ഒമ്പതുകാരിയെ വിവാഹം ചെയ്ത യുവാവിന് 25 വർഷം തടവ്

ഗൂഡല്ലൂർ: ഒമ്പതു വയസ്സ് പ്രായമുള്ള പെൺകുട്ടിയെ വിവാഹം ചെയ്ത കുറ്റത്തിന് യുവാവിനെ ഊട്ടി മഹിളാ കോടതി 25 വർഷം തടവും പതിനായിരം രൂപ പിഴയും ശിക്ഷിച്ചു.

എരുമാട് പോലീസ് സ്റ്റേഷൻ പരിധിയിലെ പി.ആർ.എഫ് കോളനിയിലെ മഹേന്ദ്രനെ (34) ആണ് കോടതി ശിക്ഷിച്ചത്. പോക്സോ നിയമപ്രകാരമാണ് വിധി. പിഴയടച്ചില്ലെങ്കിൽ ഒമ്പത് മാസം കൂടി തടവു അനുഭവിക്കണം.