ടോ​യ് ല​റ്റ് ന​ട​ത്തി​പ്പു​കാ​ര​നെ മ​ർ​ദി​ച്ച കേ​സി​ലെ പ്ര​തി​ക​ൾ​ക്ക് ത​ട​വും പി​ഴ​യും

ഗൂ​ഡ​ല്ലൂ​ർ: പൊ​തു ശൗ​ചാ​ല​യ​ ന​ട​ത്തി​പ്പു​കാ​ര​നെ ആ​ക്ര​മി​ച്ച​തി​ന് മൂ​ന്ന് വ​ർ​ഷം വീ​തം ത​ട​വും പി​ഴ​യും ശിക്ഷ. ചെ​മ്പാ​ല ഈ​ട്ടി മൂ​ല സ്വ​ദേ​ശി കു​മാ​ർ എ​ന്ന വി​ജ​യ​കു​മാ​ർ (26), ബാ​ല​വാ​ടി സ്വ​ദേ​ശി ഗു​ണ​ശേ​ഖ​ര​ൻ (26), ആ​ക്കാ​ട് സ്വ​ദേ​ശി അ​ജി​ത്ത് (24) എ​ന്നി​വ​ർക്കാണ് ഗൂ​ഡ​ല്ലൂ​ർ കോ​ട​തി​ ജ​ഡ്ജി ശ​ശി​കു​മാ​ർ മൂ​ന്നു വ​ർ​ഷം ത​ട​വും 1000 രൂ​പ വീ​തം​ പിഴയും ശി​ക്ഷ വി​ധി​ച്ചത്.

ഊ​ട്ടി ദേ​ശീ​യ​പാ​ത​യി​ൽ മേ​ലെ ഗൂ​ഡ​ല്ലൂ​രി​നോ​ട് ചേ​ർ​ന്ന് കെ.​കെ. ന​ഗ​റിലെ പൊ​തു ശൗ​ചാ​ല​യ ന​ട​ത്തി​പ്പു​കാരനായ ഇ​ള​ങ്കോയെ ആക്രമിച്ച സംഭവത്തിലാണ് വിധി. ​

ക​ഴി​ഞ്ഞ വ​ർ​ഷം മാ​ർ​ച്ച് 13ന് ​രാ​ത്രി​യായിരുന്നു സംഭവം. പ്രതികൾ ഇ​തു​വ​ഴി ക​ട​ന്നുപോ​കവേ രാ​ത്രി ആ​ന​ക​ൾ വി​ഹ​രി​ക്കു​ന്ന പ്ര​ദേ​ശ​ത്ത് എ​ങ്ങോ​ട്ടാ​ണ് പോ​കു​ന്ന​തെ​ന്ന് ഇ​ള​ങ്കോ ചോ​ദി​ച്ചു. തു​ട​ർ​ന്ന് മൂ​ന്ന് പേ​ർ ചേ​ർ​ന്ന് ക​ത്തി​യും ഇ​രു​മ്പും ഉ​ൾ​പ്പെ​ടെ​യു​ള്ള ആ​യു​ധ​ങ്ങ​ളു​മാ​യി ഇ​ള​ങ്കോ​യെ ആ​ക്ര​മി​ക്കു​ക​യാ​യി​രു​ന്നു.

പ​രി​ക്കേ​റ്റ ഇ​ള​ങ്കോ​യെ ചി​കി​ത്സ​ക്കാ​യി ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. സം​ഭ​വ​ത്തി​ൽ പൊ​ലീ​സ് കേ​സെ​ടു​ത്ത് അ​ന്വേ​ഷ​ണം ന​ട​ത്തിയാണ് മൂവർക്കുമെതിരെ കുറ്റപത്രം സമർപ്പിച്ചത്. കേ​സി​ൽ പ്രോസിക്യൂഷനുവേണ്ടി പ​ബ്ലി​ക് പ്രോ​സി​ക്യൂ​ട്ട​ർ ജ്യോ​തി​മ​ണി ഹാ​ജ​രാ​യി.