അ​ന്വേ​ഷ​ണം നേ​രി​ടു​ന്ന ജീ​വ​ന​ക്കാർ ഇപ്പോ​ഴും ജ​ന​സ​മ്പ​ർ​ക്ക​മു​ള്ള ഓ​ഫി​സു​ക​ളി​ൽ

ക​ൽ​പ​റ്റ: വ​യ​നാ​ട് ജി​ല്ല​യി​ലെ റ​വ​ന്യൂ വ​കു​പ്പി​ൽ വി​ജി​ല​ൻ​സ് അ​ന്വേ​ഷ​ണം നേ​രി​ടു​ന്ന ഉ​ദ്യോ​ഗ​സ്ഥ​ർ ജ​ന​സ​മ്പ​ർ​ക്ക​മു​ള്ള ഓ​ഫി​സു​ക​ളി​ൽ തു​ട​രു​ന്ന​താ​യി ആ​രോ​പ​ണം. ആ​രോ​പ​ണ വി​ധേ​യ​രാ​യ​വ​രി​ൽ ഏ​താ​നും ജീ​വ​ന​ക്കാ​രെ ജ​ന​സ​മ്പ​ർ​ക്ക​മു​ള്ള ഓ​ഫി​സു​ക​ളി​ൽ​നി​ന്നും മാ​റ്റാ​നു​ള്ള ഫ​യ​ൽ ബ​ന്ധ​പ്പെ​ട്ട സെ​ക്ഷ​നി​ൽ ത​യാ​റാ​ക്കി​യി​രു​ന്നെ​ങ്കി​ലും ന​ട​പ്പി​ലാ​യി​ല്ല. ത്രി​ത​ല പ​ഞ്ചാ​യ​ത്ത് തി​ര​ഞ്ഞെ​ടു​പ്പു​മാ​യി ബ​ന്ധ​പ്പെ​ട്ട് ഒ​ക്ടോ​ബ​ർ മൂ​ന്നി​ന് ശേ​ഷം സ്ഥ​ലം​മാ​റ്റ​ത്തി​ന് സം​സ്ഥാ​ന തെ​ര​ഞ്ഞെ​ടു​പ്പ് ക​മീ​ഷ​ന്‍റെ മു​ൻ​കൂ​ർ അ​നു​മ​തി വാ​ങ്ങ​ണ​മെ​ന്ന ഉ​ത്ത​ര​വ് നി​ല​നി​ൽ​ക്കുന്ന​താ​ണ് ഇ​വ​രെ മാ​റ്റാ​തി​രി​ക്കാ​ൻ കാ​ര​ണ​മെ​ന്നാ​ണ് വി​ശ​ദീ​ക​ര​ണം.

എ​ന്നാ​ൽ, ആ​ഴ്ച​ക​ൾ​ക്ക് മു​മ്പെ ജീ​വ​ന​ക്കാ​രെ മാ​റ്റാ​നു​ള്ള ഫ​യ​ലു​ക​ൾ ത​യാ​റാ​ക്കി​യി​രു​ന്നെ​ങ്കി​ലും ബ​ന്ധ​പ്പെ​ട്ട സെ​ക്ഷ​നു​ക​ൾ തു​ട​ർ​ന​ട​പ​ടി സ്വീ​ക​രി​ക്കാ​തെ നീ​ട്ടു​ക്കൊ​ണ്ടു​പോ​വു​ക​യാ​യി​രു​ന്നെ​ന്ന് ജീ​വ​ന​ക്കാ​ർ ആ​രോ​പി​ക്കു​ന്നു. സി.​പി.​ഐ നി​യ​ന്ത്ര​ണ​ത്തി​ലു​ള്ള ഭ​ര​ണ​ക​ക്ഷി സ​ർ​വി​സ് സം​ഘ​ട​ന​യാ​യ ജോ​യി​ൻ കൗ​ൺ​സി​ലി​ൽ അ​ഴി​മ​തി ആ​രോ​പ​ണം നേ​രി​ടു​ന്ന സം​സ്ഥാ​ന കൗ​ൺ​സി​ൽ അം​ഗ​മു​ൾ​പ്പെ​ടെ മൂ​ന്ന് നേ​താ​ക്ക​ളെ പ്രാ​ഥ​മി​ക അം​ഗ​ത്വം മാ​ത്രം നി​ല​നി​ർ​ത്തി സം​ഘ​ട​നാ ചു​മ​ത​ല​ക​ളി​ൽ​നി​ന്നും ക​ഴി​ഞ്ഞ ദി​വ​സം നീ​ക്കി​യി​രു​ന്നു.

മാ​ന​ന്ത​വാ​ടി താ​ലൂ​ക്ക് ഓ​ഫി​സി​ലെ സീ​നി​യ​ർ ക്ല​ർ​ക്ക്, മാ​ന​ന്ത​വാ​ടി താ​ലൂ​ക്കി​ലെ വി​ല്ലേ​ജ് അ​സി​സ്റ്റ​ന്‍റ്, വ​നി​ത വി​ല്ലേ​ജ് ഫീ​ൽ​ഡ് അ​സി​സ്റ്റ​ന്‍റ് എ​ന്നി​വ​ർ​ക്കെ​തി​രെ​യാ​ണ് ന​ട​പ​ടി. എ​ന്നാ​ൽ, ഇ​ത് സം​ബ​ന്ധി​ച്ച് പ​ത്ര​ക്കു​റി​പ്പ് ന​ൽ​കാ​ൻ പോ​ലും നേ​തൃ​ത്വം ത​യാ​റാ​യി​ല്ലെ​ന്ന് ഒ​രു വി​ഭാ​ഗം ആ​രോ​പി​ക്കു​ന്നു. ന​ട​പ​ടി പു​റ​ത്തു പ​റ​യാ​തെ ഇ​വ​രെ സം​ര​ക്ഷി​ക്കു​ക​യാ​ണെ​ന്നും ആ​രോ​പ​ണം ഉ​യ​ർ​ന്നി​ട്ടു​ണ്ട്. ആ​രോ​പ​ണ വി​ധേ​യ​രാ​യി പു​റ​ത്താ​ക്ക​പ്പെ​ട്ട​വ​രി​ൽ ചി​ല​ർ മ​റ്റു നേ​താ​ക്ക​ൾ​ക്കെ​തി​രേ​യു​ള്ള ആ​രോ​പ​ണ​ങ്ങ​ൾ അ​ടു​ത്ത ദി​വ​സം പു​റ​ത്തു​വി​ടു​മെ​ന്ന സൂ​ച​ന​യു​മു​ണ്ട്. അ​ഴി​മ​തി ആ​രോ​പ​ണ വി​ധേ​യ​രാ​യ നേ​താ​ക്ക​ൾ ഉ​ൾ​പ്പെ​ടെ​യു​ള്ള​വ​രാ​ണ് ഇ​പ്പോ​ഴും ജ​ന​സ​മ്പ​ർ​ക്ക​മു​ള്ള ഓ​ഫി​സു​ക​ളി​ൽ തു​ട​രു​ന്ന​ത്.

വി​ജി​ല​ൻ​സ് അ​ന്വേ​ഷ​ണം നേ​രി​ടു​ന്ന റ​വ​ന്യൂ ജീ​വ​ന​ക്കാ​ർ​ക്കെ​തി​രെ പൊ​ലീ​സ് ഇ​ന്‍റ​ലി​ജ​ൻ​സ് വി​ഭാ​ഗം നേ​ര​ത്തേ ന​ൽ​കി​യ റി​പ്പോ​ർ​ട്ട് പൂ​ഴ്ത്തി​യ​താ​യും ആ​രോ​പ​ണ​മു​ണ്ട്. 2018 ലു​ണ്ടാ​യ പ്ര​ള​യ ദു​രി​താ​ശ്വാ​സ ത​ട്ടി​പ്പി​ൽ പ്ര​തി​യാ​യി കേ​സി​ൽ​പ്പെ​ട്ട് വി​ചാ​ര​ണ നേ​രി​ടു​ന്ന വി​ല്ലേ​ജ് ഓ​ഫി​സ​ർ​ക്കെ​തി​രെ പ​ട്ട​യ​ത്തി​ന്‍റെ ഫ​യ​ൽ കൈ​കാ​ര്യം ചെ​യ്യു​ന്ന​ത് സം​ബ​ന്ധി​ച്ച് ഉ​യ​ർ​ന്ന പ​രാ​തി​യി​ൽ കൂ​ടു​ത​ൽ തെ​ളി​വു​ക​ൾ കി​ട്ടി​യി​ട്ടും റ​വ​ന്യൂ വ​കു​പ്പി​ലെ ഉ​ന്ന​ത​ർ ഇ​ട​പെ​ട്ട് സം​ര​ക്ഷി​ക്കു​ക​യാ​ണെ​ന്നാ​ണും പ​റ​യു​ന്നു. വി​ല്ലേ​ജ് ഫീ​ൽ​ഡ് അ​സി​സ്റ്റ​ന്‍റു​മാ​രു​ടെ സ്ഥ​ലം​മാ​റ്റം ഓ​ൺ​ലൈ​നാ​യി ന​ട​ത്ത​ണ​മെ​ന്ന് കോ​ട​തി ഉ​ത്ത​ര​വു​ണ്ടെ​ങ്കി​ലും ഭ​ര​ണ ക​ക്ഷി സ​ർ​വി​സ് സം​ഘ​ട​ന​യു​ടെ സം​സ്ഥാ​ന ക​മ്മി​റ്റി അം​ഗ​മാ​യ സു​ൽ​ത്താ​ൻ​ബ​ത്തേ​രി വി​ല്ലേ​ജി​ലെ ജീ​വ​ന​ക്കാ​ര​ൻ നി​യ​മ​വി​രു​ദ്ധ​മാ​യി വ​ർ​ക്കി​ങ് അ​റേ​ഞ്ച്മെ​ന്‍റ് നേ​ടി​യ​തി​നെ​തി​രെ ജീ​വ​ന​ക്കാ​ർ​ക്കി​ട​യി​ൽ പ്ര​തി​ഷേ​ധ​മു​യ​രു​ന്നു​ണ്ട്.