പീഡന കേസിൽ യുവാവിന് 45 വർഷം കഠിനതടവ്

ഗൂഡല്ലൂർ: പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ യുവാവിന് 45 വർഷം കഠിനതടവും 8000 രൂപ പിഴയും വിധിച്ചു. ഊട്ടി മഹിള കോടതിയാണ് ശിക്ഷ വിധിച്ചത്. ഊട്ടിക്ക് സമീപമുള്ള സ്വകാര്യ എസ്റ്റേറ്റിലെ ​ഝാർഖണ്ഡ് തൊഴിലാളി വിജയ് ഓറവിനെയാണ് കോടതി ശിക്ഷിച്ചത്. 2017 ലാണ് കേസിനാസ്പദ സംഭവം. പെൺകുട്ടിയെ ബലമായി പിടിച്ചു കൊണ്ടുപോയി പീഡിപ്പിക്കുകയായിരുന്നുവെന്നാണ് പൊലീസിന് പെൺകുട്ടി നൽകിയ പരാതി.