ബ്ലേ​ഡ് ആ​ക്ര​മ​ണ​കേസി​ലെ പ്ര​തി 48 മ​ണി​ക്കൂ​റി​ന​കം പി​ടി​യി​ൽ

തൃ​ശൂ​ർ: തേ​ക്കി​ൻ​കാ​ട് മൈ​താ​ന​ത്ത് ഗാ​ന​മേ​ള ന​ട​ക്കു​ന്ന​തി​നി​ടെ മ​ധ്യ​വ​യ​സ്ക​ന്റെ ക​ഴു​ത്തി​ൽ ബ്ലേ​ഡു​കൊ​ണ്ട് വ​ര​ഞ്ഞ് ഭീ​തി​പ​ര​ത്തി​യ കേ​സി​ൽ വ​യ​നാ​ട് ചീ​രം​കു​ന്ന് തൊ​ണ്ടി​യി​ൽ വീ​ട്ടി​ൽ സു​ജി​ത്ത് (41) അ​റ​സ്റ്റി​ൽ. തൃ​ശൂ​ർ ഈ​സ്റ്റ് പൊ​ലീ​സ് ന​ട​ത്തി​യ ഊ​ർ​ജി​ത അ​ന്വേ​ഷ​ണ​ത്തി​ലാ​ണ് സം​ഭ​വം ന​ട​ന്ന് 48 മ​ണി​ക്കൂ​റി​ന​കം പ്ര​തി വ​ല​യി​ലാ​യ​ത്.

ത​ർ​ക്ക​ത്തെ​ത്തു​ട​ർ​ന്ന് മ​ധ്യ​വ​യ​സ്ക​നെ ബ്ലേ​ഡ് ഉ​പ​യോ​ഗി​ച്ച് ആ​ക്ര​മി​ച്ച​ശേ​ഷം സു​ജി​ത്ത് സം​ഭ​വ​സ്ഥ​ല​ത്തു​നി​ന്ന് ക​ട​ന്നു​ക​ള​യു​ക​യാ​യി​രു​ന്നു. തൃ​ശൂ​ർ സി​റ്റി അ​സി. ക​മീ​ഷ​ണ​ർ സ​ലീ​ഷ് എ​ൻ. ശ​ങ്ക​ര​ന്റെ നേ​തൃ​ത്വ​ത്തി​ലു​ള്ള പ്ര​ത്യേ​ക അ​ന്വേ​ഷ​ണ​സം​ഘ​മാ​ണ് കേ​സ​ന്വേ​ഷി​ച്ച​ത്.

ഇ​ൻ​സ്പെ​ക്ട​ർ എം.​ജെ. ജി​ജോ, സ​ബ് ഇ​ൻ​സ്പെ​ക്ട​ർ​മാ​രാ​യ ബി​പി​ൻ പി. ​നാ​യ​ർ, ഹ​രീ​ന്ദ്ര​ൻ, അ​സി. സ​ബ് ഇ​ൻ​സ്പെ​ക്ട​ർ സ​ന്ദീ​പ്, സി​വി​ൽ പൊ​ലീ​സ് ഓ​ഫി​സ​ർ​മാ​രാ​യ സൂ​ര​ജ്, അ​ജ്മ​ൽ എ​ന്നി​വ​ര​ട​ങ്ങു​ന്ന സം​ഘ​മാ​ണ് പ്ര​തി​യെ പി​ടി​കൂ​ടി​യ​ത്. സി​റ്റി പൊ​ലീ​സ് ക​മീ​ഷ​ണ​ർ ആ​ർ. ഇ​ള​ങ്കോ​യു​ടെ നേ​തൃ​ത്വ​ത്തി​ൽ സ്ഥാ​പി​ച്ച നി​രീ​ക്ഷ​ണ കാ​മ​റ​ക​ളി​ലെ എ.​ഐ സാ​ങ്കേ​തി​ക​വി​ദ്യ ഉ​പ​യോ​ഗി​ച്ച് പ്ര​തി​യെ തി​രി​ച്ച​റി​യു​ക​യാ​യി​രു​ന്നു. തു​ട​ർ​ന്ന്, പ്ര​തി സ​ഞ്ച​രി​ച്ച വ​ഴി​ക​ളി​ലൂ​ടെ പി​ന്തു​ട​ർ​ന്നാ​ണ് പി​ടി​കൂ​ടി​യ​ത്.