വൈദ്യുതിത്തൂണിൽ ചാർജിങ് പോയന്റ് വയനാട്ടിലും

ക​ൽ​പ​റ്റ: സം​സ്ഥാ​ന​ത്തെ മ​റ്റു ജി​ല്ല​ക​ളി​ൽ സ്ഥാ​പി​ച്ച് പ്ര​ശം​സ നേ​ടി​യ കെ.​എ​സ്.​ഇ.​ബി​യു​ടെ വൈ​ദ്യു​തിത്തൂണി​ലെ ചാ​ർ​ജി​ങ് പോ​യന്‍റു​ക​ൾ വ​യ​നാ​ട്ടി​ലു​മെ​ത്തു​ന്നു. ആ​ദ്യ​ഘ​ട്ട​ത്തി​ൽ ജി​ല്ല​യി​ലെ 24 ഇ​ട​ങ്ങ​ളി​ലാ​യി വൈ​ദ്യു​തിത്തൂണു​ക​ളി​ൽ വാ​ഹ​ന ചാ​ർ​ജി​ങ് പോ​യന്‍റു​ക​ൾ (പോ​ൾ മൗ​ണ്ട​ഡ് ചാ​ർ​ജി​ങ്) സ്ഥാ​പി​ക്കു​ന്ന​തി​നു​ള്ള പ്ര​വൃ​ത്തി സെ​പ്റ്റം​ബ​റി​ൽ ആ​രം​ഭി​ക്കാ​നാ​കു​മെ​ന്ന് കെ.​എ​സ്.​ഇ.​ബി അ​ധി​കൃ​ത​ർ അ​റി​യി​ച്ചു. വൈ​ദ്യു​തി ഇ​രു​ച​ക്ര​വാ​ഹ​ന​ങ്ങ​ളും ഓ​ട്ടോ​റി​ക്ഷ ഉ​ൾ​പ്പെ​ടെ​യു​ള്ള മു​ച​ക്ര വാ​ഹ​ന​ങ്ങ​ളും എ​ളു​പ്പ​ത്തി​ൽ ചാ​ർ​ജ് ചെ​യ്യു​ന്ന​തി​നു​ള്ള സം​വി​ധാ​ന​മാ​ണ് ന​ട​പ്പാ​ക്കു​ന്ന​ത്. രാ​ജ്യ​ത്താ​ദ്യ​മാ​യി കേ​ര​ള​ത്തി​ലാ​ണ് വൈ​ദ്യു​തി​ത്തൂണു​ക​ളി​ലെ ചാ​ർ​ജി​ങ് പോ​യന്‍റ് സം​വി​ധാ​നം ന​ട​പ്പാ​ക്കി​യ​ത്. കേ​ര​ള​ത്തി​ലെ പ​ദ്ധ​തി നി​ല​വി​ൽ ആ​ന്ധ്രപ്ര​ദേ​ശ്, ഹൈ​ദ​രാ​ബാ​ദ്, ഡ​ൽ​ഹി എ​ന്നി​വി​ട​ങ്ങ​ളി​ലും ന​ട​പ്പാ​ക്കു​ന്നു​ണ്ട്.

കേ​ര​ള​ത്തി​ൽ ഇ​തു​വ​രെ വി​വി​ധ ജി​ല്ല​ക​ളി​ലാ​യി 412ലധി​കം പോ​യന്‍റു​ക​ൾ സ്ഥാ​പി​ച്ചു. ഒ​ക്ടോ​ബ​റോ​ടെ 1159 എ​ണ്ണംകൂ​ടി പൂ​ർ​ത്തി​യാ​കും. കോ​ഴി​ക്കോ​ട് ഗ​വ. എ​ൻ​ജി​നീ​യ​റി​ങ് കോ​ള​ജി​ൽ​നി​ന്ന് പു​റ​ത്തി​റ​ങ്ങി​യ​വ​രു​ടെ സ്റ്റാ​ർ​ട്ട്അ​പ് ആ​ണ് കെ.​എ​സ്.​ഇ.​ബി​യു​മാ​യി ചേ​ർ​ന്നു ചാ​ർ​ജി​ങ് സം​വി​ധാ​നം അ​വ​ത​രി​പ്പി​ച്ച​ത്. പ​രീ​ക്ഷ​ണാ​ടി​സ്ഥാ​ന​ത്തി​ൽ ക​ഴി​ഞ്ഞ​വ​ർ​ഷം കോ​ഴി​ക്കോ​ട് പ​ത്തി​ട​ങ്ങ​ളി​ൽ ഇ​ത്ത​രം പോ​യന്‍റു​ക​ൾ സ്ഥാ​പി​ച്ചു. ഇ​രു​ച​ക്ര -മു​ച്ചക്ര​വാ​ഹ​ന​ങ്ങ​ൾ ചാ​ർ​ജ് ചെ​യ്യു​ന്ന​തി​നാ​യാ​ണ് പ്ര​ധാ​ന​മാ​യും ഇ​ത്ത​രം പോ​യന്‍റു​ക​ൾ സ്ഥാ​പി​ക്കു​ന്ന​ത്. അ​ത്യാ​വ​ശ്യ​ഘ​ട്ട​ങ്ങ​ളി​ൽ വൈ​ദ്യു​തി കാ​റു​ക​ളും ഇ​ത് ഉ​പ​യോ​ഗി​ച്ച് ചാ​ർ​ജ് ചെ​യ്യാ​നാ​കും. കോ​ട്ട​യം, പ​ത്ത​നം​തി​ട്ട, തി​രു​വ​ന​ന്ത​പു​രം എ​ന്നി​വി​ട​ങ്ങ​ളി​ൽ പോ​യ​ന്‍റു​ക​ൾ സ്ഥാ​പി​ക്കു​ന്ന പ്ര​വൃ​ത്തി ഇ​തി​നോ​ട​കം പൂ​ർ​ത്തി​യാ​യി. ക​ണ്ണൂ​രി​ലാ​ണ് ഇ​പ്പോ​ൾ പ്ര​വൃ​ത്തി ന​ട​ക്കു​ന്ന​ത്. ഒ​രേ ക​മ്പ​നി​യാ​ണ് ഇ​തി​ന്‍റെ ടെ​ൻ​ഡ​ർ ഏ​റ്റെ​ടു​ത്തി​രി​ക്കു​ന്ന​ത്. ക​ണ്ണൂ​രി​ലേ​ത് പൂ​ർ​ത്തി​യാ​യ​ശേ​ഷം സെ​പ്റ്റം​ബ​റി​ൽ ത​ന്നെ പ്ര​വൃ​ത്തി ആ​രം​ഭി​ക്കും.

വ​യ​നാ​ട്ടി​ൽ ക​ൽ​പ​റ്റ, മാ​ന​ന്ത​വാ​ടി, സു​ൽ​ത്താ​ൻ ബ​ത്തേ​രി എ​ന്നീ മൂ​ന്ന് നി​യോ​ജ​ക മ​ണ്ഡ​ല​ങ്ങ​ളി​ലാ​യി അ​ഞ്ചു​വീ​തം പോ​യന്‍റു​ക​ളാ​ണ് ആ​ദ്യ​ഘ​ട്ട​ത്തി​ൽ സ്ഥാ​പി​ക്കു​ക. ഇ​തി​ന് പു​റ​മെ മൂ​ന്നു താ​ലൂ​ക്കു​ക​ളി​ലെ​യും ഒ​മ്പ​ത് പ്ര​ധാ​ന സ്ഥ​ല​ങ്ങ​ളി​ലും പോ​യ​ന്‍റ് സ്ഥാ​പി​ക്കും. ഇ​ത്ത​ര​ത്തി​ൽ ആ​കെ 24 പോ​യ​ന്‍റു​ക​ൾ സ്ഥാ​പി​ക്കു​ന്ന​തി​നു​ള്ള നി​ർ​ദേ​ശം ജി​ല്ല കെ.​എ​സ്.​ഇ.​ബി അ​ധി​കൃ​ത​ർ നേ​ര​ത്തെ ത​ന്നെ അ​യ​ച്ചി​ട്ടു​ണ്ട്. ഇ​തി​ന് അം​ഗീ​കാ​ര​വും ല​ഭി​ച്ചു. ഈ ​മാ​സം അ​വ​സാ​ന​ത്തി​നു​ള്ളി​ൽ പ്ര​വൃ​ത്തി ആ​രം​ഭി​ക്കും.

വ​യ​നാ​ട്ടി​ൽ പ്ര​ധാ​ന പാ​ത​ക​ളി​ലെ ടൗ​ണു​ക​ളോ​ട് ചേ​ർ​ന്നും ഓ​ട്ടോ സ്റ്റാ​ൻ​ഡു​ക​ൾ കേ​ന്ദ്രീ​ക​രി​ച്ചു​മാ​യി​രി​ക്കും വൈ​ദ്യു​തിത്തൂണു​ക​ളി​ൽ ഇ​വ സ്ഥാ​പി​ക്കു​ക. ആ​ദ്യ​ഘ​ട്ട​ത്തി​നു​ശേ​ഷം അ​ടു​ത്ത​ഘ​ട്ട​മാ​യി ജി​ല്ല​യി​ലെ ഓ​ട്ടോ സ്റ്റാ​ൻ​ഡു​ക​ളി​ൽ കൂ​ടു​ത​ലാ​യി ഇ​വ സ്ഥാ​പി​ച്ചു പ​ദ്ധ​തി വ്യാ​പി​പ്പി​ക്കു​മെ​ന്നും ഇ​തി​ലൂ​ടെ കൂ​ടു​ത​ൽ വൈ​ദ്യു​തി ഓ​ട്ടോ​റി​ക്ഷ​ക​ൾ ജി​ല്ല​യി​ൽ നി​ര​ത്തി​ലി​റ​ക്കു​ന്ന​ത് പ്രോ​ത്സാ​ഹി​പ്പി​ക്കാ​നാ​കു​മെ​ന്നും കെ.​എ​സ്.​ഇ.​ബി അ​ധി​കൃ​ത​ർ പ​റ​യു​ന്നു. പെ​ട്രോ​ൾ, ഡീ​സ​ൽ വാ​ഹ​ന​ങ്ങ​ളെ അ​പേ​ക്ഷി​ച്ച് ലാ​ഭ​ക​ര​വും പ​രി​സ്ഥി​തി സൗ​ഹാ​ർ​ദ​പരവു​മാ​ണ് വൈ​ദ്യു​തി വാ​ഹ​ന​ങ്ങ​ൾ. അ​തി​നാ​ൽ ഓ​ട്ടോ​റി​ക്ഷ തൊ​ഴി​ലാ​ളി​ക​ൾ​ക്ക് ഓ​രോ ഓ​ട്ട​ത്തി​ലൂ​ടെ​യും കൂ​ടു​ത​ൽ വ​രു​മാ​നം ല​ഭി​ക്കു​ന്ന​തി​ന് ഇ​ത് സ​ഹാ​യ​ക​മാ​കും.

•ചാ​ർ​ജി​ങ് സ്റ്റേ​ഷ​നു​ക​ളും സ​ജ്ജ​മാ​കു​ന്നു

പോ​ൾ മൗ​ണ്ട​ഡ് ചാ​ർ​ജി​ങ് സ്റ്റേ​ഷ​ന് പു​റ​മെ ഫാ​സ്റ്റ് ചാ​ർ​ജി​ങ് സം​വി​ധാ​ന​മു​ള്ള കാ​റു​ക​ൾ ഉ​ൾ​പ്പെ​ടെ​യു​ള്ള വ​ലി​യ വൈ​ദ്യു​തി വാ​ഹ​ന​ങ്ങ​ൾ ചാ​ർ​ജ് ചെ​യ്യാ​നാ​കു​ന്ന ര​ണ്ട് പ്ര​ധാ​ന ചാ​ർ​ജി​ങ് സ്റ്റേ​ഷ​നു​ക​ളും കെ.​എ​സ്.​ഇ.​ബി സ്ഥാ​പി​ക്കു​ന്നു​ണ്ട്. വൈ​ത്തി​രി കെ.​എ​സ്.​ഇ.​ബി സെ​ക്ഷ​ൻ ഓ​ഫി​സ് പ​രി​സ​ര​ത്തു​ള്ള​ത് വൈ​കാ​തെ പ്ര​വ​ർ​ത്ത​ന​ക്ഷ​മ​മാ​കും. സോ​ഫ്റ്റ് വെ​യ​ർ പ്ര​വൃ​ത്തി മാ​ത്ര​മാ​ണ് ബാ​ക്കി​യു​ള്ള​ത്.

പ​ടി​ഞ്ഞാ​റ​ത്ത​റ ബാ​ണാ​സു​ര സാ​ഗ​ർ ഡാം ​പ്ര​ദേ​ശ​ത്ത് സ്ഥാ​പി​ക്കു​ന്ന​തി​ന്‍റെ നി​ർ​മാ​ണ​വും പു​രോ​ഗ​മി​ക്കു​ക​യാ​ണ്. ഒ​ന്ന​ര​മാ​സ​ത്തി​നു​ള്ളി​ൽ പ​ടി​ഞ്ഞാ​റ​ത്ത​റ​യി​ലേ​തും പൂ​ർ​ത്തി​യാ​കും. മീ​ന​ങ്ങാ​ടി​യി​ൽ ഉ​ൾ​പ്പെ​ടെ സ്വ​കാ​ര്യ ഏ​ജ​ൻ​സി​ക​ളും ഇ​തി​നോ​ട​കം ചാ​ർ​ജി​ങ് സ്റ്റേ​ഷ​നു​ക​ൾ സ്ഥാ​പി​ച്ചി​ട്ടു​ണ്ട്.