മൂപ്പൈനാടിന് വേണം ഒരു ഹയർ സെക്കൻഡറി സ്കൂൾ...

P3 Lead *റിപ്പൺ ഗവ. ഹൈസ്​കൂൾ ഹയർ സെക്കൻഡറിയായി ഉയർത്തണമെന്ന ആവശ്യം ശക്തം മേപ്പാടി: തോട്ടം മേഖലയിലേയും ഗോത്ര വിഭാഗത്തിലേയും കുട്ടികൾ ഏറെയുള്ള മൂപ്പൈനാട് പഞ്ചായത്തിൽ ഒരു സർക്കാർ ഹയർ സെക്കൻഡറി സ്കൂളിനായുള്ള കാത്തിരിപ്പിലാണ് നാട്ടുകാർ. ഈ ആവശ്യമുന്നയിച്ച് അധികാരികൾക്ക് നിരന്തരം നിവേദനങ്ങൾ സമർപ്പിച്ചു. മൂപ്പൈനാട് ഗ്രാമപഞ്ചായത്തിലെ ഏക സർക്കാർ സ്​കൂളായ റിപ്പൺ ഗവ. ഹൈസ്​കൂൾ ഹയർ സെക്കൻഡറിയായി ഉയർത്തണമെന്നാണ് നാട്ടുകാർ ആവശ്യപ്പെടുന്നത്. മൂപ്പൈനാട് ഗ്രാമപഞ്ചായത്തിൽ നിലവിൽ സർക്കാർ ഹയർ സെക്കൻഡറി സ്​കൂളില്ല. പഞ്ചായത്തിലെ സാമ്പത്തികമായി പിന്നാക്കം നിൽക്കുന്നതും എസ്റ്റേറ്റ് ലയങ്ങളിൽ താമസിക്കുന്നതുമായ തോട്ടം തൊഴിലാളികളുടെ കുട്ടികൾക്കും ചോലനായ്ക്ക, കാട്ടുനായ്ക വിഭാഗങ്ങൾ ഉൾപ്പെടെയുള്ള ഗോത്ര വിദ്യാർഥികൾക്കും ഹയർ സെക്കൻഡറി പഠനത്തിനായി തൊട്ടടുത്തുള്ള അമ്പലവയൽ, മേപ്പാടി ഗ്രാമപഞ്ചായത്തുകളിലുള്ള സ്​കൂളുകളെയാണ് ആശ്രയിക്കേണ്ടിവരുന്നത്. കൂലിപ്പണിയെടുത്ത് ജീവിക്കുന്ന കുടുംബങ്ങളിലെ വിദ്യാർഥികൾക്ക് ഇത് വലിയ സാമ്പത്തിക ബാധ്യത സൃഷ്ടിക്കുന്നു. ഇക്കാരണത്താൽ ഹയർ സെക്കൻഡറി പഠനം പൂർത്തിയാക്കാനാവാതെ പാതി വഴിയിൽ കൊഴിഞ്ഞുപോയ ഗോത്ര വിദ്യാർഥികളേറെയാണ്. നിലവിൽ 615 കുട്ടികളാണ് റിപ്പൺ ഗവ. ഹൈസ്​കൂളിൽ പഠിക്കുന്നത്. രാജ്യം സ്വാതന്ത്ര്യം നേടുന്നതിന് വർഷങ്ങൾക്ക് മുമ്പ് തോട്ടം തൊഴിലാളികളുടെ കുട്ടികൾക്ക് വിദ്യാഭ്യാസം നൽകുന്നതിനായി എസ്റ്റേറ്റ് മാനേജ്മെന്റ് സ്​ഥാപിച്ചതാണ് റിപ്പൺ സ്​കൂൾ. 1980കളിൽ തോട്ടം മേഖലയിൽ ഉണ്ടായ സാമ്പത്തിക പ്രതിസന്ധിയെ തുടർന്ന് സ്​കൂളിന്റെ പ്രവർത്തനം നിർത്താൻ മാനേജ്മെന്റ് തീരുമാനമെടുത്തു. വിവരം അറിഞ്ഞ് നാട്ടിലെ അക്ഷര സ്​നേഹികൾ ഇടപെടുകയും എസ്റ്റേറ്റ് മാനേജ്മെന്റുമായി നടത്തിയ സമരങ്ങളുടെയും ചർച്ചകളുടെയും ഫലമായി റിപ്പൺ സ്​കൂൾ വിട്ടു നൽകാൻ സമ്മതം നൽകുകയും ചെയ്തു. തുടർന്ന് അന്നത്തെ അവിഭക്ത പഞ്ചായത്തായിരുന്ന മേപ്പാടി ഗ്രാമപഞ്ചായത്ത് റിപ്പൺ സ്​കൂളിന്റെ നിയന്ത്രണം ഏറ്റെടുത്തു. പഞ്ചായത്ത് സെക്രട്ടറി മാനേജറായി റിപ്പൺ സ്​കൂളിന്റെ പ്രവർത്തനം തുടരുകയും ചെയ്തു. പിന്നീട് മേപ്പാടി പഞ്ചായത്ത് വിഭജിച്ച് മൂപ്പൈനാട് ഗ്രാമപഞ്ചായത്ത് നിലവിൽ വന്നതോടെ റിപ്പൺ സ്​കൂളിന്റെ നിയന്ത്രണം മൂപ്പൈനാട് പഞ്ചായത്തിൽ നിക്ഷിപ്തമാവുകയായിരുന്നു. വി.എസ്​. അച്യുതാനന്ദൻ സർക്കാറിന്റെ കാലത്ത് ഗ്രാമപഞ്ചായത്ത് സെക്രട്ടറിമാർ മാനേജർമാരായുള്ള മുഴുവൻ എൽ.പി സ്​കൂളുകളും യു.പി സ്​കൂളുകളാക്കി ഉയർത്താനും സർക്കാർ ഏറ്റെടുക്കാനും തീരുമാനിച്ചതിന്റെ ഫലമായി റിപ്പൺ സ്​കൂളും യു.പി സ്​കൂളായി മാറി. തുടർന്ന് വന്ന സർക്കാർ റിപ്പൺ സ്​കൂൾ ആർ.എം.എസ്​.എ പദ്ധതിയിൽ ഉൾപ്പെടുത്തി ഹൈസ്​കൂളായി ഉയർത്തി. ഒന്നാം പിണറായി സർക്കാറിന്റെ കാലത്ത് ആർ.എം.എസ്.എ പദ്ധതിയുടെ ഭാഗമായി പ്രവർത്തിച്ചിരുന്ന മുഴുവൻ ഹൈസ്​കൂളുകളും സർക്കാർ ഏറ്റെടുക്കാൻ തീരുമാനിച്ചതേടെ റിപ്പൺ സ്​കൂളും ഗവ. ഹൈസ്​കൂളായി മാറുകയായിരുന്നു. Inner Box മന്ത്രിക്ക് നിവേദനം നൽകി റിപ്പൺ സ്കൂൾ ഹയർ സെക്കൻഡറിയായി അപ്ഗ്രേഡ് ചെയ്യണം എന്നാവശ്യപ്പെട്ട് സമന്വയം ഗ്രന്ഥശാല ആഭിമുഖ്യത്തിൽ 1250 പേർ ഒപ്പിട്ട നിവേദനം വിദ്യാഭ്യാസ വകുപ്പ് മന്ത്രി കെ. ശിവൻകുട്ടിക്ക് കൈമാറി. സമന്വയം സെക്രട്ടറി ഉദൈഫ റിപ്പൺ, ലൈബ്രേറിയൻ പി.വി. കദീജ, എക്സിക്യൂട്ടിവ് അംഗം വി. ദീപിക, സ്ഥാപക സെക്രട്ടറി കെ. അഷ്റഫ് അലി എന്നിവർ ചേർന്നാണ് നിവേദനം കൈമാറിയത്. തോട്ടം മേഖലയിലേയും ഗോത്ര വിഭാഗത്തിലേയും കുട്ടികൾ പഠിക്കുന്ന സ്കൂൾ അപ്ഗ്രേഡ് ചെയ്യാൻ ആവശ്യമായ എല്ലാ സഹായവും നൽകുമെന്ന് മന്ത്രി ഉറപ്പുനൽകി. THUWDL2 റിപ്പൺ സ്കൂൾ അപ്ഗ്രേഡ് ചെയ്യണം എന്നാവശ്യപ്പെട്ട് സമന്വയം ഗ്രന്ഥശാല ഭാരവാഹികൾ വിദ്യാഭ്യാസമന്ത്രി കെ. ശിവൻകുട്ടിക്ക് നിവേദനം നൽകുന്നു ........... സ്പോർട്സ് അക്കാദമി ബ്രോഷർ പ്രകാശനം താളൂർ: നീലഗിരി കോളജ് കായിക വിഭാഗം സ്പോർട്സ് അക്കാദമി ബ്രോഷർ പ്രകാശനം ചെയ്തു. നീലഗിരി, വയനാട് ജില്ലയിലും പരിസര പ്രദേശങ്ങളിലുമുള്ള യുവ കായിക പ്രതിഭകൾക്ക് അന്താരാഷ്ട്ര നിലവാരത്തിലുള്ള പരിശീലനം നൽകുകയും വിവിധ ക്ലബുകൾക്ക് കീഴിൽ കരുത്തുകാട്ടി അവസരങ്ങൾ ഒരുക്കുകയുമാണ് സപോർട്സ് അക്കാദമിയുടെ ലക്ഷ്യം. ദുബൈ സി.എഫ്.എ ഫുട്ബാൾ അക്കാദമി, നെജണ്ട സ്പോർട്ടിങ് ക്ലബ് ഘാന ആഫ്രിക്ക, കോവളം എഫ്.സി തിരുവനന്തപുരം, ബാസ്കോ കോഴിക്കോട്, ലക്ഷദ്വീപ് ഫുട്ബാൾ അസോസിയേഷൻ, നീലഗിരി ഡിസ്ട്രിക്ട് ഫുട്ബാൾ അസോസിയേഷൻ, അയ്ഫാ പാലക്കാ‌ട് എന്നീ ക്ലബുകളുമായി ധാരണപത്രവും സഹകരണവും നടന്നു വരുന്നു. ഭാരതീയർ സർവകലശാല ടീം, കോവളം എഫ്.സി. ടീം, ബാഗ്ലൂർ എഫ്.സി. ടീം എന്നിവിടങ്ങളിൽ പരിശീലനം നടത്തുന്ന സി.ആർ. ഷഹീർ, സൽമാൻ ഫാരിസ്, പി.എസ്. അജയ്, ജിബിൻ എന്നിവർ നീലഗിരി കോളജിലെ ഫുട്ബാൾ അക്കാദമിയിൽ പരിശീലനം നേടിയവരാണ്. മേയ് അവസാനത്തോടെ ഇന്റർനാഷനൽ ഫ്ലഡ്ല്ലിറ്റ് മത്സരത്തിനായി ദുബൈയിൽനിന്ന് ടീമുകൾ നീലഗിരി കോളജിൽ എത്തും. സ്വന്തം പ്രതിസന്ധികളെ അവസരങ്ങളാക്കി മാറ്റുന്ന ആസിം വെളിമണ്ണയാണ് ബ്രോഷർ പ്രകാശനം ചെയ്തത്. നീലഗിരി കോളജ് എം.ഡി റാഷിദ് ഗസ്സാലി, അക്കാദമിക് ഡീൻ. പ്രഫ. മോഹൻ ബാബു, കായിക വിഭാഗം മേധാവി സരിൽ വർഗീസ്, ചീഫ് കോച്ച് സി. സത്യൻ എന്നിവർ സംസാരിച്ചു. THUWDL4 നീലഗിരി കോളജ് കായിക വിഭാഗം സ്പോർട്സ് അക്കാദമി ബ്രോഷർ പ്രകാശനം ആസിം വെളിമണ്ണ നിർവഹിക്കുന്നു പൂർവ വിദ്യാർഥി സംഗമം കോട്ടത്തറ: 1946ൽ സ്ഥാപിതമായ തെക്കുംതറ അമ്മ സഹായം യു.പി സ്കൂൾ പ്ലാറ്റിനം ജൂബിലി ആഘോഷത്തിന്റെ ഭാഗമായി ഏപ്രിൽ 24ന് രാവിലെ 10 മുതൽ പൂർവ വിദ്യാർഥി സംഗമം നടത്തും. പൂർവവിദ്യാർഥിയും സംസ്ഥാന അധ്യാപക അവാർഡ് ജേതാവുമായ എം. സുനിൽകുമാർ സംഗമം ഉദ്ഘാടനം ചെയ്യും.