ഇന്ധന വിലവർധനവിനെതിരെ ധർണ

ഗൂഡല്ലൂർ: ഇന്ധന വിലവർധനവിൽ പ്രതിഷേധിച്ച് സി.പി.എമ്മിന്റെ നേതൃത്വത്തിൽ ഊട്ടി എ.ടി.സി മൈതാനിയിൽ ധർണ നടത്തി. ഇന്ധനവില-പാചകവാതക സിലിണ്ടർ വില കുറക്കുക, കേന്ദ്രസർക്കാറിന്റെ തെറ്റായനയം തിരുത്തുക, ജനദ്രോഹനടപടി അവസാനിപ്പിക്കുക തുടങ്ങിയ ആവശ്യങ്ങളുന്നയിച്ചാണ് സമരം നടത്തിയത്. ഏരിയ സെക്രട്ടറി നവീൻ ചന്ദ്രൻ അധ്യക്ഷത വഹിച്ചു. മൂർത്തി, ശങ്കര ലിംഗം, രാജൻ, രാജരത്തിനം എന്നിവർ സംസാരിച്ചു.