തോ​ട്ടം തൊ​ഴി​ലാ​ളി​ക​ളു​ടെ ബോ​ണ​സ്; ആര​ുമായും ചർച്ചയില്ല, നി​ശ്ച​യി​ക്കു​ന്ന​ത് മാ​നേ​ജ്മെൻറു​ക​ൾ

മേ​പ്പാ​ടി: തോ​ട്ടം തൊ​ഴി​ലാ​ളി​ക​ളു​ടെ ബോ​ണ​സ് തു​ക എ​ത്ര​യെ​ന്ന് ഇ​പ്പോ​ൾ നി​ശ്ച​യി​ക്കു​ന്ന​ത് മാ​നേ​ജ്മെൻറു​ക​ൾ. ബോ​ണ​സ് എ​ത്ര ശ​ത​മാ​നം എ​ന്ന​തു സം​ബ​ന്ധി​ച്ച് തോ​ട്ട​മു​ട​മ​ക​ളു​ടെ പ്ര​തി​നി​ധി​ക​ളും ട്രേ​ഡ് യൂ​നി​യ​ൻ പ്ര​തി​നി​ധി​ക​ളും ത​മ്മി​ൽ ച​ർ​ച്ച ന​ട​ത്തി ധാ​ര​ണ​യി​ലെ​ത്തു​ക എ​ന്ന രീ​തി ഇ​ല്ലാ​താ​യി​ട്ട് വ​ർ​ഷ​ങ്ങ​ളാ​യെ​ന്ന് യൂ​നി​യ​ൻ നേ​താ​ക്ക​ൾ പ​റ​യു​ന്നു.

നോ​ട്ട് നി​രോ​ധ​നം വ​ന്ന​ശേ​ഷ​മാ​ണ് ശ​മ്പ​ളം തൊ​ഴി​ലാ​ളി​ക​ളു​ടെ അ​ക്കൗ​ണ്ടി​ൽ നി​ക്ഷേ​പി​ക്കു​ന്ന രീ​തി നി​ല​വി​ൽ വ​ന്ന​ത്. അ​തോ​ടൊ​പ്പം മാ​നേ​ജ്മെ​ന്‍റു​ക​ൾ ഏ​ക​പ​ക്ഷീ​യ​മാ​യി നി​ശ്ച​യി​ച്ച തു​ക ബോ​ണ​സ് എ​ന്ന നി​ല​യി​ൽ തൊ​ഴി​ലാ​ളി​ക​ളു​ടെ ബാ​ങ്ക് അ​ക്കൗ​ണ്ടു​ക​ളി​ലേ​ക്ക് നി​ക്ഷേ​പി​ക്കു​ന്ന രീ​തി​യും നി​ല​വി​ൽ വ​ന്നു.

അ​പൂ​ർ​വം ചി​ല മാ​നേ​ജ്മെ​ന്‍റു​ക​ൾ മാ​ത്ര​മാ​ണ് ബോ​ണ​സ് സം​ബ​ന്ധി​ച്ച് യൂ​നി​യ​നു​ക​ളു​മാ​യി ച​ർ​ച്ച ന​ട​ത്താ​റു​ള്ളു. എ​ച്ച്.​എം.​എ​ൽ ക​മ്പ​നി​യാ​ക​ട്ടെ നോ​ട്ട് നി​രോ​ധ​ന​ത്തി​ന് മു​മ്പ് ത​ന്നെ ഒ​രു ച​ർ​ച്ച​യു​മി​ല്ലാ​തെ 8.33 ശ​ത​മാ​നം മി​നി​മം ബോ​ണ​സ് തൊ​ഴി​ലാ​ളി​ക​ളു​ടെ അ​ക്കൗ​ണ്ടി​ൽ നേ​രി​ട്ട് നി​ക്ഷേ​പി​ക്കാ​ൻ തു​ട​ങ്ങി​യി​രു​ന്നു. ഇ​പ്രാ​വ​ശ്യ​വും അ​വ​ർ സ്വ​യം നി​ശ്ച​യി​ച്ച 9.33 ശ​ത​മാ​നം ബോ​ണ​സ് തു​ക തൊ​ഴി​ലാ​ളി​ക​ളു​ടെ ബാ​ങ്ക് അ​ക്കൗ​ണ്ടി​ൽ നേ​രി​ട്ട് നി​ക്ഷേ​പി​ക്കു​ക​യാ​ണു​ണ്ടാ​യ​ത്.

തൊ​ഴി​ലാ​ളി സം​ഘ​ട​ന​ക​ൾ 20 ശ​ത​മാ​നം ബോ​ണ​സ് ആ​വ​ശ്യം മു​ന്നോ​ട്ടു വെ​ക്കാ​റു​ണ്ടെ​ങ്കി​ലും തോ​ട്ടം ഉ​ട​മ​ക​ൾ അ​ത് കേ​ട്ട​താ​യി ന​ടി​ക്കാ​റി​ല്ല. യൂ​നി​യ​നു​ക​ൾ​ക്ക് നി​സ്സ​ഹാ​യ​രാ​യി നോ​ക്കി നി​ൽ​ക്കാ​നെ ക​ഴി​യു​ന്നു​ള്ളു.

അ​ക്കൗ​ണ്ടി​ൽ നി​ക്ഷേ​പി​ക്ക​പ്പെ​ട്ട തു​ക എ​തി​ർ​പ്പ് പ്ര​ക​ടി​പ്പി​ക്കാ​തെ തൊ​ഴി​ലാ​ളി​ക​ൾ ചെ​ല​വ​ഴി​ക്കു​ക​യും ചെ​യ്യു​ന്നു.

മേ​ഖ​ല​യി​ലെ പ​ല മാ​നേ​ജ്മെൻറു​ക​ളും മു​ൻ വ​ർ​ഷ​ത്തെ ബോ​ണ​സ് ഇ​നി​യും ന​ൽ​കി​യി​ട്ടി​ല്ല. ന​വം​ബ​ർ 30 വ​രെ അ​തി​ന് സ​മ​യ​മു​ണ്ട്. ലാ​ഭ വി​ഹി​തം, അ​ല്ലെ​ങ്കി​ൽ നീ​ക്കി വെ​ക്ക​പ്പെ​ട്ട വേ​ത​നം എ​ന്ന നി​ല​യി​ലൊ​ന്നും ബോ​ണ​സ് വി​ഷ​യം പ​രി​ഗ​ണി​ക്ക​പ്പെ​ടു​ന്ന​തേ​യി​ല്ല. ബോ​ണ​സ് ത​ത്വം ത​ന്നെ വി​സ്മ​രി​ക്ക​പ്പെ​ടു​ക​യാ​ണ്.