രാഷ്ട്രീയപ്പോരിന് തിരികൊളുത്തി കോൺഗ്രസ് പ്രവർത്തകരുടെ അറസ്റ്റ്

ക​ൽ​പ​റ്റ: ഒ​രി​ട​വേ​ള​ക്കു​ശേ​ഷം ജി​ല്ല​യി​ൽ കോ​ൺ​ഗ്ര​സ് പ്ര​വ​ർ​ത്ത​ക​രു​ടെ അ​റ​സ്റ്റ് രാ​ഷ്ട്രീ​യപ്പോ​രി​ന് തി​രി​കൊ​ളു​ത്തി​യി​രി​ക്കു​ക​യാ​ണ്. ക​ൽ​പ​റ്റ​യി​ലെ രാ​ഹു​ൽ ഗാ​ന്ധി എം.​പി​യു​ടെ ഓ​ഫി​സ് അ​ടി​ച്ചു​ത​ക​ർ​ത്ത​ത് എ​സ്.​എ​ഫ്.​ഐ പ്ര​വ​ർ​ത്ത​ക​രാ​ണെ​ങ്കി​ലും ഇ​തേ വി​ഷ​യ​ത്തി​ൽ ര​ണ്ടു​മാ​സ​ത്തി​നി​പ്പു​റം ഇ​പ്പോ​ഴ​ത്തെ അ​റ​സ്റ്റ് കോ​ൺ​ഗ്ര​സി​നെ പ്ര​തി​രോ​ധ​ത്തി​ലാ​ക്കി​യി​രി​ക്കു​ക​യാ​ണ്.

കേ​വ​ലം ചോ​ദ്യം ചെ​യ്യ​ലി​ൽ മാ​ത്രം അ​വ​സാ​നി​ക്കു​മെ​ന്ന ക​രു​തി​യി​ട​ത്താ​ണ് പൊ​ലീ​സ് അ​പ്ര​തീ​ക്ഷി​ത​മാ​യി രാ​ഹു​ൽ ഗാ​ന്ധി​യു​ടെ പി.​എ​യെ ഉ​ൾ​പ്പെ​ടെ അ​റ​സ്റ്റ് ചെ​യ്യു​ന്ന​ത്. അ​റ​സ്റ്റ് ന​ട​ന്ന​തി​ന് പി​ന്നാ​ലെ ക​ൽ​പ​റ്റ പൊ​ലീ​സ് സ്റ്റേ​ഷ​നി​ലേ​ക്ക് കൂ​ടു​ത​ൽ പൊ​ലീ​സു​കാ​രെ​ത്തി സു​ര​ക്ഷ ശ​ക്ത​മാ​ക്കി​യി​രു​ന്നു. അ​റ​സ്റ്റ് ചെ​യ്ത് വൈ​ദ്യ​പ​രി​ശോ​ധ​ന​ക്ക് കൊ​ണ്ടു​പോ​കു​ന്ന​തി​നി​ടെ സ്റ്റേ​ഷ​നി​ൽ ഐ.​സി. ബാ​ല​കൃ​ഷ്ണ​ൻ എം.​എ​ൽ.​എ​യും ടി. ​സി​ദ്ദീ​ഖ് എം.​എ​ൽ.​എ​യും ജി​ല്ല പ​ഞ്ചാ​യ​ത്ത് പ്ര​സി​ഡ​ന്റ് സം​ഷാ​ദ് മ​ര​ക്കാ​രു​മെ​ത്തി.

പൊ​ലീ​സു​മാ​യി ഏ​റെ നേ​രം നേ​താ​ക്ക​ൾ ച​ർ​ച്ച ന​ട​ത്തി. ഐ.​സി ബാ​ല​കൃ​ഷ്ണ​നും ടി. ​സി​ദ്ദീ​ഖു​മാ​ണ് അ​റ​സ്റ്റ് ചെ​യ്ത​വ​രെ ജാ​മ്യ​ത്തി​ലെ​ടു​ത്ത​ത്. ഗാ​ന്ധി പ്ര​തി​മ ത​ക​ർ​ത്ത​ത് കോ​ൺ​ഗ്ര​സ് നേ​താ​ക്ക​ളാ​ണെ​ന്ന് തു​ട​ക്കം മു​ത​ലു​ള്ള സി.​പി.​എ​മ്മി​ന്‍റെ ആ​രോ​പ​ണ​ത്തി​ന് ഇ​പ്പോ​ഴ​ത്തെ അ​റ​സ്റ്റ് അ​വ​ർ​ക്ക് പു​തി​യ ആ​യു​ധ​മാ​യി മാ​റി ക​ഴി​ഞ്ഞു. അ​തേ​സ​മ​യം, യ​ഥാ​ർ​ഥ പ്ര​തി​ക​ളെ പി​ടി​കൂ​ടാ​തെ സ​ർ​ക്കാ​രു​മാ​യി ചേ​ർ​ന്നു​കൊ​ണ്ട് പൊ​ലീ​സ് ന​ട​ത്തു​ന്ന നാ​ട​ക​മാ​ണി​തെ​ന്നാ​ണ് കോ​ൺ​ഗ്ര​സ് ആ​രോ​പി​ക്കു​ന്ന​ത്. വ​രും ദി​വ​സ​ങ്ങ​ളി​ൽ വി​ഷ​യം കോ​ൺ​ഗ്ര​സും സി.​പി.​എ​മ്മും ത​മ്മി​ലു​ള്ള രാ​ഷ്ട്രീ​യ​പ്പോര് മു​റു​ക്കു​മെ​ന്നു​റ​പ്പാ​യി​ക​ഴി​ഞ്ഞു.

അ​റ​സ്റ്റ് ചെ​യ്ത നാ​ലു​പേ​രെ​യും വൈ​കീട്ട് മൂ​ന്നോ​ടെ ജാ​മ്യ​ത്തി​ൽ​വി​ട്ട​ശേ​ഷ​മാ​ണ് നേ​താ​ക്ക​ൾ ഡി​വൈ.​എ​സ്.​പി ഓ​ഫി​സി​ന് മു​ന്നി​ൽ കു​ത്തി​യി​രു​ന്ന് പ്ര​തി​ഷേ​ധി​ച്ച​ത്. പ്ര​തി​ഷേ​ധം അ​വ​സാ​നി​പ്പി​ച്ച് ച​ർ​ച്ച ന​ട​ത്താ​ൻ ഡി​വൈ.​എ​സ്.​പി ആ​വ​ശ്യ​പ്പെ​ട്ടെ​ങ്കി​ലും നേ​താ​ക്ക​ൾ രോ​ഷാ​കു​ല​രാ​യി.

എ​സ്.​പി സ്ഥ​ല​ത്തി​ല്ലെ​ന്ന് പ​റ​ഞ്ഞെ​ങ്കി​ലും നേ​താ​ക്ക​ൾ പ്ര​തി​ഷേ​ധം തു​ട​രു​ക​യാ​യി​രു​ന്നു. ഇ​തി​നി​ട​ക്ക് ഗേ​റ്റ് തു​റ​ക്കാ​ൻ ആ​വ​ശ്യ​പ്പെ​ട്ട് പൊ​ലീ​സ് സ്റ്റേ​ഷ​ന് പു​റ​ത്ത് കോ​ൺ​ഗ്ര​സ് പ്ര​വ​ർ​ത്ത​ക​ർ പ്ര​തി​ഷേ​ധ​മു​യ​ർ​ത്തി. പൊ​ലീ​സി​നെ​തി​രെ മു​ദ്രാ​വാ​ക്യം വി​ളി​ച്ചാ​ണ് പ്ര​വ​ർ​ത്ത​ക​ർ പ്ര​തി​ഷേ​ധി​ച്ച​ത്.

എ​ൻ.​ജി.​ഒ അ​സോ​സി​യേ​ഷ​ൻ പ്ര​തി​ഷേ​ധ പ്ര​ക​ട​നം ന​ട​ത്തി​യ​തൊ​ഴി​ച്ചാ​ൽ എം.​എ​ൽ.​എ​മാ​രു​ടെ പൊ​ലീ​സ് സ്റ്റേ​ഷ​ൻ ഉ​പ​രോ​ധ സ​മ​ര​മ​ല്ലാ​തെ കാ​ര്യ​മാ​യ പ്ര​തി​ഷേ​ധ പ്ര​ക​ട​ന​മോ മ​റ്റോ കോ​ൺ​ഗ്ര​സി​ന്‍റെ ഭാ​ഗ​ത്തു​നി​ന്നു​ണ്ടാ​യി​ല്ല. എ​ന്നാ​ൽ, ഗാ​ന്ധി ചി​ത്രം ത​ക​ർ​ത്ത കോ​ൺ​ഗ്ര​സു​കാ​രെ ഒ​റ്റ​പ്പെ​ടു​ത്തു​ക എ​ന്ന ബാ​ന​റു​മാ​യി സി.​പി.​എം ക​ൽ​പ​റ്റ​യി​ൽ വ​ലി​യ പ്ര​തി​ഷേ​ധ ധ​ർ​ണ​യും ന​ട​ത്തി.

പി​ണ​റാ​യി​യു​ടെ മോ​ദി സ്തു​തി പാ​ട​ലാ​ണ് അ​റ​സ്റ്റെ​ന്ന് കോ​ൺ​ഗ്ര​സ്

കോ​ൺ​ഗ്ര​സ് നേ​താ​ക്ക​ളു​ടെ അ​റ​സ്റ്റി​ലൂ​ടെ മോ​ദി സ്തു​തി പാ​ട​ലാ​ണ് പി​ണ​റാ​യി വി​ജ​യ​ൻ ചെ​യ്തി​രി​ക്കു​ന്ന​തെ​ന്ന് കോ​ൺ​ഗ്ര​സ് നേ​താ​ക്ക​ൾ ആ​രോ​പി​ച്ചു. എ​സ്.​എ​ഫ്.​ഐ പ്ര​വ​ർ​ത്ത​ക​ർ ഓ​ഫി​സ് ആ​ക്ര​മി​ച്ചി​ട്ടും കോ​ൺ​ഗ്ര​സ് പ്ര​വ​ർ​ത്ത​ക​രെ പൊ​ലീ​സ് അ​റ​സ്റ്റ് ചെ​യ്ത​ത് ആ​സൂ​ത്രി​ത​മാ​ണ്. രാ​ഷ്ട്രീ​യ പ​ക​പോ​ക്ക​ലി​ന്‍റെ ഭാ​ഗ​മാ​യാ​ണ് ഇ​ത് ന​ട​ന്ന​ത്. ഓ​ഫി​സി​ന്‍റെ തൊ​ട്ട​ടു​ത്ത ആ​ശു​പ​ത്രി​യി​ലെ​യോ സ്ഥാ​പ​ന​ങ്ങ​ളി​ലെ​യോ സി​സി.ടി.വി ദൃ​ശ്യ​ങ്ങ​ള്‍ പ​രി​ശോ​ധി​ക്കാ​തെ ക​ല്‍പ​റ്റ പൊ​ലീ​സ് ഭ​ര​ണ​ക​ക്ഷി രാ​ഷ​ട്രീ​യ സ​മ്മ​ര്‍ദ​ത്തി​നു വ​ഴ​ങ്ങി​യാ​ണ് ഇ​പ്പോ​ഴ​ത്തെ നീ​ക്കം ന​ട​ത്തി​യ​തെ​ന്ന് നേ​താ​ക്ക​ൾ ആ​രോ​പി​ച്ചു. ബി.​ജെ.​പി​യെ സു​ഖി​പ്പി​ക്കു​ന്ന​തി​ന്റെ ഭാ​ഗ​മാ​യി​ട്ടാ​ണ് രാ​ഹു​ല്‍ ഗാ​ന്ധി​യു​ടെ പി.​എ​യെ വ​രെ അ​റ​സ്റ്റ് ചെ​യ്ത​ത്. മോ​ദി​ക്ക് സ്തു​തി പാ​ട​ലു​മാ​ണ്. അ​തോ​ടൊ​പ്പം ത​ന്നെ കേ​ന്ദ്ര സ​ർ​ക്കാ​റിന്‍റെ നി​ര​വ​ധി കേ​സു​ക​ളി​ല്‍ പ്ര​തി​യാ​യ സം​സ്ഥാ​ന ഭ​ര​ണ​ത്തി​ലെ നി​ര​വ​ധി നേ​താ​ക്ക​ളെ​യും മ​ന്ത്രി​മാ​രെ​യും ര​ക്ഷ​പ്പെ​ടു​ത്തു​ന്ന​തി​നും മോ​ദി​യെ തൃ​പ്തി​പ്പെ​ടു​ത്തു​ന്ന​തി​നും എ​ടു​ത്ത ക​ള്ളക്കേസാ​ണി​ത്. പൊ​ലീ​സ് എ​ഫ്.​ഐ. ആ​റി​ല്‍ പ​റ​യു​ന്ന​ത് ഏ​തോ പ്ര​തി നി​ല​ത്ത് വ​ലി​ച്ചി​ട്ട് പൊ​ട്ടി​ച്ചു എ​ന്നാ​ണ്. ഇ​തി​ന്റെ പേ​രി​ലാ​ണ് അ​റ​സ്റ്റ് ചെ​യ്തി​രി​ക്കു​ന്ന​ത്. നീ​തി​യു​ടെ പ​ക്ഷ​ത്ത് നി​ല്‍ക്കേ​ണ്ട പൊ​ലീ​സ് തീ​ര്‍ത്തും ക​ട​ക​വി​രു​ദ്ധ​മാ​യി ഭ​ര​ണ​ക​ക്ഷി​യു​ടെ സ​മ്മ​ര്‍ദത്തി​നു വ​ഴ​ങ്ങി​യാ​ണ് എം.​പി ഓ​ഫീ​സ് സ്റ്റാ​ഫു​ക​ള്‍ക്കെ​തി​രെ ക​ള്ള​ക്കേസ് എ​ടു​ത്ത​ത്. ക​ഴി​ഞ്ഞ ദി​വ​സം ഈ ​കേ​സു​മാ​യി ബ​ന്ധ​പ്പെ​ട്ട് യാ​തൊ​രു ബ​ന്ധ​വു​മി​ല്ലാ​ത്ത ജോ​ര്‍ജ് അ​ഞ്ജ​ലി എ​ന്ന കോ​ണ്‍ഗ്ര​സ് പ്ര​വ​ര്‍ത്ത​ക​ന്റെ വീ​ട് പൊ​ലീ​സ് വ​ള​യു​ക​യും ഭീ​ക​രാ​ന്ത​രീ​ക്ഷം സൃ​ഷ്ടി​ക്കു​ക​യും ചെ​യ്തു. നി​ര​പ​രാ​ധി​ക​ള്‍ക്ക് കേ​സും, പീ​ഠ​ന​വും, അ​ക്ര​മ​കാ​രി​ക​ള്‍ക്ക് സം​ര​ക്ഷ​ണ​വു​മാ​ണ്.

ആ​ക്ര​മ​ണം ന​ട​ന്ന ദി​വ​സം ഈ ​ആ​ക്ര​മ​ണ​ത്തി​ല്‍ പ​ങ്കെ​ടു​ത്ത മു​ഴു​വ​ന്‍ എ​സ്.​എ​ഫ്.​ഐ ക്കാ​രെ​യും അ​റ​സ്സ് ചെ​യ്യു​ക​യോ ന​ട​പ​ടി എ​ടു​ക്കു​ക​യോ ചെ​യ്തി​ട്ടി​ല്ല. ആ​ക്ര​മ​ണ​ത്തി​ന് പി​ന്തു​ണ ന​ല്‍കി​യ പൊ​ലീ​സു​കാ​രെ സി.​സി.​ടി.​വി ദൃ​ശ്യ​ങ്ങ​ളി​ല്‍ നി​ന്നും വ്യ​ക്ത​മാ​യി​ട്ടും അ​വ​ര്‍ക്കെ​തി​രെ ന​ട​പ​ടി എ​ടു​ക്കു​ക​യു​ണ്ടാ​യി​ട്ടി​ല്ല. 22 ന് ​തു​ട​ങ്ങു​ന്ന നി​യ​മ​സ​ഭ സ​മ്മേ​ള​ന​ത്തി​ല്‍ പ്ര​തി​പ​ക്ഷം എ ​കെ ജി ​സെ​ന്റ​ര്‍ ആ​ക്ര​മ​ണ വി​ഷ​യം ഉ​ന്ന​യി​ക്കു​മെ​ന്ന് മു​ന്നി​ല്‍ ക​ണ്ട് സ്വ​ന്തം ആ​ളു​ക​ളാ​യ പ്ര​തി​ക​ളെ സം​ര​ക്ഷി​ക്കു​ന്ന​തി​ന് ന​ട​ത്തി​യ ക​ള്ള​കേ​സും ന​ട​പ​ടി​ക​ളു​മാ​ണ് ഇ​പ്പോ​ള്‍ ഉ​ണ്ടാ​യി​ട്ടു​ള്ള​ത്.

പൊ​ലീ​സ് നീ​തി​യു​ക്ത​മാ​യ അ​ന്വേ​ഷ​ണ​ത്ത​ിന് മു​ന്‍കൈ എ​ടു​ക്ക​ണ​മെ​ന്നും യാ​തൊ​രു തെ​ളി​വു​മി​ല്ലാ​തെ രാ​ഹു​ല്‍ ഗാ​ന്ധി എം. ​പി​യു​ടെ പേ​ഴ്സ​ണ്‍ സ്റ്റാ​ഫു​ക​ളാ​യ​വ​രേ​യും കോ​ണ്‍ഗ്ര​സ് പ്ര​വ​ര്‍ത്ത​ക​ര്‍ക്കെ​തി​രെ​യും ക​ള്ള​ക്കേ​സ് എ​ടു​ത്ത പൊ​ലീ​സു​കാ​ര്‍ക്കെ​തി​രെ ന​ട​പ​ടി എ​ടു​ക്ക​ണ​മെ​ന്നും ഡി.​സി. സി. ​പ്ര​സി​ഡ​ന്റ് എ​ന്‍. ഡി. ​അ​പ്പ​ച്ച​ന്‍, ടി. ​സി​ദ്ദീ​ഖ് എം. ​എ​ല്‍. എ, ​ഐ.​സി ബാ​ല​കൃ​ഷ്ണ​ന്‍ എം.​എ​ല്‍.​എ എ​ന്നി​വ​ർ സം​യു​ക്ത പ്ര​സ്താ​വ​ന​യി​ലൂ​ടെ ആ​വ​ശ്യ​പ്പെ​ട്ടു. ജ​ന​പ്ര​തി​നി​ധി​ക​ളു​ടെ ഓ​ഫി​സി​ൽ സ​ത്യ​സ​ന്ധ​മാ​യി പ്ര​വ​ർ​ത്തി​ക്കു​ന്ന സ​ർ​ക്കാ​ർ ഉ​ദ്യോ​ഗ​സ്ഥ​രെ​യും കോ​ൺ​ഗ്ര​സ് പ്ര​വ​ർ​ത്ത​ക​രെ​യും ക​ള്ള​ക്കേ​സി​ൽ കു​ടു​ക്കാ​ൻ പി​ണ​റാ​യി​യു​ടെ സ​ർ​ക്കാ​ർ ന​ട​ത്തു​ന്ന നീ​ക്ക​ത്തെ ഇ​ന്ത്യ​ൻ നാ​ഷ​നൽ കോ​ൺ​ഗ്ര​സ് സ​ർ​വ ശ​ക്തി​യു​മു​പ​യോ​ഗി​ച്ച് ചെ​റു​ത്തു തോ​ൽ​പി​ക്കു​മെ​ന്ന് ജി​ല്ല കോ​ൺ​ഗ്ര​സ് അ​ധ്യ​ക്ഷ​ൻ എ​ൻ.​ഡി. അ​പ്പ​ച്ച​ൻ അ​റി​യി​ച്ചു.