കാലാവസ്ഥ അനുകൂലം; ഊട്ടിയിലേക്ക് സഞ്ചാരികളുടെ വരവ്

ഗൂഡല്ലൂർ: നീലഗിരിയുടെ ജില്ല ആസ്ഥാനമായ ഊട്ടിയിൽ പ്രസന്ന കാലാവസ്ഥയായതോടെ ഉഷ്ണമേഖല പ്രദേശങ്ങളിൽ നിന്നും കേരളം, കർണാടക ഭാഗത്തുനിന്ന് സഞ്ചാരികളുടെ വരവ് വർധിച്ചു. കഴിഞ്ഞ ഒക്ടോബറിൽ തന്നെ സഞ്ചാരികളുടെ വരവ് വർധിച്ചിരുന്നു. ഇ- രജിസ്ട്രേഷൻ, ഇ-പാസും റദ്ദാക്കുകയും വാക്സിനേഷൻ രണ്ടു ഡോസും എടുത്തവർക്ക് ജില്ലയിലേക്ക് പ്രവേശിക്കാം എന്ന അനുകൂല സാഹചര്യം വന്നതോടെയാണ് ഊട്ടിയിലേക്ക് സഞ്ചാരികളുടെ വരവ് കൂടിയത്.

ചെന്നൈ, മധുരൈ, തിരു​െനൽവേലി,സേലം തുടങ്ങിയ സംസ്ഥാനത്തി​ൻെറ സമതല പ്രദേശങ്ങളിൽ നിന്നും വടക്കേ ഇന്ത്യയിൽ നിന്നുമാണ് ടൂറിസ്​​റ്റുകൾ കൂടുതൽ എത്തുന്നത്. കേരളത്തിൽ നിന്നും ടൂറിസ്​റ്റ്​ ബസുകളിലും കുടുംബത്തോടെ സഞ്ചാരികൾ എത്തിത്തുടങ്ങി.

ഇതോടെ വിനോദസഞ്ചാരമേഖലയിൽ ഊട്ടി, കൂനൂർ,ഗൂഡല്ലൂർ നഗരവും സജീവമായി.ഏറ്റവും കൂടുതൽ പേർ സന്ദർശിക്കുന്ന ഊട്ടി ബൊട്ടാണിക്കൽ ഗാർഡനിലാണ് സഞ്ചാരികളുടെ തിരക്ക് കൂടുതൽ കാണപ്പെടുന്നത്.