കുറുക്കൻമൂലയിൽ വീണ്ടും കടുവ പശുവിനെ കൊന്നു

മാനന്തവാടി: മൂന്നു മാസത്തെ ഇടവേളക്കുശേഷം കുറുക്കൻമൂല വീണ്ടും കടുവയുടെ ആക്രമണ ഭീഷണിയിൽ. തിങ്കളാഴ്ച ഉച്ചയോടെ കോതമ്പറ്റ കോളനിയിലെ ബാബുവിന്റെ പശുവിനെയാണ് കടുവ കൊന്നത്. വയലിൽ മേയാൻ വിട്ടതായിരുന്നു. വനപാലകർ സ്ഥലത്തെത്തി മേൽനടപടി സ്വീകരിച്ചു. കഴിഞ്ഞ നവംബർ, ഡിസംബർ മാസങ്ങളിൽ പ്രദേശത്തെ 14 കർഷകരുടെ 17 വളർത്തുമൃഗങ്ങളെ കൊന്ന സംഭവം വലിയ വിവാദമായിരുന്നു. ഈ കർഷകർക്ക് ഇതുവരെ നഷ്ടപരിഹാരം ലഭിച്ചിട്ടില്ല. cap കടുവയുടെ ആക്രമണത്തിൽ കൊല്ലപ്പെട്ട പശു