ഇളംപ്രായത്തിൽ ബാദുഷ ​പോയി; നൊമ്പരമടങ്ങാതെ നാട്

മു​ട്ടി​ൽ: നാ​ട്ടു​കാ​ർ​ക്കും കൂ​ട്ടു​കാ​ർ​ക്കു​ം പ്രി​യ​പ്പെ​ട്ട​വ​നാ​യി​രു​ന്ന പരിയാരം ചേലാമൽ സലീമിന്റെ മകൻ ഇ​ബ്രാ​ഹിം ബാ​ദു​ഷ​യു​ടെ അ​പ്ര​തീ​ക്ഷി​ത വി​യോ​ഗ​ത്തി​ൽ തേ​ങ്ങി പ​രി​യാ​രം. പ​ന​ങ്ക​ണ്ടി ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ളി​ൽ പ്ല​സ് വ​ൺ വി​ദ്യാ​ർ​ഥി​യാ​യി​രു​ന്ന 16കാ​ര​ന്റെ മ​ര​ണ​ത്തി​ന്റെ ഞെ​ട്ട​ലി​ൽ​നി​ന്ന് നാ​ട് ഇ​നി​യും മോ​ചി​ത​മാ​യി​ട്ടി​ല്ല. ര​ണ്ടു ദി​വ​സം മു​മ്പ് സ്കൂ​ളി​ൽ പോ​കാ​നു​ള്ള ഒ​രു​ക്ക​ങ്ങ​ൾ​ക്കി​ടെ ത​ല​വേ​ദ​ന​യെ തു​ട​ർ​ന്ന് ത​ള​ർ​ന്നു​വീ​ണ ബാ​ദു​ഷ കോ​ഴി​ക്കോ​ട് മെ​ഡി​ക്ക​ൽ കോ​ള​ജ് ആ​​ശു​പ​ത്രി​യി​ൽ ചി​കി​ത്സ​യി​ലാ​യി​രു​ന്നു. അ​ത്യാ​സ​ന്ന​നി​ല​യി​ൽ വെ​ന്റി​ലേ​റ്റ​റി​ലാ​യി​രു​ന്ന ബാ​ദു​ഷ വ്യാ​ഴാ​ഴ്ച രാ​ത്രി​യാ​ണ് നാ​ടി​ന്റെ മു​ഴു​വ​ൻ പ്രാ​ർ​ഥ​ന​ക​ൾ​ക്കി​ടെ മ​ര​ണ​ത്തി​ന് കീ​ഴ​ട​ങ്ങി​യ​ത്.

പ​ഠ​ന​ത്തി​ലും പാ​ഠ്യേ​ത​ര​പ്ര​വ​ർ​ത്ത​ന​ങ്ങ​ളി​ലും മി​ക​വു കാ​ട്ടി​യി​രു​ന്ന ബാ​ദു​ഷ അ​ധ്യാ​പ​ക​ർ​ക്കും കൂ​ട്ടു​കാ​ർ​ക്കു​മൊ​ക്കെ പ്രി​യ​ങ്ക​ര​നാ​യി​രു​ന്നു. മ​ദ്റ​സാ​പ​രി​പാ​ടി​ക​ളി​ലൊ​ക്കെ സ​ജീ​വ​മാ​യി പ​​ങ്കെ​ടു​ത്തി​രു​ന്ന ബാ​ദു​ഷ എ​ന്തു കാ​ര്യ​ത്തി​നും ഊ​ർ​ജ​സ്വ​ല​നാ​യി മു​ന്നി​ലു​ണ്ടാ​യി​രു​ന്നു​വെ​ന്ന് അ​ധ്യാ​പ​ക​ർ പ​റ​ഞ്ഞു. മി​ക​ച്ച ഗാ​യ​ക​നു​മാ​യി​രു​ന്നു.

പ​രി​യാ​രം സ്കൂ​ളി​ൽ ഏ​ഴാം ത​രം വ​രെ പ​ഠി​ച്ച​ശേ​ഷം ഹൈ​സ്കൂ​ൾ പ​ഠ​നം എ​സ്.​കെ.​എം.​ജെ സ്കൂ​ളി​ലാ​യി​രു​ന്നു. തു​ട​ർ​ന്നാ​ണ് പ്ല​സ്‍വ​ണി​ന് പ​ന​ങ്ക​ണ്ടി സ്കൂ​ളി​ൽ പ്ര​വേ​ശ​നം നേ​ടി​യ​ത്. മ​ര​ണ​വി​വ​ര​മ​റി​ഞ്ഞ് നി​ര​വ​ധി പേ​രാ​ണ് പ​രി​യാ​ര​ത്തെ വീ​ട്ടി​ലേ​ക്കെ​ത്തി​യ​ത്. രാ​വി​ലെ ഒ​മ്പ​തു​മ​ണി​ക്ക് പ​രി​യാ​രം ജു​മാ​മ​സ്ജി​ദി​ൽ ന​ട​ന്ന മ​യ്യി​ത്ത് ന​മ​സ്കാ​ര​ത്തി​ൽ നൂ​റു​ക​ണ​ക്കി​നാ​ളു​ക​ൾ പ​​ങ്കെ​ടു​ത്തു. തു​ട​ർ​ന്ന് പ​രി​യാ​രം ദാ​റു​സ്സ​മാ​ൻ ഓ​ഡി​റ്റോ​റി​യം അ​ങ്ക​ണ​ത്തി​ൽ പൊ​തു​ദ​ർ​ശ​ന​ത്തി​നു​വെ​ച്ച മൃ​ത​ദേ​ഹം അ​വ​സാ​ന​മാ​യി കാ​ണാ​ൻ സ​ഹ​പാ​ഠി​ക​ളും അ​ധ്യാ​പ​ക​രു​മ​ട​ക്കം വ​ൻ ജ​നാ​വ​ലി​യെ​ത്തി. കൂ​ട്ടു​കാ​ർ നി​റ​മി​ഴി​ക​ളോ​ടെ​യാ​ണ് പ്രി​യ സു​ഹൃ​ത്തി​ന് വി​ട​ന​ൽ​കി​യ​ത്.