം 'മാ​ധ്യ​മ'​ത്തോ​ട് പ​റ​ഞ്ഞു. ഈ ​നി​യ​മം പൂ​ക്കോ​ട് സ​ർ​വ​ക​ലാ​ശാ​ല​ക്ക​ട​ക്കം ബാ​ധ​ക​മാ​ണ്. ഭൂ​മി​യു​ടെ രേ​ഖ​ക​ൾ ത​രം​മാ​റ്റി നി​യ​മ വി​ധേ​യ​മാ​ക്കി​യി​ല്ലെ​ങ്കി​ൽ ഈ ​മേ​ഖ​ല​യി​ലെ മു​ഴു​വ​ൻ പ​ദ്ധ​തി​ക​ളും സ്ഥാ​പ​ന​ങ്ങ​ളും അ​ട​ച്ചു​പൂ​ട്ടേ​ണ്ടി​വ​രും.

കേ​ര​ള​ത്തി​ലെ പ​ദ്ധ​തി​ക​ൾ​ക്കെ​തി​രെ ന​ട​പ​ടി​ക​ളെ​ടു​ക്കു​ന്ന വ​നം​വ​കു​പ്പ് കേ​ന്ദ്ര​സ​ർ​ക്കാ​റി​ന്റെ പ​ദ്ധ​തി​യാ​യ ന​വോ​ദ​യ സ്‌​കൂ​ൾ നി​ല​കൊ​ള്ളു​ന്ന സ്ഥ​ല​ത്തി​നോ അ​തി​ന്റെ പ്ര​വ​ർ​ത്ത​ന​ങ്ങ​ൾ​ക്കോ എ​തി​രെ ഒ​രു ന​ട​പ​ടി​യും എ​ടു​ക്കു​ന്നി​ല്ലെ​ന്നും വി​മ​ർ​ശ​ന​മു​ണ്ട്. സ​ർ​ക്കാ​റി​ന്റെ ഉ​ന്ന​ത ഇ​ട​പെ​ട​ലു​ക​ൾ അ​ടി​യ​ന്ത​ര​മാ​യി ഉ​ണ്ടാ​യി​ല്ലെ​ങ്കി​ൽ കോ​ടി​ക്ക​ണ​ക്കി​ന്​ രൂ​പ മു​ട​ക്കി ആ​ദി​വാ​സി​ക​ളു​ടെ ഉ​ന്ന​മ​ന​ത്തി​നു​വേ​ണ്ടി നി​ർ​മി​ച്ച എ​ന്നൂ​ർ ഗോ​ത്ര പൈ​തൃ​ക പ​ദ്ധ​തി​യു​ടെ ഭാ​വി വെ​ള്ള​ത്തി​ലാ​കും.

ഭൂ​മി​ക്കൊ​പ്പം ജോ​ലി​യും ല​ഭി​ക്കും

ഭൂ​മി​യോ​ടൊ​പ്പം ആ​ദി​വാ​സി​ക​ൾ​ക്ക് ജോ​ലി​യും ല​ഭി​ക്കു​ന്ന പ്ര​ധാ​ന​പ്പെ​ട്ട പ​ദ്ധ​തി​യാ​ണി​ത്. വ​നം​വ​കു​പ്പ് ഭൂ​മി ന​ൽ​കു​ക എ​ന്ന​തി​ന​പ്പു​റം അ​വ​രു​ടെ ഉ​ന്ന​മ​ന​ത്തി​നു​വേ​ണ്ടി​യു​ള്ള വ​ഴി​യി​ൽ ത​ട​സ്സം​നി​ൽ​ക്കു​ക​യാ​ണെ​ന്ന് എ​ന്നൂ​ർ അ​ധി​കൃ​ത​ർ പ​റ​യു​ന്നു. ഇ​ത്ത​രം സ്ഥ​ലം ആ​ദി​വാ​സി​ക​ൾ​ക്ക് ഒ​രേ​ക്ക​റോ അ​തി​ൽ കു​റ​വോ ആ​യി പ​തി​ച്ചു​ന​ൽ​കു​ന്ന​ത് ഗു​ണ​ക​ര​മ​ല്ല. മേ​ഖ​ല​യി​ലെ പ്ര​കൃ​തി​ദു​ര​ന്ത​ങ്ങ​ൾ ക​ണ​ക്കി​ലെ​ടു​ക്കു​​മ്പോ​ൾ ആ​ദി​വാ​സി കു​ടും​ബ​ങ്ങ​ൾ​ക്ക് കൂ​ട്ടാ​യ സ്ഥി​ര താ​മ​സ​ത്തി​നാ​യി അ​നു​യോ​ജ്യ​മ​ല്ല.

ജി​ല്ല ഭ​ര​ണ​കൂ​ടം പ്ര​ശ്ന​ത്തി​ൽ ഇ​ട​പെ​ടു​ന്നു​ണ്ടെ​ങ്കി​ലും ത​ല​സ്ഥാ​ന​ത്തെ വ​നം​വ​കു​പ്പ് ഉ​ന്ന​ത​രു​ടെ തീ​രു​മാ​ന​ങ്ങ​ളി​ൽ ഒ​ന്നും വെ​ളി​ച്ചം കാ​ണാ​തെ പോ​കു​ക​യാ​ണ്. ചീ​ഫ് സെ​ക്ര​ട്ട​റി​ക്കും പ്രി​ൻ​സി​പ്പ​ൽ സെ​ക്ര​ട്ട​റി​ക്കും എ​ന്നൂ​ർ പ്ര​ശ്ന​വു​മാ​യി ജി​ല്ല ഭ​ര​ണ​കൂ​ടം ക​ത്തു​ക​ള​യ​ച്ചി​ട്ടു​ണ്ട്. ഇ​പ്പോ​ഴ​ത്തെ പ്ര​ശ്ന​ത്തി​ന് അ​ടി​യ​ന്ത​ര​പ​രി​ഹാ​രം ക​ണ്ടെ​ത്താ​ൻ ക​ഴി​യു​മെ​ന്ന പ്ര​തീ​ക്ഷ​യി​ലാ​ണ് ജി​ല്ല ഭ​ര​ണ​കൂ​ടം.

ത​ട​സ്സ​മെ​ത്തി​യ​ത് നി​ർ​മാ​ണം തു​ട​ങ്ങി​യ​ശേ​ഷം

ട്രൈ​ബ​ൽ ക​ഫ​റ്റീ​രി​യ ആ​ൻ​ഡ് ഫെ​സി​ലി​റ്റേ​ഷ​ൻ

വ​നം​വ​കു​പ്പ് പ്രി​ൻ​സി​പ്പ​ൽ സെ​ക്ര​ട്ട​റി​യും ചീ​ഫ് ക​ൺ​സ​ർ​വേ​റ്റ​റും എ​ന്നൂ​ർ ഗോ​ത്ര​പ​ദ്ധ​തി തു​ട​ങ്ങു​ന്ന​തി​ൽ ത​ട​സ്സ​മി​ല്ല എ​ന്ന് സാ​ക്ഷ്യ​പ്പെ​ടു​ത്തി​യ​തി​നു​ശേ​ഷ​മാ​ണ് പ​ദ്ധ​തി​യു​ടെ നി​ർ​മാ​ണ​പ്ര​വൃ​ത്തി​ക​ൾ തു​ട​ങ്ങി​യ​ത്. ഇ​ത് തു​റ​ന്നു​പ്ര​വ​ർ​ത്തി​ക്കു​ന്ന​തി​ന് കേ​ന്ദ്ര​സ​ർ​ക്കാ​റി​ന് കീ​ഴി​ലെ പ​രി​സ്ഥി​തി​മ​ന്ത്രാ​ല​യ​ത്തി​ന്റെ ക്ലി​യ​റ​ൻ​സ് വേ​ണ​മെ​ന്ന് മാ​ത്ര​മാ​ണ് പ​റ​ഞ്ഞി​രി​ക്കു​ന്ന​ത്. എ​ന്നാ​ൽ, ഈ ​ക്ലി​യ​റ​ൻ​സ് ഒ​ന്നു​മി​ല്ലാ​തെ​യാ​ണ് പൂ​ക്കോ​ട് സ​ർ​വ​ക​ലാ​ശാ​ല, ന​വോ​ദ​യ സ്‌​കൂ​ൾ, മോ​ഡ​ൽ റ​സി​ഡ​ൻ​ഷ്യ​ൽ സ്‌​കൂ​ൾ തു​ട​ങ്ങി നി​ര​വ​ധി സ്ഥാ​പ​ന​ങ്ങ​ൾ ഇ​തേ ഭൂ​പ​രി​ധി​യി​ൽ പ്ര​വ​ർ​ത്തി​ക്കു​ന്ന​ത്.

എ​ന്നൂ​ര് പ​ദ്ധ​തി​യു​ടെ ഒ​ന്നാം ഘ​ട്ട​ത്തി​ന്റെ പ​ണി പൂ​ർ​ണ​മാ​യും ര​ണ്ടാം ഘ​ട്ട​ത്തി​ന്റെ പ​ണി 75 ശ​ത​മാ​ന​വും പ​ണി പൂ​ർ​ത്തീ​ക​രി​ക്കു​ക​യും ചെ​യ്ത​താ​ണ്. പ​ദ്ധ​തി​യി​ൽ കൈ​യി​ലു​ള്ള പ​ണ​മെ​ല്ലാം ചെ​ല​വ​ഴി​ച്ച് ആ​ദി​വാ​സി ഗു​ണ​ഭോ​ക്താ​ക്ക​ൾ സം​രം​ഭ​ങ്ങ​ൾ തു​ട​ങ്ങാ​ൻ എ​ന്നൂ​രി​ൽ കെ​ട്ടി​ട​മു​റി​ക​ൾ ലേ​ല​ത്തി​ൽ വാ​ങ്ങു​ക​യും സാ​ധ​ന സാ​മ​ഗ്രി​ക​ളും ഉ​ൽ​പ​ന്ന​ങ്ങ​ളും സ​ജ്ജീ​ക​രി​ക്കു​ക​യും ചെ​യ്തി​രു​ന്നു. വ​നം​വ​കു​പ്പ് ത​ട​സ്സ​വാ​ദ​മു​ന്ന​യി​ച്ച​തോ​ടെ അ​ത് തു​ട​ങ്ങാ​ൻ ക​ഴി​യു​ന്നി​ല്ല. ഈ ​ഭൂ​മി മു​ഴു​വ​ൻ ആ​ദി​വാ​സി​ക​ൾ​ക്ക് പ​തി​ച്ചു​കൊ​ടു​ക്കാ​ൻ വേ​ണ്ടി നീ​ക്കി​വെ​ച്ച​തെ​ന്നാ​ണ് വ​നം​വ​കു​പ്പ് പ​റ​യു​ന്ന​ത്.

എ​ന്നാ​ൽ, 2018ലെ ​പ്ര​ള​യ​ത്തി​ൽ ഈ ​ഭൂ​മി​യി​ൽ മ​ണ്ണൊ​ലി​പ്പും ഉ​രു​ൾ​പൊ​ട്ട​ലു​മ​ട​ക്കം നി​ര​വ​ധി നാ​ശ​ങ്ങ​ളു​മു​ണ്ടാ​യി​ട്ടു​ണ്ട്. ഭൂ​ര​ഹി​ത​രാ​യ ആ​ദി​വാ​സി​ക​ൾ​ക്ക് പ​തി​ച്ചു​ന​ൽ​കാ​ൻ വേ​ണ്ടി മാ​റ്റി​വെ​ച്ച ഭൂ​മി​യാ​ണെ​ന്നാ​ണ് വ​നം​വ​കു​പ്പി​ന്റെ വാ​ദം. അ​തേ ആ​ദി​വാ​സി വി​ഭാ​ഗ​ക്കാ​ർ​ക്ക് ജീ​വി​ത​മാ​ർ​ഗ​ത്തി​ന് വേ​ണ്ടി​യാ​ണ് എ​ന്നൂ​ർ പൈ​തൃ​ക പ​ദ്ധ​തി കൊ​ണ്ടു​വ​ന്നി​ട്ടു​ള്ള​തെ​ന്ന് അ​ധി​കൃ​ത​ർ ചൂ​ണ്ടി​ക്കാ​ട്ടു​ന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:forest departmenttribal issuetribal Project
News Summary - en uru tribal project facing issues due to forest department intervention
Next Story