കോവിഡ്​ ലോക്കിൽ 'കൂർഗ്​​ ഓറഞ്ച്' കർഷകരും​

വീരാജ്​പേട്ട: രണ്ടുവർഷത്തെ ഏപ്രിൽ-​മേയ്​ മാസത്തെ സമ്പൂർണ അടച്ചുപൂട്ടൽ കുടകിലെ ഒാറഞ്ച്​ കർഷകരടക്കമുള്ളവരെയും കാർഷികോൽപന്ന വ്യാപാരികളെയും ദുരിതത്തിലാഴ്​ത്തി​.

കുടകിലെ ഫലവത്തായ മണ്ണും തണുത്ത​ കാലാവസ്​ഥയും ഓറഞ്ച്​ കൃഷിക്ക്​ അനുയോജ്യമാണെന്ന്​ കണ്ടറിഞ്ഞ ബ്രിട്ടീഷുകാരാണ്​ ഓറഞ്ച്​ കൃഷിയുടെ വികസനത്തിന്​ പദ്ധതി തയാറാക്കിയത്​. കുടകിൽ ഇപ്പോൾ 8000 ഹെക്​ടർ പ്രദേശത്ത്​ വർഷത്തിൽ 30,000 ടൺ ഓറഞ്ച്​ വിളയുന്നതായാണ്​ കണക്ക്​. കർഷകർക്ക്​ ഒരു കിലോ ഓറഞ്ചിന്​ 20 മുതൽ 30 രൂപവരെ വില ലഭിക്കു​േമ്പാൾ കോഴിക്കോട്​, ബംഗളൂരു, ഹൈദരാബാദ്​ മാർക്കറ്റുകളിൽ 80 രൂപ മുതൽ 120 രൂപവരെ വിലയുണ്ട്​ 'കൂർഗ്​​ ഓറഞ്ചി'ന്​.

മുൻവർഷങ്ങളെ അപേക്ഷിച്ച്​ ഇത്തവണ നല്ല വിളവെടുപ്പാണ്​. എന്നാൽ, ഓറഞ്ച്​ എടുക്കാൻ ആളില്ല എന്നതാണ്​ ദുരിതമായത്​. രണ്ടുവർഷത്തെ ലോക്​ഡൗൺ ഓറഞ്ച്​ കർഷകരെയും ലോക്കിലാക്കി. എല്ലാ വർഷവും കുടക്​​ സന്ദർശിക്കുന്ന വിദേശരാജ്യങ്ങളിലെയും ഇതര സംസ്​ഥാനങ്ങളിലെയും വിനോദസഞ്ചാരികളാണ്​ ഓറഞ്ചി​‍െൻറ പ്രധാന ഉപഭോക്​താക്കൾ.

എന്നാൽ, കഴിഞ്ഞ രണ്ടു വർഷവും വിനോദസഞ്ചാരികൾ കുടകിലേക്ക്​​ തിരിഞ്ഞുനോക്കിയിട്ടില്ല. ഇത്തവണ ജില്ലയിലെ ബാളലെ, തിതിമത്തി, കാനൂർ, കുട്ട എന്നിവിടങ്ങളിലാണ്​ നല്ലയിനം ഓറഞ്ച്​ വിളവ്​ കൂടുതലും. സ്​ഥിതി സാധാരണ നിലയിലാണെങ്കിൽ 'മൺസൂൺ ടൂറിസ'ത്തി​‍െൻറ സമയമാണിപ്പോൾ. കേരളത്തിലേക്കുള്ള ചരക്കുഗതാഗതം നിലച്ചതോടെ കർഷകരുടെ കേരള പ്രതീക്ഷയും മങ്ങി. കഴിഞ്ഞ വർഷങ്ങളെ അപേക്ഷിച്ച്​ ഇത്തവണ വിളവെടുപ്പ്​ നേരത്തെയാണ്​. മുമ്പത്തേതുപോലെ തൊഴിലാളികളെയും കിട്ടാനില്ല. ഇതര സംസ്​ഥാനങ്ങളിലേക്കുള്ള ചരക്കുഗതാഗതം നിലച്ച​േതാടെ തോട്ടങ്ങൾ പാട്ടത്തിന്​ എടുക്കുന്നവരുമില്ല. കഴിഞ്ഞ 10 വർഷമായി കേന്ദ്ര തോട്ടവിള ഗവേഷണകേന്ദ്രം നടപ്പാക്കിയ പല പദ്ധതികളുടെയും ഫലമായി 'കൂർഗ്​ ഓറഞ്ച്'​ ക്രമേണ ​പഴയകാല പ്രതാപം വീണ്ടെടുക്കുന്നുണ്ട്​. ജില്ലയിലെ ഗോണിക്കുപ്പ ഓറഞ്ച്​ സഹകരണ സംഘത്തിൽ ഓറഞ്ചി​‍െൻറ വിവിധ ഉൽപന്നങ്ങളുണ്ടാക്കി വിപണിയിൽ എത്തിക്കുന്നുണ്ട്​.