താ​റാ​വും നെ​ല്ലും ഒ​രേ പാ​ട​ത്ത്; വ​യ​നാ​ട​ൻ മ​ണ്ണി​ൽ ജാ​പ്പ​നീ​സ് കൃ​ഷി ഗാഥ

പു​ൽ​പ​ള്ളി: കേ​ര​ള-​ക​ർ​ണാ​ട​ക അ​തി​ർ​ത്തി ഗ്രാ​മ​മാ​യ ചേ​കാ​ടി​യി​ൽ സം​യോ​ജി​ത കൃ​ഷി​രീ​തി​യു​മാ​യി യു​വ ക​ർ​ഷ​ക​ൻ. ചേ​കാ​ടി പു​ത്ത​ൻ​പു​ര​യി​ൽ പ്ര​വീ​ൺ ആ​ണ് താ​റാ​വ്, നെ​ല്ല് എ​ന്നി​വ സം​യോ​ജി​ത​മാ​യി കൃ​ഷി​ചെ​യ്യു​ന്ന​ത്. ക​ഴി​ഞ്ഞ വ​ർ​ഷം ഇ​ത്ത​ര​ത്തി​ൽ കൃ​ഷി ന​ട​ത്തി​യ​പ്പോ​ൾ വ​ൻ വി​ജ​യ​മാ​യി​രു​ന്നു. ജാ​പ്പ​നീ​സ്​ കൃ​ഷി​രീ​തി​യാ​ണ് ഇ​വി​ടെ പ​രീ​ക്ഷി​ച്ചി​രി​ക്കു​ന്ന​ത്.

യൂ​ട്യൂ​ബി​ലൂ​ടെ​യാ​ണ് കു​ട്ട​നാ​ട​ൻ കോ​ൾ പാ​ട​ങ്ങ​ളി​ലും മ​റ്റും ന​ട​ത്തി​വ​രു​ന്ന ഈ ​കൃ​ഷി​രീ​തി​യെ​ക്കു​റി​ച്ച് പ​ഠി​ച്ച​ത്. ര​ണ്ട​ര​യേ​ക്ക​ർ സ്​​ഥ​ല​ത്താ​ണ് നെ​ൽ​കൃ​ഷി ചെ​യ്തി​രി​ക്കു​ന്ന​ത്. ഇ​തി​ൽ​ത​ന്നെ​യാ​ണ് താ​റാ​വ് കൃ​ഷി​യും. നൂ​റി​ലേ​റെ താ​റാ​വു​ക​ളാ​ണ് ഇ​പ്പോ​ൾ ഉ​ള്ള​ത്. നി​ര​വ​ധി ഗു​ണ​ങ്ങ​ളും ഇ​തി​നു​ണ്ടെ​ന്ന് പ്ര​വീ​ൺ പ​റ​യു​ന്നു. ക​ള​യും കീ​ട​ങ്ങ​ളും ഇ​ല്ലാ​താ​കും. പു​ഴു​ക്ക​ളെ​യും താ​റാ​വു​ക​ൾ ന​ശി​പ്പി​ക്കും. താ​റാ​വു​ക​ൾ ന​ട​ക്കു​മ്പോ​ൾ നെ​ൽ​ചെ​ടി​ക്ക് ഇ​ള​ക്ക​മു​ണ്ടാ​കും. ഇ​തിെൻറ കാ​ഷ്​​ട​വും വ​ള​മാ​യി മാ​റു​ന്നു.

സ്വ​ന്തം നി​ല​യി​ൽ ന​ട​ത്തു​ന്ന ഈ ​കൃ​ഷി​ക്ക് കൃ​ഷി​വ​കു​പ്പിെൻറ സ​ഹാ​യ​ങ്ങ​ൾ ഒ​ന്നും ല​ഭി​ച്ചി​ട്ടി​ല്ല. താ​റാ​വി​നെ ഇ​റ​ച്ചി​ക്കാ​യി വി​ൽ​ക്കു​ന്നു​ണ്ട്. ഡ​ൽ​ഹി​യി​ൽ റി​സോ​ർ​ട്ട് ജീ​വ​ന​ക്കാ​ര​നാ​യി​രു​ന്നു പ്ര​വീ​ൺ. കോ​വി​ഡി​നെ തു​ട​ർ​ന്ന് തൊ​ഴി​ൽ ഇ​ല്ലാ​താ​യ​തോ​ടെ​യാ​ണ് നാ​ട്ടി​ലെ​ത്തി പു​ത്ത​ൻ കൃ​ഷി​രീ​തി പ​രീ​ക്ഷി​ച്ച​ത്.