പുല്‍പള്ളി സ്‌റ്റേഷനിലെ 12 പൊലീസുകാര്‍ക്ക് കോവിഡ്

പുല്‍പള്ളി (വയനാട്​): പുല്‍പള്ളി പൊലീസ് സ്‌റ്റേഷനിലെ 12 പൊലീസുകാര്‍ക്ക് കോവിഡ് സ്ഥിരീകരിച്ചു. ആറുപേര്‍ നിരീക്ഷണത്തിലാണ്.

ഇതിനെ തുടര്‍ന്ന് സ്‌റ്റേഷന്‍റെ പ്രവര്‍ത്തനത്തില്‍ പൊതുജനങ്ങള്‍ക്ക് നിയന്ത്രണം ഏര്‍പ്പെടുത്തി. കൂടുതല്‍ പേര്‍ക്ക് സമ്പര്‍ക്കമുള്ളതായി സൂചനയുണ്ട്. അടിയന്തര പരാതികള്‍ shopplywynd.pol@kerala.gov.in എന്ന മെയില്‍ ഐഡിയില്‍ അയക്കാമെന്നും വളരെ അത്യാവശ്യകാര്യങ്ങള്‍ക്ക് മാത്രമേ ആളുകൾ സ്‌റ്റേഷനില്‍ എത്താവൂവെന്നും പുല്‍പള്ളി സി.ഐ അറിയിച്ചു.