ചേകാടി സ്​ട്രീറ്റ്​ ടൂറിസം: പ്രതീക്ഷയിൽ ആദിവാസികൾ

പു​ൽ​പ​ള്ളി: ചേ​കാ​ടി​യു​ടെ സൗ​ന്ദ​ര്യ​വും ത​നി​മ​യും വി​നോ​ദ​സ​ഞ്ചാ​രി​ക​ൾ​ക്ക് അ​നു​ഭ​വ​വേ​ദ്യ​മാ​ക്കാ​ൻ സ്​​ട്രീ​റ്റ് ടൂ​റി​സം പ​ദ്ധ​തി​യു​മാ​യി വി​നോ​ദ​സ​ഞ്ചാ​ര വ​കു​പ്പ് മു​ന്നേ​റു​മ്പോ​ൾ പ്ര​ദേ​ശ​ത്തെ ആ​ദി​വാ​സി​ക​ൾ പ്ര​തീ​ക്ഷ​യി​ൽ.

പ​ദ്ധ​തി ന​ട​പ്പാ​ക്കാ​ൻ സം​സ്​​ഥാ​ന​ത്ത് തി​ര​ഞ്ഞെ​ടു​ക്ക​പ്പെ​ട്ട 10 കേ​ന്ദ്ര​ങ്ങ​ളി​ൽ ഒ​ന്നാ​ണ് പു​ൽ​പ​ള്ളി​ക്ക​ടു​ത്ത ചേ​കാ​ടി. പൊ​തു-​സ്വ​കാ​ര്യ പ​ങ്കാ​ളി​ത്ത​ത്തോ​ടെ​യാ​ണ് പ​ദ്ധ​തി ന​ട​പ്പാ​ക്കു​ന്ന​ത്. പ​ര​മ്പ​രാ​ഗ​ത ജീ​വി​ത​രീ​തി​ക​ളും പ്ര​കൃ​തി ഒ​രു​ക്കി​യ കാ​ഴ്ച​ക​ളും ക​ണ്ടാ​സ്വ​ദി​ക്കാ​ൻ സ്​​ട്രീ​റ്റ് ടൂ​റി​സ​ത്തി​ലൂ​ടെ സാ​ധി​ക്കും.

ത​ദ്ദേ​ശ​സ്​​ഥാ​പ​ന​ങ്ങ​ൾ​ക്കും ത​ദ്ദേ​ശ​വാ​സി​ക​ൾ​ക്കും ഇ​തി​ൽ പ​ങ്കാ​ളി​യാ​കാം. വ​യ​നാ​ട്ടി​ൽ നെ​ൽ​കൃ​ഷി ഒ​ട്ടും കു​റ​യാ​ത്ത ഒ​രു പ്ര​ദേ​ശ​മാ​ണ് ചേ​കാ​ടി. സു​ഗ​ന്ധ​നെ​ല്ലി​ന​മാ​യ ഗ​ന്ധ​ക​ശാ​ല​യാ​ണ് ഇ​വി​ട​ത്തെ പ്ര​ധാ​ന കൃ​ഷി. ആ​ദി​വാ​സി​ക​ളും ചെ​ട്ടി​വി​ഭാ​ഗ​ക്കാ​രു​മാ​യ ആ​ളു​ക​ളാ​ണ് ഇ​വി​ടെ​യു​ള്ള​ത്.

ജൈ​വ​രീ​തി​യി​ലാ​ണ് പ​ച്ച​ക്ക​റി കൃ​ഷി. പ​ദ്ധ​തി വ​രു​ന്ന​തോ​ടെ പ്ര​ദേ​ശ​ത്തി​ന്‍റെ ത​ന​ത് ഭ​ക്ഷ്യ​വി​ഭ​വ​ങ്ങ​ളെ​യും പൈ​തൃ​ക​ങ്ങ​ളെ​യും ഗ്രാ​മ​ത്തി​ലെ​ത്തു​ന്ന​വ​ർ​ക്ക് പ​രി​ച​യ​പ്പെ​ടു​ത്തി വ​രു​മാ​നം നേ​ടാം. കാ​ടി​ന് ന​ടു​വി​ലാ​ണ് ഈ ​ഗ്രാ​മം. 150 കു​ടും​ബ​ങ്ങ​ളി​ൽ 93ഉം ​ആ​ദി​വാ​സി കു​ടും​ബ​ങ്ങ​ളാ​ണ്.

പു​ല്ലു​മേ​ഞ്ഞ വീ​ടു​ക​ളും കാ​വ​ൽ മാ​ട​ങ്ങ​ളു​മ​ട​ക്കം പ​ര​മ്പ​രാ​ഗ​ത ജീ​വി​ത​ത്തി​ന്‍റെ നേ​ർ​ക്കാ​ഴ്ച​കൂ​ടി​യാ​ണ് ചേ​കാ​ടി സ​ന്ദ​ർ​ശ​ക​ർ​ക്ക് സ​മ്മാ​നി​ക്കു​ന്ന​ത്. ഗോ​ത്ര​പൈ​തൃ​ക​വും കാ​ർ​ഷി​ക​പെ​രു​മ​യും ഇ​ഴ​ചേ​ർ​ന്നു​കി​ട​ക്കു​ന്ന ചേ​കാ​ടി​യു​ടെ ഏ​റ്റ​വും വ​ലി​യ പ്ര​ത്യേ​ക​ത വി​ശാ​ല​മാ​യ പാ​ട​ശേ​ഖ​ര​മാ​ണ്.

അ​തു​കൊ​ണ്ടു​ത​ന്നെ പ​ദ്ധ​തി യാ​ഥാ​ർ​ഥ്യ​മാ​കു​ന്ന​തോ​ടെ ഇ​വി​ട​ത്തെ ക​ർ​ഷ​ക​രും അ​വ​രു​ടെ പ​ര​മ്പാ​രാ​ഗ​ത നെ​ല്ലി​ന​ങ്ങ​ളു​മ​ട​ക്കം പു​റം​ലോ​ക​ത്തും ച​ർ​ച്ച​യാ​കും.